حكاية (( ضحية انتقام ))

(( بارت 20 ))

حكاية (( ضحية انتقام )) للكاتبه حوراء الموسوي ♕

»« البارت العشرون »«

....... كحيت نزل ايده وباوعلي ابتسم كال بصوت تعبان من زمان دزيت عليج ليش تأخرتي:- واشوفه ويحاول يسويلي مكان يمه حتى اكعد جنت اباوعله بلهفه مشتاقتله بس احس نفسي خجلانه من عنده جوز لان راح يصير شهرين ما متقربلي ولا حتى يلزمني ولا يحجي وياي بهل اسلوب الطيف جانت اباوعله مركزه بي اتمنى اركض الحضنه وابوسه بس اكو شي يمنعني عنه
ما نطقت ولا كلمة وبس اباوع على تفاصيله وحركته رفع راسه باوعلي ومدالي ايده وكالي بصوت خافت مبين موجوع:- تعالي يمي شبيج خايفه شنو :- تقربت علي سحب ايدي وكعدني يمه على السرير كالي ساعديني اكعد وخلي مخده ورا ضهري ساعدته وخليت المخده الثانيه ورا ضهره ورجعت كعدت على السرير باوعلي بعيون ذبلانه وخله اديه علا خدودي وسحبني علي سند راسه على راسي مغمض عيونه يسحب بانفاسي ساكتين لحضات هدوء مليانه اشتياق همسلي :- لا تعوفيني بيوم من الايام ندى انتي صرتي جزء من روحي ما اتحمل بعدج عني من هسه اكولج:- بجيت من سمعت هل كلمات من عنده فتح عيونه شافني ابجي ما اكدر احجي العبره خانكتني حسيته يحجي وعبالك متأكد راح بيوم من الايام اعوفه بس اكو جانب بداخلي فرحان بكلماته يعني بعده يحبني ومشتاقلي همستله بصوت يرجف:- ما اعوفك اذا انت تحبني وتريدني ابقى وياك العمر كوله :- بعد راسه وركز بعيوني بعده لازم اخدودي بثنين اديه وباصابعه الابهام مسح دموعي وباس عيوني كالي:-الخاطرج مستعد اسوي كلشي بس انتي لا تعوفيني اذا تحبيني اتمسكي بيه :- سكتت ضاع مني الكلام ما اعرف شكوله كوتله الحمدالله على سلامتك:- رفع راسه ليفوك وضحك بقهقهه وباوعلي بحركه سريعه تقرب وباسني بلهفه ابتعد ويباوع بوجهي بتركيز وعيونه تتنقل بكل تفاصيل وجهي وكالي: - الله يسلمج ياسبب كل ضيمي:- باوعتله مبرطمه وامسح بعيوني سمعنه انفتح الباب التفتنه ثنينه شفنه سهام واكفه وتخزر بيه كالت ما فكيتي شوگج ويا يا ساس البلى كاعده يمه بكل عين وكحه وامس اخوها راد يموته:- نزلت راسي شأرد عليها وكلامها صحيح شفت وارث رفع ايده يأشر الها كالها هذا الشي ميخصج ولا يخصها هذا بيني وبين اخوها هي مالها دخل وممنوع ينعاد هذا الحجي الموضوع ينسد من هل لحضه اذا سمعت احجايه زايده ميحتاج اكول شأسوي يا سهام خزرها:- طلعت وطبكت الباب وراها بقوه ردت اكوم لزم ايدي كال لا ترحين ابقي يمي بعد شويه انام وروحي اذا تردين:- ابتسمتله وهزيت راسي كال انطيني موبايلي وراج على الميز:- انطيته اله اندك الباب كال ادخلو ورجع همس عالساس اكدر اسوي شي اني ويدكون الباب سوه حركه بحلكه ويهز بأيده:- باوعتله موسعه عيوني واضحك دخلت الحجيه وراها تقى وهناء وزها اجت حضنته وتبوس بي وهو هم حاضنها يبوس بيها واشوفه متوجع كالتله بابا والله خفت عليك ماتدري شكد دعيت الله حتى ترجعلنه بخير:-كالها يابعد روح ابوج الله استجاب دعائج ورجعتلج:-كالتله الحجيه ها يمه شلونك زين كالها يمه مابيه شي اصلا طبت هياتني مثل الحصان ويضحك:- وتقى طكتها بضحكه التفتنه عليها كالت هو علاجه مو يم الطبيب علاجه هنا وتأشر عليه:- خجلت لان كلهم باوعولي كالها انتي من يوم يومج ادبسز ويضحك اشوف زها ضاجت وتباوع عليه بحقد كلت بگلبي هو عوزي بس انتي بعد تشدين وياي وتكمل عليه اندك الباب ودخلو ثائر وناظم وسامر ومحمد رجعت ليوره وكفت قريب الباب كعدو يمه يسولفون ويضحكون على موقف صاير بالعشا ضجت من خزرات ثائر اليه درت وجهي اريد اطلع بس وكفت من سمعت أسم حسام فتحو الموضوع كال ناظم اكلكم هذول اهله وشيخهم جاين للمستشفى يزورونك وياخذون عطوه بس شو حسيتهم يردونك تتنازل عنه وهم يفضونها عشائرياً:- وثائر يباوع الوارث ويكوله اييي وهم ينطون نسوان فصليات ويسكتونه مووو وسمعت تريد تتنازل عن الشكوى صدك عود ترى والله هلمره اني اموته بأديه ما انتظر محكمه يحجي بأنفعال وناظم همين يغلط على اهلي وتربيتهم اله ما تحملت نزلت دموعي انهضمت من كلامهم عل اخويه واهلي صح غلطان بس مينطيني گلبي هيج اسمعهم يحجون عنهم رفعت راسي شفت وارث يباوعلي غمض عيونه عود يطمني سمعت سامر گال سمعت اليوم هو ماخذينه اربعه ارهاب ولهسه ما معترف على الي جان ويا ماعارفين الثاني منو ابوالدراجه وهذا اكيد راح ينحكم بجريمتين بس اريد اعرف هذا الويا منو اكيد اخو كال محمد لو اخو لو واحد من ولد عمه مو غريب :- كال ناظم اكيد راح ينحكم عدام هل مجرم:- ما تحملت بعد اوكف اكثر واسمعهم شفت وارث بس يباوع وساكت ميجاوبهم احسه دايفكر بشي طلعت شهكه من صدري حسيت الكل باوعلي طلعت اركض فرفحت روحي على السمعته بحسام اني اعرف اربعه ارهاب يعني يعذبو بكلشي يردونه يعترف على تقي صعدت الغرفتي سديتها وكعدت بلكاع الطم على وجهي اعرفه ضرب وارث وراد يموته لان شافني بالمستشفى وزامطه اله يموته لان ضربني وراد ينتقم من عنده حسام مو هيج حسام ماجان قاسي گلبه حنين شلون هيج صار ضليت اردد لاحول ولا قوة اله بالله اللهم الصبر لا اعتراض على حكمك ربي افكر بأمي شلونها هسه واريد اعرف اخبارهم وصدك تقي مختفي معقوله شرد وعاف حسام ما معقوله اعرفه ميسويها لان يحب حسام من صغرهم سوا مثل الاخوه شلون يعوفه لازم يساعده بشي كمت افتر بالغرفه اريد اخابر اهلي بأي طريقه لازم اعرف اخبارهم ابويه شلونه وهو مريض اكيد مايتحمل بعد كعدت ابجي وارجع اسكت افكر شلون اخابر اكيد وارث ميقبل واذا عرف يرجع مثل قبل يكرهني ويضربني انفتح الباب دخلت استبرق باوعتلي بنضره مكسور خاطرها عليه كالت عيونج وارمه مبين عليج هوايه باجيه:- هزيت راسي ومسحت وجهي بأديه اجت كعدت يمي عالسرير كالت اعرف صعبه عليج هيج اخبار ولكلام اسمعتي اني جنت واكفه وسمعت كلشي الله يساعدج بس هو اخوج من ايده يعني تخيلي كتل ضرغام ورجع يريد يكتل عمو وارث ليش معقوله كل هذا علمود رند اني اشك اكو شي غير هذا السبب وعمو وارث واخوج يعرفون بعضهم من زمان وحتى ضرغام من كتله اخوج مو علمود بس لان مستفزه برند اكو شي اكبر بس محد يعرف بي غيرهم لان بالعركه لمن صارت بين عمو وارث وأمير سمعت امير يكول العمو ترى احجي الاعرفه بينك وبين اهلها وافضحك وعمو تخبل من سمعه هيج يكول بس متعمد مايسمع الموجودين بس اني جنت قريبه عليهم ومسمعته :- باوعت عليها متفاجئه من الي داتحجي كولتلها شنو يعني يكون هذا الشي معقوله اكو ثارات من قبل ضرغام ترى عقلي كام يخربط ميجمع اي شي شلون اكدر اعرف كوليلي اريد اخابر اهلي احجي وياهم ولج طك كلبي عليهم بعد ما اتحمل اريد اسمع اصواتهم واعرف اخبارهم شلون:- كالت حتى هلمره ترحين بيها اذا عرف عمو بيج تخابرين اهلج بدون علمه يذبحج بأيده:- خفت من كلامها كلت صحيح التكوله باوعتلها:- شدكولين اذا اكوله يقبل لو لا:- كالت ما اضن يقبل بس جربي ما خسرانه شي واذا شفتي عصب اشردي اسلمي على ريشاتج وضحكت بصوت ابتسمت على طريقة كلامها وضحكتها بس الفكره بعدها براسي سئلتها منو راح منو بعده موجود كالت الكل راح وبس اني بقيت هنا ما اريد اروح للبيت مليت منه اريد اسولف افضفض هاي نورس صايره كلش حقيره وتصرفاتها ما تنطاق شلون محمد كايل الاهله عليه يريد يتقدملي واهلي موافقين بس اني متردده بس نورس وهم يكول ابويه بعد مو هسه لمن ادخل لجامعه يله يجي يخطب يعني يصير شي رسمي باوعتلها بالخير عليج حبيبتي والله انتي طيبه وتستاهلين كل خير ابتسمت خجلانه سحبته حضنتها وكلتلها اذا تحبينه صدك حاربي الخاطره ولا تخلين نورس توكف بوجه سعادتج هو ما يحبها ولا منطيها أمل بيوم يحبها بس هي مأمله نفسها على الفاضي باوعتلي وكالت راح تحاربني العمر كله اختي واعرفها ما راح تخليني اتهنى وبرطمت سمعنه صوت من جوا تقى تصيحلي طلعت جاوبتها اي اي نازله هسه نزلنه سوه اني واستبرق لاكتنه تقى كالت رجلج ينتظرج بالغرفه روحي شوفي شنو يريد رحت للغرفه فتحتها شفته نايم مبين علي غافي........... للحكاية بقيه دمتم في حفظ الله ورعايته