اجرام من طراز اخر

Part 34🦋

#اجرام من طراز اخر

#بقلم شهد الموسوي

#فراشاتي لا تنسون التصويت والتعليق بين الفقرات لطفاً 🦋
................................................
# البارت ما قبل الاخير #
................................................
...............آيتن...............

همام: شلونها زوجتي

آيتن: شسوي هنا

تقرب مني كمشني من خصري وقربني علي طبع بوسه بركبتي وهمس بأذني : صرتي زوجتي شرعاً وقانوناً

آيتن: اكرهك وراح اضل اكرهك لاخر يوم بعمري

همام: اكرهي على راحتج زوجتي العزيزة

آيتن: اطلع منا

همام: حضري نفسج بعد اسبوعين الزواج

آيتن: ما اريد

همام: مو هية بكيفج

آيتن: صدكني انزل اكول للكل

همام: تكليلهم جابرني روحي نزلي احجي لو اطكين راسج بالف حايط مراح يتغير شي وتخلصين مني

: عافني وطلعت مسحت دموعي ورحت بدلت لبست بجامة وتمددت على السرير ابجي على حظي الاعوج الخلاني اشوف هيج شكول

: حتى الامل الي جان عندي شويكار بروحتها انتهى هذا الامل مستحيل واحد يساعدني غيرها ما اعرف شسوي بنفسي ادمرت حياتي مسحت دموعي ونمت راسي راح ينفجر من البجي وضغط التفكير ...

: فزيت من حسيت اكو حركة بالغرفة مسحت على عيوني لان الغواش محاوطهن لكيت همام كاعد كبال السرير ويشرب جكاير

آيتن: شتريد

همام: تعاي اراويج شي

آيتن: شتراويني

همام: كومي

: كمت ويا عيوني كوه فاتحتها نعسانه وهذا اله يكومني رحت ويا لغرفته بس دخلت قفل الباب وخله المفتاح بجيبه باوعتله بصدمة وخوف

آيتن: ليش قفلت الباب

همام: هسه شعليج بالباب

: ضليت واكفه بمكاني هوه تقدم مدري شنو يطلع من الكنتور شوي وطلع علبة شكلها حلو تقدم عليه وفتحها جانت كلادة واسوار نفس الشكل نازكين بشكل مو طبيعي

اخذ الكلادة وتقدم يلبسني : وخري شعرج

وخرته هوه لبسنياها ودارني علي : عجبتج

آيتن: اي

لبسني الاسوار هم واردف : بالعافية

آيتن: اني ما اريدهن