دخيلة الشيخ رائد

البارت الثاني (الجزء2)

روايه:دخيلة الشيخ رائد

بقلمي: زهراء الحسن

تصويت والمتابعة لطفاً+لتنسون تعليقاتكم بين الفقرات

إذا فعلت أي شيء صحيح في حياتي،فهو إعطاء قلبي لك ..

ـــــــــــــــــ♡ـــــــــــــــــــــ

      «  نغم  »

فتحت عيوني اباوع للغرفة رجعت ليورا اني وين؟ بقيت صافنه هنا تذكرت...

-نغم بعصبية: رائـدددددددد

گمت دگيت باب الحمام نفتح ماكو احد

-نغم: هذا وين راح؟ عزززه صدگ خطفني الخبل

رحت للشباك فتحته العالم تروح وتجي الدنيا شبه العصر احس جايبني لغير منطقه هاي مو منطقتنه

گعدت ابچي هسة وين سيلين والشهم منو يمهم بهاي الاثناء دخل سد لباب گمت عليه دفعته قوي وگتله .

-نغم: انتَ خببببل وووييين جايبنيي يله رجعنيي رجعنيييي

ماجاوبني راح للكنتور يطلع ملابس احس دمي يغلي صحت بي . 

-نغم: شببيييك متسمععع رجعنيييي

-رائـد: صوتچ نغم گلبي

ابتسم بتسامه جانبيه ودخل للحمام گعدت افرك بيدي بالي يم الاطفال وين خلاهم....

ـــــــــــــــــــــــــــ

      سما

طلعت من الصالون شفته واگف من شافني صعد فتحت لباب وصعدت . 

-سما: اريد للسوگ

-زين: تمام

ربع ساعة وصلنه نزلت گتله

-سما: انزل ويايَّ

-زين: بابا اني سايق مو حارسچ الشخصي

بقيت اباوعله من گال بابا ليش محد گالي هيچ من قبل دنگت بحزن .

-زين: شبيچ لزگتي على الجامه چنج ذبانه

رفعت راسي

-سما: عفواً ذبانه حترم نفسك

-زين: الله كريم ديله روحي

عفته ومشيت ادخل من محل لمحل ماخذت هواي لأن ماگدر اشيل الكعب عالي وگوه امشي رجعت للسياره بالگوه بس هو ماكو..

-سما: هذا وين راحح

صعدت انتضرت شوية شفته اجه شايل ورد  عدلت نفسي باوعت للجامه وهو صعد وساق..

-سما: احم عادي اسألك

-زين: سألي

-سما: انتَ مزوج؟

-زين: لا

-سما: مخطوب

-زين: هم لا