ازل . ضليت افتر بل غرفه وخايفه
شسوي مادري
دخلت عليه رقيه
رقيه . تعاي ازل تعشي
ازل . هسه اجي ....
اني بدلت وغسلت وجهي
وطلعت وكعدت ما شفت لا امير
ولا نذير حتى محمد ما موجودين
..... وين الولد
رقيه . راحو كالو عدهم شغله يخلصونها يجون
منى . هو امير من نزل من الغرفتها شايط
وعصبي اخذ محمد و نذير ويا
ازل . ما كال وين
منى . لا ما كدرنه نسئله
ازل . دنكت راسي ردت ابجي
هسه يمكن ولد عمي درو بل موضوع انفضحت
رقيه . ازل شبيج ما تاكلين ليش صافنه
ازل . لا هيج
سرور . عوفيها هي مدري شبيها أليوم بس تبجي
منى . ليش
سرور . ما اعرف بس يمكن مسويه مصيبه
ازل . درت وجهي عليها وهي تاكل ولا همه
اذا عرفت بل موضوع هاي هيه لان ادري بيها
حقوده
فه سويت روحي طبيعيه وجبرت روحي اكل
خلصت وكمت اساعد منى
منى . لا تعبين نفسج والله اني اغسلهن
ازل . لا اني اساعدج ما عندي شي
منى . شوفي شوفي ازل ساعدني وانتِ ولايمج
امداج
رقيه . ما جاي شوفيني اكل
منى . سم ان شاءالله ولج عيب كومي ساعديني
رقيه . هنه ماعين
منى . كومي عزلي المطبخ
ما بيج خير
ازل . عوفيها خل تاكل اني اعزل المطبخ
رقيه . عفيه ازوله الحلوه
ازل . حبيبتي ....
ضليت اعزل المطبخ وسولف وي منى
حتى اتخطى الي جاي يصير وياي
خلصت تعزيل المطبخ و منى خلصت تغسيل الماعين
اجت سرور
سرور . هي ترحين البيت عمي لو لا
ازل . هي بعينج
لا ما اروح ابات هنا
سرور . ضلي هنا على ما تحمضين كلش
ازل . امشي ولي
راحت خل اخلص منها شكد لزكه حاطه روحه ابكلشي
ضليت كاعده ما نمت ضل بالي يم امير
اتصلت علي اكثر من مره ماكو ما يرد
خفت لا صار شي مو زين الهم
صارت الساعه بل 3 وندك الباب
واني وكفت افرح مدري اخاف اخلطت مشاعري وي دكت الباب سمعت صوت امير
امير . ازل
ازل . تفصل امير .....
دخل وقميصه مفتوح من دكم
ومبهذل حالته حاله
وشعره مخربط وعيونه حمر دم
وكعد على جربايه ويهز ابرجله وخله راسه بين رجليه
