جاهلٍ بالحُّب

( البارت الخامس )

بْسـم آلُلُہ آلُرحٍـمـنْ آلُرحٍـيَم 🤎.

•
•

— العيال —
جالسين سوا وقام الجد راشد وقال: ياتركي
ابو راكان: سم؟ الجد راشد: ناد بنتك نجود خلها تجيب الراديو وتجي المقلط
الكل استغرب ابو راكان: ابشر
ابو جاسر: ليه يابوي؟
الجد راشد ضحك: شيء خاص ولا ياباسل؟
باسل عدل جلسته وهو مو فاهم: اء إلا
ابو راكان: قم يابهاج نادها
بهاج قام وراح يدورها لكن مالقاها
ام وافي: بهاج؟
بهاج: اء اوه هلا خالتي ام وافي شحالتس؟
ام وافي: بخير وانت بهاج: الحمدلله بصحه وعافيه
ام وافي: وش بغيت؟ بهاج: اء اختي نجود
ام وافي: بالسطح
استغرب بهاج كلامها لان محد يحب هالمكان واصلا جدهم محذرهم احد يروح له
مشى بهاج ورقى وفتح الباب وانصدم من وجود جميع بنات عماته وهم اللي كلهم تجمدو اماكنهم حتى أنهم ماصرخو ولا نطقو بحرف
بهاج من ورا الباب: اء نجود تجين شوي
نجود: وش تبي؟ أصلا وش دراك عن مكاننا؟
بهاج: خالتي ام وافي .. جدي يبيتس تحت
استغربت نجود وخافت توقعت أشياء كثيره يسويها باسل وهي خذت فكره ان باسل يسوي اي شي براسه مايستحي ولا يخاف ! ناظرت البنات بتوتر بعدها طلعت له ونزلو تحت .
دخلو المقلط وقال باسل: انتظري هنا وراح عطى جده خبر وقام جده ونطق: وراي شغله أنا بروح .. تعال معي ياباسل تفزع معي
باسل فز يقوم: احتزم بي سم؟
ابتسم الجد راشد: سم الله عدوك نبيك اليوم مدرس
ضحك باسل: لمين؟ سعد؟ تراي مو شاطر هههههه
ضحك الجد راشد: لالا مو سعد أخبرك يومك صغير وانت تحب هالشيء اللي فبالي
باسل ابتسم بفضول: نشوف وش هو وراحو .
— البنات —
امل: عمى طولت صح؟
كادي: ايه غريبه وش يبي فيها جدي
بيان: نروح نتأكد؟ يمكنها بالمطبخ تسوي شاهي ولا قهوه
ليان: لالا لو كذا كان نادونا كلنا او عالاقل غيرها
— المقلط —
نجود جالسه وتهوجس وخايفه بنفس الوقت سمعت فتحة الباب وانصدمت من شافت جدها ووراه الشخص نفسه اللي كانت تفكر فيه وخايفه منه " باسل "
الجد راشد: جيبي الكرسي يانجود وجابته بخوف وتوتر
الجد راشد: اجلسو بالأرض واحضبو
الجد راشد: تعرفينه يانجود صح؟
نجود ناظرت باسل وهو ناظرها وقالت بارتباك: اء لا
الجد راشد: ماتعرفينه؟؟؟ هذا ولد عبدالله بحسبة اخوي قلها اسمك
باسل: اسمي باسل .. عمي للحين ماعرفت اعلمها بأيش؟
الجد راشد: بتعلم حفيدتي الإلكترونات وكيف تصلحهم هي تحب هالاشياء وقلت باسل مايقصر
ابتسم باسل: ياحبي لك ياعمي .. ابشر بنعلمها وتصير احسن مني
نجود ابتسمت لكن واضح انها خايفه منه ومارتاحت له
الجد راشد: جبتي الراديو؟ نجود: اء ايه وعطته باسل
باسل تفقده وقال: مثل هذيك المره ياعمي
الجد راشد: معاد عرفت له اضبطوه وانتبهو يخرب لأكسره على روسكم انتو الاثنين
ضحكت نجود وابتسم باسل لها وقال: ابشر ... امسكي يا.. ذكريني باسمتس؟
نجود: نجود باسل الحين بسوي كم خطوه وشوفي بعدين ابغاك تسوين مثلي
نجود: تمام وبدأ باسل يشرح لها ونجود مركزه معه ومركزه مع كل خطوه
بينما الجد راشد جالس منتبه زين لهم وخصوصا لنجود ابتسم باسل ينطق: ضبط
الجد راشد: زين اشبكه أشوف يضبط بعد ولألا
باسل: ان شاءالله وحطه لكن الغريب مافتح وحاول لكن نفس الشي الين ماشاف الفيش يشتعل وتطفى الكهرباء ....

الكاتبه : نُوت ✍🏻
1446/4/2 (السبت)