#الاشوس
الكاتبة: ارين
تفاعلكم ع البارت وتعليقاتكم بين فقرة وفقرة💋.
أثري يَبقى وأنت تَزول .
----⚜️----
-ميسون
غمضت عيوني ماريد اعرف هي ماريد
اصف ::- منو ميسون!
ميسون ::- لا حبيبي ماتعرف ماما
اصف ::- العفو منچ ماعندي أم
رادت تحچي سديت الاتصال بوجهها درت وجهي اريد اشوف حيان وين بس ماهو يمي كلت احظر الرقم واعوفها ماريد اخرب مزاجه واكوله اتصلت عليك
شنو اللي ذكرها بينا أصلاً بعد كل هلسنين!!!
تخربط كل وضعي من حجيت وياها يابا نار شبت بگلبي طلعت الخط مالت حيان وكسرته ضليت گاعد وافكر ليش حتى تتصل بعد كل هلسنين ليشش
تشوش عقلي فكرت ابلغ الاشوس بس هو اللي بي مكفي وهم هسه يضل يدور مشاكل وليش تتصل وتصير هوسة ثانية ف قررت اسكت افضل
رجعت للشغل حيان اجا سألني وگتله اني كسرت الخط استغرب وسألني غلست عنا وهو شافني ضايج ماحجه شي وياي بس انتبهت عليه حس اكو شي
التهيت بشغلي شوية وخابرني الاشوس كال جاي شوية وشفته فات عيونه تدور بالمكان مبين يدور على روز
اجاني كبل لايحجي شي صفن بوجهي
الاشوس ::- شبيك؟
اصف ::- شبيه!
-احسك غريب وجهك تعبان صاير شي
-لا تعبان من الشغل بس
هز راسه بمعنى تمام وباوع ورا وگال
-روز وينها
باوعت للمكان الچانت بي ماكو مموجودة استغربت
اصف ::- شمدريني شو جانت هنا گاعدة وين راحت
باوعلي بغضب واردف بنبرة عصبية
الاشوس ::- شبيك شنو ماتدري لعد ابوية يدري!!!
اصف ::- لاتصيح وتفضحنا مو بيت ابوك لك هسه تلگاها تفرفر
سألت واحد من الي يشتغلون وياي اشرلي على ميز باوعنالها كاعدة وي مجموعة بنات الاشوس گال
الاشوس ::- هاي منو ذني البنات!
اصف ::- ماعرف بس شفتهن كبل شوية من اجن
-شجابهن عليها
-والله مامنتبه ياخي لاتلح وتفتح وياي تحقيق
باوعلي بنظرة سريعة من فوك لجوا وكال
الاشوس ::- وضعك ماعاجبني
أنت تقرأ
الاشوس
General Fictionبين الظلم والطغيان، رجلٌ لا تهلكهُ الصعاب بين حُبٍ وهلاك. ذكرياتهُ تُقطعهُ ألى اشلاء ألا إنه صلب لا يهزمهُ ألإكتئاب ثلاث اشقاء إنكسروا من الصغر حتى أصبح لكُل منهم غاية غامضون لكُل منهم حكاية وحيدون اقوياء قاسيوون لُطفاء ظالمـون ابرياء ٭٭٭ انا...
