لبوة يناير

مشهد

نبدأ بأسم الله الواحد الاحد

لبوة يناير ..

الكاتبة: كَرز

______________________
المشهد ( 1)

واگف مقابيلي بضخامته وطوله
يباوعلي بنضرات ماعرفت افسرها
اجيت احجي ودخل للغرفه بدون اي كلام
دقائق وصيحلي صرت اطگ سن ب سن مو مالت اروحله اجيت اغلس وگمزني من صاح مره ثانيه
دخلت بخطوات بطيء
وگفت مقابيله گاعد عالكرسي وبشفته شگاره يريد يورثها

_هاج ورثيلي

_تعرف تلعب روحي من ريحتها مو انوب اورثها

_ عاجبني تورثيلي

_ افندم

_ عاجبني تورثيلي

_ واني ماورث

_ مو بكيفج اني سمعتي

تقدم ناحيتي ولزم فكي بقوة
دفعت أيده مني وگلتله
_ كلمتي وحده والي براسي اسوي
سمك انتَ تسمم بي مو ضروري نتسمم وياك

_خايفه من الموت

_ من كلشي ما اخاف بس من الخلقني

_ هيج تگولوين

_ اي

_ نشوف

_ قصدك انتَ تشوف والايام والمواقف تثبت

_____________________

المشهد (2)

الدنيا ليل وبارده ثلج ماعرف الي جاي اسوي صح او غلط
توكلت على الله الكريم
ومشيت بروح خاويه وقطع گلبي وياي عبرتهم السياج و عبرت وراهن مشينا مسافه 3 كيلو متر حته وصلنا الشارع لان بعيد بعدنا ما اجتنا سياره واحد قطع گلبي
قطعلي قلبي

_ راح اموت فدوه بعد ماگدر

_ تحملي لخاطري ما بقه شي واجي سياره ونروح

_ احس جاي اتگطع من الوجع

_ تحملي هالساعه فدوه

_ اخاف لا أولد هسه

_ يا تولدين هستوج بشهر السابع

_ ماعرف والله ماعرف الي اعرف ميته من الوجع

_ تمام حبيبتي تمام هسه بس تجي سياره عدل وگبل للمستشفى

_ تمام

واگفه انتضر سياره اي واحد يمر اوگفه ومحد يگف لان بنات وبنص اليل يخافون من المشاكل فتره و وگفتلي سياره حمل مالت ببسي

_ السلام عليكم

_ وعليكم السلام تفضلي

_ خالي ممكن توصلنا للگراج

_ انتن منو و بهالوقت عالگراج

_ خزرته وگتله بكروتك خالي بس توصلنا

_ يالله خالي يالله صعدن

_ اصيحاهم ونصدمت من شفت قطعة قلبي دا تنزف

_من غلاتها عليه اجتني كل الحيل وشلتها وركض للسياره خليتها بين الكراتين وگلت للرجال عدل وگبل للمستشفى

_ وصلنا الرجال وراح دخلوها للطوارئ

شويه واجت الدكتوره صدمتني من هيج حجت ....
_______________________

گاعد بمكتبي انتضر الملفات تجي حته اكملها و اروح للشله فتره و جابو الملفات جاي اشتغل بيهم وندگت الباب

_ تفضل

دخلت بنيه سبحان الي خالقها

_ السلام عليكم استاذ

_ وعليكم السلام أهلاً
تفضلي بشنو اگدر اساعدج

_بشغل

_ نعم

_ شغل

_ شغل ايش

_ اي شي اهم شي شغل

ندگ الباب مره ثانيه ودخل صاحبي

_ السلام عليكم

_ وعليكم السلام منو الانسه

_ تدور شغل

_ شغل مثل ايش تردين

_ اي سي اهم شي شغل

_ حته لو رقاصه

_ گامت اخذت المقص من الميز وگصت شويه من طرف شعرها وذبته بوجها وگلتله

_ خليهن شوارب الك بلكت الله شويه يصير عندج رجوله شنو شايفني اختك وهيج تحجي عبالك كُلها مثلها.

_______________________
دمتم  في أمانة الله