" القلب لك لو انك بعيد "

Part 1

الجده ؛ عوض ناد ولدك سعود يجي هو وعائلته لان بنطلع طلعه البر نبي جمعه عائليه
الجد : تبشرين بس تعرفين مشاكل فهد مع اخوه سعود الي بلا سبب وان جاء قامت الدنيا فوق وتحت ومشاكل وسب وراسي يصدع منهم
الجده : ياعوض تعرف عيالك مانبي نموت إلا واهم متسامحين ومع بعض نبي نحاول نراضيهم .. صحيح صعب بس الشكوى لله
الجد : مقدر ارد لك طلب ياصيته بس تعرفين شنسوي بنروح ونرجع بيتنا
الجده : لا معليك مخططه خطط كثيييره أعزمه وجيب خوياك الرجال ولا اهم بيسوون مشاكل قدام الناس يمثلون ع حبهم لبعض
الجد : صحيح والله خلاص اجل بتصل عليه واشوف بيجي او لا
الجد اتصل ع سعود
سعود : يامرحبا يابوي ياحيي هالصوت الجميل
الجد : هلا فيك ياولدي قبل ابدي بطلب طلب منك
سعود : امر يابوي تعرف أنا مارد لك طلب
الجد : ونعم فيك وعارف ... تعال القصيم امك تبي تسوي جمعه عائليه نجلس بالبر ونسولف
سعود : ابشر والله بس يابوي ماني جايب عائلتي تعرف مشاكل اخوي فهد واهم مايبون مشاكل
الجد : لا لا ياتجيب اهلك يا خلاص لاتجي ولا راضي عليك
سعود : افا يابوي أنا جايك وجايب البيت كله وابشر اهلي معاي معاي
الجد : اي اشوا ولا عليك ماراح تصير مشاكل
سعود : الي تأمر فيه يابوي
الجد : يلا مع السلامه
الجده : شفت نبي نجمعهم ويتراضون بإذن الله
الجد : ان شاء الله الله يسمع منك
الجده : اتصل وارسل بالقروب ان فيه طلعه بر
الجد تسجيل صوت بالقروب : بعد بكرا بنطلع بر طلعه عائليه ونجلس ونمرح وننبسط جهزو أغراضكم
فهد تسجيل صوت : ابشر أبشر يابوي
احمد تسجيل صوت : ولا يهمك اول الحاضرين أنا واخوي فهد
-
فهد : نواف روح روح قول ل امك بعد بكرا بنطلع البر
نواف : ليه يابوي عندي شغل بودي امي ل اهلها
فهد : اقول روح روح قول لها ابوي ان قال كلمه نمشي ونروح معاه سامع
نواف : يابوي أنا ماني رايح ماني بجلس بتصل على محمد بنروح للرياض عندي اشغال
فهد : اقول محمد بيروح غصبن عنه وانت تروح فاهم تبي ابوي يهاوشني ان ماجبت عيالي يا تروح يا تنطق بالبيت سامعه
نواف : خلاص خلاص رايح معاكم بروح اقول ل امي
نواف : يايمه ترا بعد بكرا بنروح وانتم ياخواتي اسمعو بعد بكرا بنروح
الجوهره : يالله أنا بروح لخوياتي مالي دخل فيهم دايم نمشي ب اوامرهم
فاطمه : تسمعين كلمة ابوك تمشين عليها غصب سامعه رضيتي ولا انرضيتي تمشين تمشين !
نواف : أنا قبلك بروح الرياض عندي اشغال ورافض ابوي
الجوهره : دام جمعه عائله كامله يعني سعود واهله !
نواف : صح ماسالت ابوي يالله بتصير مشاكل
الجوهره : ييييع كريهين نوره وبنتها وع صدق
فاطمه : الله يعين بتصير مشاكل ونرجع ولا نتهنى بالطلعه
نواف : إلا بسالكم شسم بنت سعود
الجوهره : ماتعرف اسمها !
نواف : أصلا ماهتم لهم علشان اعرف اسم بنته
الجوهره : اسمها مها وع اذكر قبل 8 سنوات كان عمرها 10 سنوات دلوعه وكريهه
فاطمه : صح والله بس سلوبها وإخلاقها حلوه
الجوهره : تخسى ، افراح شفيك ساكته وتناظرين وتسمعين
افراح : جالسه افكر هل هي صارت حلوه اكثر من قبل وهل هي بتدرس جامعه او اهلها يرفضون مثلنا
الجوهره : اقول اسحبي ع كلامك وش تقولين بتروحين وليه ماعترضتي
افراح : ان قلت لا بروح غصب وفيني فضول اشوف مها
فاطمه : بشوف نوره صح انها تهبل إلا اني بشوف كيف تغيرت او لا
نواف : يالله ياكلامكم أنا اكرهم وانا م شفتهم كيف لو شفتهم ، خلاص بمشي أنا بدق ع محمد
طلع نواف واهله يفكرون كيف اشكالهم
-
نواف يتصل ع محمد : محمد وينك
محمد : والله ابد جالس اتجهز ل بعد بكرا
نواف : ههههه شكلك متحمس
محمد : لا والله بس اهلي اوديهم يشترون بيكشخون ل اهل سعود
نواف : يوه عاد الي يشوفوهم مزايين
محمد : والله عاد مدري الي فهمته من خواتي انهم مزايين وشكلي بخطب مها ههههه
نواف : اي علشان مانحضر زواجك
محمد : افا يالخوي تجهز بس بنطلع بعد بكرا
نواف : اي اصلاً بودي اهلي بكرا يتجهزون
محمد : يلا مع السلامه
-
سعود : نوره ترا بنمشي بكرا للقصيم
نوره : ليش نروح للقصيم
سعود : اهلي يبون نطلع للبر معاهم
نوره : ايش!! تبي تصير مشاكل أنا مابي مشاكل
سعود : يابنت استهدي بالله بنروح والي يصير يصير
نوره : اففف مابي اشوفهم اخر مرا شفتهم قبل 8سنوات
سعود : امي وابوي طلبو مني نروح
نوره : انت دايم تروح لهم خلاص وشوله قول مشغول
سعود : يانوره لاتردين طلبي
نوره : اف اف صدق خلاص بقول لبنتي بخليها تروح ل امي وخواتي تجلس عندهم
سعود : ايش ! لا تروح معانا ماني مخليها عند اهلك وش يقول اهلي عني ماجاب بنته ولا عمرهم شافوها والمفروض تسلم ع جدها وجدتها مو ع كيفك يانوره بنتي أتحكم فيها الي أنا ابيه
نوره : اسمع بنتي خط احمر ان رفعو صوتها عليها تعرف ايش اسوي ل اقلب عليهم الطاوله كلها لا يهموني لا اهلك ولا غيرهم
سعود : وانتِ عبالك بخليهم يتحكمون ع بنتي ويرفعون صوتهم عليها !
نوره ؛ المهم اني قلت لك بتصير مشاكل
سعود : خلاص اص بروح ل بنتي
طلع سعود متوجه ل غرفة بنته طق عليها
مها : ادخل
سعود ؛ بكلمك بموضوع
مها : ايش يابابا
سعود جلس بجنبها وحط راسها بحضنه : بنروح ل اهلي بكرا وابيك تتجهزين اليوم لان بكرا بنمشي ونطلع البر بعد بكرا جمعه عائليه ونتمشى واواريك كيف طفولتي وانا صغير
مها : بابا لا مابيهم مابيهم مابي البنات يكرهوني مرا ويكرهوني بمكان الي اجلس فيه تعرفهم انت !
سعود : بنتي الطلب ذا مقدر اخليك براحتك تروحين معانا أنا وامك و
مها قاطعت ابوها وعيونها دموع : لا يعني لا يابابا تعرفهم يكرهوني بسبب كرهم لك وامي كيف توافق وانت كيف توافق تخلي بنتك تروح ل مشاكلهم
سعود : بنطلع ل السوق اليوم تجهزي بعد نص ساعه
قام ومشى
مها بينها وبين نفسها : كيف اهلي يوافقون نروح لهم ومشاكلهم قد شعر رأسهم وكريهين اف صدق
مسحت دموعها وراحت ل امها
مها : ماما !!!!
نوره : شفيك ياروحي معصبه ودموعك !
مها : كيف ترضين نروح لهم كيفففف!
نوره : والله والله ان لمسوا شعره منك ماخليهم
مها : أنا ادري بس مابي أنا إنسانه ماحب اروح لهم
نوره : يلا تجهزي البسي لبسك الي دايم تلبسينه
مها : بيذبحوني ع لبسي القصير وبجايم حقاتي
نوره : معليك منهم ذولي عاداتنا
مها : تمام يلا بتجهز واقهرهم
نوره عطت بنتها بوسه
-
احمد : احلام قلتي ل بناتك
احلام : اي اي قلت لهم جالسين يتجهزون
احمد : حلو
—
اكمل لكم ان شاء الله البارت الثاني 💗
دعمكم 🌷