Anna Pov
Bathroom a hmai ka phih mek lai chuan kawngka chu an rawn chum ri leh dawt thin a,ring leng lawnga Zothansang tia ka ni in ka u a rawn ko ri ah chuan ka nui chhuak huk bawk ," Rawn chhuak vat teh Lalnunmawi,induh hun anilo" a ti vin hlur tawh," I bialnu kha va zawt mai rawh" tih pahin ka hmai chu ka nuai leh nawk nawk a," a chum leh vak vak tak ah chuan ka ning ve ta deuh ,"Mi pa a ngaizawng alawm,nizan ah chuan Kima te inah an inhmu a,a bialpa chu Roney-a an ti,chu zawng chu ka hria" ka tih hnu chuan a kalsawn ve ta mai bawk a
Ka insil fai zawh chuan khum ah ka tlu thla hnawk a,ka bawk hle hle a,mut nghal mai ka tum chu ka phone ri ah ka hawi chhuak leh a, bathroom ah ka lo la theihnghilh zui bawk,min lo call tu chu Omi ania,ka thian tomboy ve deuh,High School atanga ka kawm ve ber ani bawk," Enge tun ang hunah" tiin ka vin der a lehlama mi chuan ," Dawr nghah tur I duh em,Canteen ania,kan damdawiin ami tho,English thiam an duh kher a,hna kha ila hmu lo tiraw" a tih chuan hna zawn lam pawh ka la ngaihtuah lo tiin ka lo chhang ve mai bawk , "Ni khat ah 600 ania aw,zan mela kalna tur," a ti hluai a,ala nui deuh lek lek zui ,"Mela ti reng mai,Apu ka lo dil phawt ang,ka u te pawh an phal chuan" ka ti a,ka thawk chak ve reng,nilengin Omi nen kan inhmu thei dawn a,in awm tlawk tlawk ai chuan a nuam zawk tho tho ang
"Eee,chuan nizana in rik huk chhan kha sawi tawh rawh le" a tih leh chuan ka hrechhuak thut, "Kima te inah kan luh kawi kha maw,O Puipuia thil tur kan lam kha,Emily ka hmu a,mi pa nen an lo inkawp anih chu,chupa pawh chu Roney-a an ti,O Me-a te ho in an hre ve deuh,kan President makpa a ti a" ka sawi zawh chuan ka ngaichang a,a nui tih pawh ka hre vek "Omi a nuihzathlak loh" thutak deuh chuan ka ti a," Sawi lawk lo ka ni bik lova,Emily te chu duh deuh pawh nei se rinawm thiamlo chi hrim hrim kha ania,Zothana lah pakhat a rinawm tawp chi ani bawk sia,an inmil lo,midang zawng rawh se" a ti deuh ta thlawt ,kawng lehlam ah chuan a dikna chen pawh a awm
Reilote kan inbiak leh hnu chuan ka mut san a,ka muhil nghet lo nge ni,ka harh hlawl a,ruah alo sur reng niin,dar zat ka en chuan dar 1 alo pel deuh chauh a,ka room atang chhuak in inhnuai lam ka pan a,sitting room lam chu alo la eng a,O Puipuia leh O Hruaia te an lo la meng chu niin," In van meng rei em em" ka ti chhuak hlawl a,an phu nasa ngang mai,"Zothana leng alo la haw lo a,O Daemon-a zawng turin a kal" O Hruai'an alo tih chuan Emily chungchang ka sawi vang kha anih ka ring thiam nghal
An bulah chuan ka thu ve nghal a,rei deuh chu inbe lo in kan thu ngawi thap a,"O Pui,U Emily kan hmuh kha ka hrilh a" ka ti tawp a,min hauh ring sa in ka kun a ka mit ka chhing nghal hmak bawk,mahse engmah sawi ta lo chuan an ngawi chhunzawm a,ka hawi chhuak vat a,O Puipuia chu ka en hû a,O Puia chuan "A pawilo bawihte" tih pah in ka dar ah chuan min kuah a,ka u bula ka thu mai mai kha ka lo muhil daih chu niin,zing ka thawh chuan ka khum ah ka lo mu daih tawh
Ka intifai zo inhnuai ka thleng thla chu Omi leh Muanpuii ten thingpui in pahin Apu an lo thut chilh reng tawh,min hmuh rual chuan min lo nuih tlawn var var bawk,"I kal dawn em,hei mi an nawr let et et tawh" apu chuan alo ti a,a phal tihna ah ka ngai mai a,mahse U Daemon leh O Puipuia te ber hi an buaithlak leh dawn,"Mahse pu,au te hian an phal lehlo ange,min lo tan ve la,in awm reng pawh hi ka ning ve tho ania" ka tih chuan Omi leh Muani te pawn, nia tih leh apu fuihpawrh tum in an thut hnaih leh sauh bawk a
"Anih ka insiam dawn,O Hruaia a awm tho" tih leh inchung pan ka rual a,Muanpuii pawn min lo zui chho nghal zat bawk,"Uii en teh,sawi leh ta mai mai ila,nizan kha engtin nge an awm zel ang le" a ti deuh hluai a,ka lo khap nghal vat,ka room kan luh rual chuan engmah ka hriat chhunzawm bikloh thu te ka sawi a,ka insiam lai min lo pui a,inhnuai lama chhuk in hmanhmawh deuh chuan kan inzui chhuak a
Ka hming chu Lalnunmawii ania,ka thiante chuan Moimoi tiin emaw Anna tiin min lo thin a,kan chhungkua hi 10 kan ni a,ka ni leh ka pu ten min chenpui a,ka nu leh pa te hi an boral ve ve tawh a,unau 8 lai kan ni bawk a,kei hi a naupang ber ka ni
Tunah hian Champhai Vengsang ah kan cheng mek a,kan in awmna hi Presbyterian Biakin bul mai anih vangin tu tan pawh hai theih anilo
Tuna ka hnathawh na tur hi New Champhai lama awm ani a,Mental Hospital hi tun Kum atang chauha awm ni mahse enkawl lai hi Damdawiin pangngai nen an tam lam a inzat deuh reng ani, Champhai Khua hi kan awmna ala rei lutuk lova,ka nu leh pa te thih hnu ah Aizawl atang Champhai hi kan awm chho ve chauh ani
Kahrawt veng field vel kan thlen chuan ka u te lo inkhel lai kan thlir kawi leh a,"Tu ber saw nge I u chu" tia Muanpui'in min zawhna pawh chu chhang mai lo chuan amah zawk chu ka en tlawk tlawk,a lerh pawh anilo hmeltha leh chhelo hi a lawm ve hrim hrim,"Saw,saw saw, Jersey No.9 tower ang deuh saw ania,Hruaizela,Zothana chu I hre tawh a,chuan No.1 saw Daemon-a ania kan unau zingah a upa ber,pakhat chu nizana ka lo kalpui Puipuia kha ania,O Me-a pawh I hmu tawh a,O Rintluanga leh Rimawia te hi chu inah an awm hman vaklo a,keipawn ka hmu khat lutuk" tiin ka hrilh mawlh mawlh a,Muani lah chuan,"In unau hi in van tha hlawm mai mai tak" a ti pek anih chu,ka nui chhuak huk,kan tawng leh hma chuan Omi'n min lo khap vat a, field hnung lam atang chuan hmeichhe pahnih hi an rawn tlan lut hlawl a,um tu nei an ang zawk mah,ka u te ho pawh chuan an inkhel lai chawl meuh in an en a,chutah um tu chu an lo nei ngei a,tlangval 10 bawr vel leh hmeichhe 5 vel hian an rawn um lut a,field ah chuan an in um kual ani deuh ber tawh, hmeichhe pahnih in kan lam an rawn thlen chuan an nui nasa khawp mai a,Muanpuii phei chuan a hlau hman deuh a,a hnung ah a petek phei nawk nawk tawh
End Of Chapter-1
༘˚⋆𐙚｡⋆𖦹.✧˚
