ملاذ انصدمت من كلام نايف لها صح تحس ب شعور له بس ماتدري انه يحبها
ملاذ : ما ادري وش اقول بس صدمتني
نايف : انتي تحبيني او لا
ملاذ توها بتتكلم الا وتسمع صوت احد جاء عندهم
توترت وخافت احد يشوفهم أخذها نايف ل الغرفه الي ورا الشاليه
نايف : هينا مافيه احد قولي لي الحين تحبيني او لا
ملاذ: ايه حتى انا
نايف: وش انتي
ملاذ وهي تطالع الارض: احبك
نايف الفرحه مو سايعته ، شال ملاذ وجلس يدور فيها
ملاذ : نايف نزلني لا احد يشوف
نزلها نايف: بخطبك
ملاذ استحت منه وركضت تدخل
عند ملاذ راحت ل هيام ونجد وعلمتهم
عند نايف راح ل الرياجيل شاف فيه هوشه بين ابوه وابو ملاذ
نايف: عسى ماشر وش فيكم
ابو نايف: هاذا واحد كذاب ونصاب نصب علي واخذ فلوسي
ابو ملاذ: يا ابن الحلال انا ما اخذت منك شي انا نفسك مو مستوعب وش صار ومدري كيف خسرنا المناقصة
ابو نايف:بلا كذب انت السبب ومن اليوم ورايح لا انت صديقي ولا انا صديقك ، نايف دق على امك تطلع ، يلا ي ياعيال مانبي نجلس عند واحد كذاب وحرامي
راحو ال مطلق ل بيتهم
ابو ملاذ مره تعب كيف صديقه يسوي فيه كذا كيف شك فيه
عند ال مطلق
ام نايف : وش فيكم ليه طلعنا بسرعه
ابو نايف علمها كل شي: ومن اليوم ورايح ما ابي اي تواصل مع ال محمد
الكل ابشر ، ان شاء الله
ابو نايف تعب مره وطاح عليهم ودوه آل مستشفى
طلع لهم الدكتور : المريض صار فيه شلل ومايقدر يتكلم ل فتره
نايف : كيف
الدكتور: المريض جته صدمه إدت إلى شلل
نايف مره عصب وحلف آلا ينتقم ل ابوه
وجلس يفكر كيف ينتقم ل ابوه وبعد تفكير وصل ل حل
عند ال مطلق
كلهم منهارين ل الي حصل ل وليد
عند ابو ملاذ انهار اول ما عرف أن صديق عمره تعبان حاول يروح له بس منعه الجد
عند نايف دقت عليه ملاذ
ملاذ : نايف كيفك الحين
نايف: كيف تبيني اكون وابوي تعبان
ملاذ بكت: والله ماتمنيت يصير له شي والله احبه واعتبره نفس عمي
نايف: عارف ياقلبي لاتبكين مو انتي السبب
ملاذ: طيب وش بيصير علينا
نايف: مالنا دخل ف مشكلتهم انا ابيك وانتي تبيني وباخذك غصب عن الكل
ملاذ: بس انا ما اقدر اسوي شي بدون رضى ابوي
نايف: معليك باخذك برضى الكل
وجلسو يكلمها
بعد اسبوع
عند ال مطلق طلع ابو نايف من المستشفى ل البيت مع ممرضه تهتم فيه
عند اريج كانت تعبانه سلمان لاحظ تعبها
سلمان: اريج فيك شي
اريج: بطني يوجعني
سلمان: خلينا نروح المستشفى
اريج: لا عادي فتره ويروح الالم
سلمان: لا قومي نروح الحين
قامت اريج تلبس عبايتها وراحو المستشفى
دخلو عند الدكتوره
الدكتوره:من ايش بتعاني
اريج: الم ف بطني
الدكتورة: بنسوي لك تحليل
اخذو من اريج دم
الدكتوره: بعد ساعه تطلع النتيجه
جلسوا سلمان وأريج
بعد ساعه طلعت النتيجه وراحوا ل الدكتوره
الدكتوره: مبروك إنتي حامل
سلمان من الفرحه شال اريج يدور فيها
اريج: سلمان نزلني دخت
نزلها سلمان: ياربي لك الحمد
راحوا البيت لقو الكل مجتمع ف الصاله
اريج: بقول لكم خبر حلو
البنات: ايش هو،
اريج : انا حامل
الكل انبسط وجلسوا يباركوا ل اريج
ام سلمان: من اليوم ورايح ماراح تسوين اي شي لازم ترتاحين
اريج:ابشري
جاء اليل وتعشوا والكل راح غرفته ينام
عند هيام وحاكم
هيام: حاكم
حاكم: لبيه
هيام: وش رايك نروح السوبرماركت
حاكم: تم يلا مشينا
دخلوا السوبرماركت الساعة 12
هيام: السوبرماركت فاضي
حاكم بعد ماسحب العربيه: اركبي
ناظرته هيام بستغراب وثم ناظرت العربيه وفهمت وناظرته بخبث وركبت العربيه بمساعدة حاكم مسك حاكم العربيه وصار يلفها ويدخل بين الممرات وهيام رافعه يدها ويفحط الا يوقف حاكم بسرعه لدرجه هيام بغت تطيح رفعت راسها تعاتب حاكم الا تشوف العامل ماسك الجوال و يناظرهم
بصدمه
نزلت هيام من العربيه والعامل راح هيام ناظرت حاكم وجلسوا يضحكون على انفسهم اخذو الاغراض الي يبونها وطلعوا من السوبرماركت ل البيت
عند ملاذ ماقدرت تنام قامت تصلي وتدعي ان الله يشفي ابو نايف وإن العلاقه بينهم تزين وبعد عناء نامت
