المستهام
"شيماء الدُليمي"
جان من الأول و أفتهم الموضوع
ثوب الما رهم مو شرط يتخصر.
أرام:: دخلت للغرفه وأبتسامتي تارسه وجهي هواي سامعه من خالاتي وامي عن حب خاله شهد لزوجها وشلون حاربو وتأذو علمود بس ينجمعون سوه،
بس القدر ما جان كاتبلهم ينجمون طول الحياة، و توفه وره ثلاث اشهر
ما ظل ذكرى لخالتي منه غير سيف وصور عرسهم التارسه حياطين هاي الغرفه
ومن وراهه خالتي حرمت اي رجال دخله لحياتهه وكلما يجيبون طاري الزواج تگول من طا حظي اذا اخلي غير هاشم يلمسني
دخلت للغرفه امرر اصابيعي على الصور من بين هاي الصور جذبتني صوره ألي حجمهه وسط محطوطه برواز شلتهه بأيدي ضحكت عليهه جنت صغيره تقريبا عمري بين السنتين والثلاث سنين شعري مكفوش والحال يرثى له بين صفنتي على الصوره والصور البقيه فززني صوت سيف العالي
_شدخلل الفارهه لهااي الغرفهه
ارام:: سييف جفلتني والله امداك
سيف:: ههههههه، شتسوين هنا
ارام:: مدري رجلي جابتني ولفتني منظر الغرفه ودا اشوفهه
سيف:: امم تعرفين هاي الغرفه مال ماما قبل
ارام:: امم توقعت لان متروسه صور عرسهم، بس ليش صورتي موجوده من ضمن هاي الصور
سيف:: ببتسامه، سئلي امي ليش تسئليني،
تعاي ننزل
ارام:: باوعتله بشك، يعني ما تعرفف؟
سيف:: ههههههه لا ما اعرف
ارام:: اممم صدگت، رجعت الصوره بمكانهه وطلعت من الغرفه هو طلع وسد الباب نزلنه الدرج
سيف:: شلون صارت رجلج؟
ارام:: زينهه بس بيهه هيج وجع خفيف
سيف:: گعدي على التخم بين ما اجيب اللفاف و المعقم علمود اعقمها الج
ارام:: بخوف، ماكو داعي عوفهه هيج
سيف:: ما يصير لازم تتعقم
ارام:: بكيفك بس اذا تأذيني اگول لخاله تضربك
سيف:: خو انتي ضربيني عليش خالتج
ارام:: لا ما يصير خاله گالت
سيف:: بندهاش، ما يصير تضربين بس عادي تغلطين
ارام:: ماا غلطتت لا تجذبب
سيف:: لعد الأمداك شنو؟
ارام:: بنداهش، هاي غلطه؟
سيف:: لعد شنو اذا مو غلطه
ارام:: رفعت كتفي بعدم مبالاة، بالنسبه الي مو غلطه ف عادي اگولهه
أنت تقرأ
المستهام
Romansaذئباً ثائراً مجروحاً من الجميع يرى الحياة في احدى الفراشات التي صادفها اثناء عملهه ولكن ليس من المعقول أن الفراشه تستطيع تحمل الذئب الجريح.
