"تمسك بحقك .. واحترم حق غيرك"
متنسوش الڤوت.
____________________________________
_سليم لا .. لا
هذت بكلماتها تلك أثر الحُلم المُروع الذي رأته في غفوتها ، ثم صرخت باسمه بفزع تزامنًا مع استيقاظها:
_ســلــيـم!
اقتربت منها والدتها بلهفة عندما استمعت لصرختها ولاحظت جسدها المُرتجف والعرق الذي تندى بهِ جبينها ، فقالت والدتها:
_في إيه يا آلاء يا حبيبتي مالِك؟
بكت وهي تقول بخوف:
_شوفت حلم وحش أوي يا ماما .. وحش أوي.
فهمت والدتها ما رأته ابنتها في حُلمها ، فضمتها إليها وهي تمسح على ظهرها بحنان قائلة:
_أهدي يا حبيبة قلبي ، أهدي بإذن الله هيكون كويس ادعيله يا آلاء .. ادعيله.
أنهت حديثها وهي تقرأ عليها بعض آيات القرآن الكريم لتبث الطمأنينه في قلبها.
____________________________________
دلفت إلى المرحاض الخاص بالمشفى ووقفت في إحدى زواياه وامسكت هاتفها وقامت بالإتصال على شخصٍ ما حتى مرّت بعض الدقائق ووصلها الرد منه قائلًا:
_أيوه يا حبيبتي مش بتردي ليه قلقت عليكِ أوي.
أجابته وهي تُزيل بعض العبارات العالقة بين أهدابها:
_الجو هنا متوتر أوي يا آسر معرفتش أرد عليك كلنا قلقانين على سليم.
أجاب يُطمئنها بقوله:
_متقلقيش بإذن الله هيكون بخير.
_خايفة أوي وآلاء والكل صعبانين عليا أوي ، سليم طول عمره أخ ليا أنا وسما خايفة يحصله حاحة يا آسر.
_إن شاء الله يقوم بالسلامة.
قالها بهدوء ، فقالت بسرعة عندما وجدت أحد يدلف إلى المرحاض:
_طب سلام دلوقتي هبقى أكلمك بعدين.
لم تنتظر رده وأغلقت هاتفها سريعًا واتجهت نحو الخارج.
____________________________________
مرَّ خمسَ ساعاتٍ منذ أن طُعِّن ذاك الراكِد بالداخل ، وها قد خرج الطبيب بعد أن تآكلت قلوب الجميع من فرط القلق ، هبّ الجميع يقف بلهفة عندما اقترب منهم الطبيب ، فسألته آلاء بسرعة قبل الجميع:
_سليم كويس يا دكتور؟
بدأ الطبيب يتحدث بجدية شديدة:
_هشرح لحضراتكم الحالة دلوقتي بس أتمنى تسمعوني للآخر بدون مقاطعة ، المريض تم طعنه بتلات طعنات .. والتلاتة كانوا بشكل عشوائي يعني الفاعل مش محترف ولا محدد مكان معين يطعنه فيه عشان ينهي حياته فورًا ، ودي حاجة كويسة بشكل كبير ، اتنين من التلات طعنات جُم في الطحال ، والتالتة جات في منطقة فيها أنسجة دهنية داخلية فمأثرتش الحمد لله ، لكن الطعنتين اللي في الطحال للأسف سببوا تفتت كُلي في الطحال وده اضطرنا لاستئصاله ، وطبعًا عادي جدًا الإنسان يعيش من غير طحال بس ده هيسبب زيادة الفرص للإصابة بالعدوى بشكل عام وخصوصًا البكتيريا ، فلازم المريض ياخد لقاحات وقائية عشان هو هيكون أكثر عُرضه إصابة للعدوى زي ما قولت ، ويمارس رياضة دايمًا ويهتم بصحته عشان جهازه المناعي ، وممكن بعض من أعضاء الجسم يساعد في تعويض بعض وظائف الطحال لكن مش كلها طبعًا ، وممكن يحصل مشاكل في الدم فلازم يكون دايمًا على متابعة مع دكتور عشان ميحصلش مضاعفات وعشان يحافظ على صحته ، والحمد لله العملية عدت على خير وتم استئصال الطحال بس المريض لسه مفاقش ولازم يبقى تحت متابعتنا هنا لو فاق لحد ما نتطمن إنه ينفع يخرج ، عشان لقدر الله ميدخلش في غيبوبة ، وربنا يقومه بالسلامة ويشفيه عن إذنكم.
أنت تقرأ
لِقاءٌ فيهِ النَجاة
Fiction générale"الحياة تُشبه الصّندوق الأسود ، لا نَعرِف ما تكِنهُ لنا ، كل يومٍ نكتشف ما هو جديد إما نعيش حياتنا في سلامٍ ، أو تنقلب حياتنا رأسًا على عقبٍ "
