المقدمه♥
بسم الله 🌸
اسيا: انا مستحيل نمشي عندهم ياماما
فاطمه: هضا مش قرارك هضا قرار بوك
محمد: كل واحد فينا عندا حياة وهما انضني حياتنا مش ح تعجبهم صاح
فاطمه: انت واختك كان يسمعكم باتكم يعرف شن يدير فيكم..!
محمد: والله يا امي بجو نحنا هضا حوشنا وانا متعود مانبيش نمشي ونعيش غادي
فاطمه: يأست من عيالها.. تو يجي بوكم ويتفاهم معاكم انتو
اسيا: عليش هضا كلا نحنا ما نبوش نمشو يا ماما
فاطمه: حي على تسكير الراس حي على تسكير الراس وعدت وسيبتهم
اسيا: نحنا لازم نلقو حل
محمد: انتي عارفه ان لو امي قالت لاباتي نحنا غصب عنا نمشو
اسيا: لذالك لازم نصرفو قبل ماهو يروح
محمد: بضبط..
لحظه لحظه لحظه انا اسفه خشيت واندعبت😂🥲حنفهمكم شن صاير!
انا اسيا مواليد 2001عايشه مع ماما وبابا وخويا محمد هوا اكبر مني مواليد 1994وماما مواليد 1975وبابا1973ماما اسمها ربيعه وبابا اسمه خالد.. طبعا بابا لما اجوز ماما عيلته كلها كانت رافضه زواجه منها عشان ماما كانت حالتها الماديه تحت المتوسطه وبابا كان معاه فلوس وعائلته معروفه ف بابا قرر يطلع وسيب الحوش عشان ياخذ ماما.. دار حوش بروحه وبدا من الصفر ياسس فيه وحاليا نحنا معروفين لان خلال السنين هذينا بابا دار شغل وحوش في وقت الجميع منصدم منا.. طبعا عندي عمين يعني 2اعمام واحد احمد متزوج وعنده ملك وايهم وزوجته اسمها مودة
وعمي الثاني اسمه عبدالسلام متزوج وحده امل تقول لشيطان حول ونا نقمعز مكانك😂🥲 عندا منها 3بسمه وسند ورتال
نعرفكم على مواليد عيال عمي احمد.. 🕊
ملك اكبر مني انا بسنه وحده يعني 2000مسكرا وخوها ايهم كان اكبر من خويا محمد 1990وهوا خاطب البنت الشريره ابتهال
اما عمي عبد السلام عياله
سند هوا فرحة عمي الاولى وهو مواليد1989 بس كل هما الشغل حتى هوا خاطب اخت الشريرة خطيبت محمد الي اسمها دنيا.. اخته بسمه هيا اصغر مني انا مواليد2004 طبعا هي ماعندها لاشغل ولا مشغله غير انها تقعد غايره من البنات ومني انا تحديدا😂لانها تقرا معايا في نفس المدرسه🥲المهم نجو لاخر عنقود لبنيتهم رتال طفله عمرها 4سنوات لسانها اطول من حيات جدي😂😂😂🥲 تشبيه حقير اسفه😂😂😂😂 توا نعرفكم على جدي جدي انا اسمه خليفه وجديده اسمها نعيمه..
نسيت نقوللكم حاجه مهم جدا نحنا توا ماشيين نعيشو في حوش العيله عشان جدي طلب من بابا يجيب عيلته ويجي على اساس ان يبي يموت وهكي حتقولو عليا قليلة ادب كنها تدوي هكي انا نحكي من الي شفته وان هوا كان يجي لبابا وحتعرفو لقدام الاسباب واجده الحق بس انا رافضه وخويا محمد رافض.. بس بابا قرر ان نمشو لحوش العيله!
