روح تراني طايب النفس مابغاك حكم طغى ماعاد ينفع نظامه

بارت ١٧

طلع الدكتور من غرفة العمليات وجاه رعد يوقف قدامه ينتظرة يتكلم ويقوله عن وضعها
الدكتور : وضعها الحين مستقر بس رجلها نزفت كثير لكن قدرنا نسيطر على الوضع فيها كسر بسيط ركبت لها البلاتين وجبستها لها فترة وتفكه
ناظر السرير الي فيه توق ومتوجهين به للغرفة حقتها
رعد : يعطيك العافيه ماقصرت
هز راسه الدكتور ورجع لشغله
__________
دخل معتصم مكتبه وشاف رغد وتوليب واسر  وادم الي جو
معتصم : النتايج شوي وتوصل
اسر : طيب وش سالفة اليد مافهمنا
كانت ولاء بتتكلم بس حست بغثيان لما تذكرت منظر اليد
مدت لها رغد مويه خذتها بسرعه تشربها
معتصم : يقولون انها بالبحر ولما فحصنا يدها الواضح مثل ماقالو شي هجم عليها بالبحر بالمختصر غريزة حيوانيه هجم عليها ولما شاف مافيه استجابة تركها
يعني امير ماله دخل بالموضوع بس الي مافهمته المفروض خلاص تتحلل هنا المعضله
تكتفت توليب وقالت : يمكن من الاساس ماخذينها من زمان
توجهت كل انظارهم لها
رفعت حاجبها تأكيد لكلامها
ولاء : كيف يعني تكفون انقرفت اخلصو
توليب : روحي الحمام طيب ، المهم قصدي ممكن بعد الدفن خذوها لما راحو الكل طلعوها بنفس اليوم ليش المستشفيات يحطون الموتى بالثلاجه الين يجي وقت دفنهم عشان مايصير لهم شي صح معتصم !
ناظرها معتصم وفكر بصحة كلامها يهز راسه
انطق الباب ودخلت ممرضة تعطيهم النتايج
خذ معتصم الملف يقراه يعقد حواجبه
ولاء : ايش !!
معتصم : دمها من الاساس فيه جرع ممنوعات 
رغد : يعني بكل شي مكذبين فيه
هز راسه معتصم وكمل يقرا الملف : عليها بصمات يد بس لحد الان مجهوله
ولاء : ورهم الي وريتني طيب .
توليب : وشو؟
خذ معتصم ملفين من فوق الطاوله يمدها لهم
خذت توليب ملف وتجمعو رغد واسر حولها
معتصم : بينار حامل كانت تراجع عند دكتورة وقبلها بثمان شهور جت تسوي تحاليل زواج
جتهم لحظة صمت من الذهول الي صابهم وتكلم اسر يكسره
اسر : كان مكتوب انها متزوجه ؟
ادم : لا شفت ملفها ماكان فيه شي
رغد : ممكن ماسجلوه او موزينه توقعو اي شي منهم
توليب : طيب تمام جت قبل الحادثه بفترة ودرت انها حامل بس تقريركم ذا مافيه اي شي يدل انها كانت حامل
معتصم : هذا الي مستغرب منه تتوقعون اجهضت ؟
اسر : يمكن امير اجبرها لاتنسون قبل ماتموت بكم ساعه قالو الخدم انها هي وامير تهاوشو
ادم : نربط كل شي ببعض لأن مفتاح اللغز هنا
___
فتحت عيونها ببطئ تحاول تتعود على الضوء ناظرت رجلها المجبسه ترفع نظرها للباب الي انفتح ودخل منه رعد
دخل رعد يناظرها سكر الباب يتقدم لها
رعد : اخيرا قمتي مابغيتي
توق : وش صار ؟
جلس رعد على الكرسي يتكتف : ابد لقيتي بينار وارسلناها للرياض عشان يفحصونها وانتي جتك اصابه انكسرتي كسر بسيط وبتقعدين تقريبا اسبوعين الى ثلاثه وعليك الجبس
هزت راسها تحاول تعدل جلستها بس ماقدرت
وقف رعد يمسك يدها وحاوط ظهرها يساعدها تستند ناظرته وكان وجهه قريب منها ناظرو بعض لفترة بدون مايقول اي احد منهم شي نزل عيونه على ثغرها وابتسم بخفه خلتها تتوتر ميل راسه يقرب منها اما هي بلعت ريقها بتوتر
قاطع عليهم طق الباب خلاه يرجع لوعيه تنهد يبعد عنها وعطاها طرحتها
رعد : ادخل
دخل الدكتور ووراه النيرس وهي ماسكه كيس مغذي وابر
حطتهم على الطاوله الي جنب السرير وبدا الدكتور يفحصها وهي تحاول تتصدد عن رعد واكتسا وجهها اللون الاحمر
_____
دخل اسر ووراه ادم للمجلس
اسر : ارتاح بجيب الشاهي واجيك
دخل ادم وجلس على الكنبه طلع لابتوبه يشتغل عليه

كانت رنيم مع البنات بغرفتها
طلعت بوجهها اغنية وابتسمت تعض شفتها بحماس ناظرت البنات تشوف وش يسوون كانت حوريه تقرا كتاب وتغريد ونوال يسوون اظافرهم ومنيرة حاطه السماعه تتابع فلم
رنيم : حوريه وين شالات الرقص ؟
حوريه بعدم اهتمام : حاطتها بدرجي اول واحد على اليمين
رنيم : تمام كملي
وقفت تاخذ سماعتها تشبكها وطلعت لغرفة حوريه وفتحت الدرج تاخذ الشال
حطت اصبعها على ثغرها بتفكير : وش احسن مكان امممم ، طبعا المجلس كفو رنيم امشي قو قو قو
نزلت رنيم وهي تلوح بالشال وتناقز 
وصلت للمجلس تفتح الباب وهي حاطه السماعه ومندمجه لدرجة ماحست بوجود ادم فيه الي رفع نظرة يناظر البنت الي قدامه بصدمه خلته يفتح فمه ماقدر يصد ولا يسوي شي ورنيم مكمله ماركزت ابدا على وجودة
حطت الجوال على الزاوية وربطت الشال تشغل التسجيل والاغنية والي كانت كلماتها هي ...

اه لو لعبت يازهر
وتبدلت الاحوال
وركبت اول موجه
بسكة الاموال...
كانت ترقص بخصرها وتتمايل بغنج بس جتها قشعريرة من شافت الي وراها عبر شاشة الجوال لفت بخرشه تشهق من شافت ادم المصنم مكانه لاهو الي صد ولا الي قام او حتى طلع صوت مخروش زيه زيها محد منهم تحرك بعد دقيقة بالضبط لفت رنيم بسرعه تبي تطلع ركضت وبدون ماتنتبه صقعت بالباب
ادم : بسم الله وش فيك انتي
حطت يدها مكان الصقعه تغمض عيونها من الاحراج وقفت ترجع تفتح الباب وطلعت من المجلس تركض للمطبخ لأنه كان اقرب شي لها
اما ادم كان زي المصفوق على وجهه مايدري ليش هو هنا وهي شلون دخلت
ادم : الله ياخذك يا اسر
(( اسر : اني شكووو))
دخل اسر على ادم وشافه بس يناظر المكان الي كانت فيه رنيم ناظر الي يناظرة وماشاف شي
اسر : شفيك انت !
كشر ادم ملامحه يناظره من فوق الين تحت
ادم : مالت عليك وعلي
رفع اسر يده يأشر على نفسه يرفع حاجبه : انا !! ول ليه ؟؟
ادم : اقعد الله يخلف عليك بس اقعد
______
دخل معتصم الصاله وتنحنح يسمع امه
رحاب : ادخل ياولدي مامن غريب
ابتسم يدخل وشاف رنا وامه وجدته
سلم على راس امه وجدته يجلس جنب رنا
الي همست بدون اي مقدمات
رنا : على بالك ما اعرف سالفتك انت وفرحات ؟؟ ورد ومدري ايش بنات الناس مب لعبه
معتصم بنفس الهمس : برافو مصورتنا حبيبة قلبي !
رنا : شرايك تعقل ولا بينقلب كل شي علينا ماتدري ان الدنيا دوارة يا معتصم
معتصم : هم الي راضيين بكذا انا مالي دخل
ناظرته رنا تشمق له تكمل : الي ارسلت لها ورد مين ؟
معتصم بعدم اهتمام : شرطيه
وقفت رنا بذهول من الي قاله مافكرت ولا واحد بالميه انه يكلم شرطيه بس الي ماتعرفه ان ولاء هي الي مخليته يركض وراها
رنا : معتصم لحد هنا وبس
اروى : يابنت هششش وش صارلكم الحين لاتنسون انكم كبار عيب ذي الحركات
رفع معتصم يده بأستسلام يأشر عليها : هي الي تدور حرش
عضت على شفايفها بغضب منها وكشت عليه ترقا لغرفته يسمعون صوت تسكيرة الباب بقوة على دخلة ملك وهازان
الي سلمو وناظرت هازان فوق ترجع تناظر معتصم
هازان : ماتملون
معتصم : شنسوي يعني ماعندكم فعاليات محد معطي جو الا انا وهي
اروى : اسكت بس رح اعتذر لأختك يالله
ناظرها معتصم بصدمه واشر على نفسه وبعدها على فوق
معتصم : انا بروح اعتذر لها !!!
رحاب بحدة : ايه سو الي تقوله جدتك اختك الوحيدة وانت اخوها الوحيد سند بعض.
معتصم بهمس : ام البلشه
ناظر ملك وهازان الي متكتفين يهزون روسهم لكلام جدتهم وزوجة عمهم يرقون بعدها لغرفة رنا.
انتهى 🤍🤍🤍🤍