《اعادة نشر》
#تشويق
بعد مادار رياضة المشي اللي تعود يديرها يوميا نص ساعة بعد صلاة الفجر..
خش لباحة القصر وهو يمرر في نظره عليه..
"صباح الخير سيدي فاضل"
رد بإبتسامه:صباح الخير يااا..هاشن رايك في المحروسه خليتهالك عروسة ولا!؟
"والله تقول جديده بسفارها بارك الله فيك"
رفع يده ردا عليه بعدين وجه نظره القدام شاف اخته ثريا جايه وهي بكامل اناقتها لكن ملامح وجهها باين فيهم الغضب بضحكه قال..
/صباح الخير ياقارنهم..
شافاته رفعت سبابتها اتجاهه وقالت.
/فاضل اخطاني بالله عليك..
ضحك وقال..
/غير خيرك خيرك!؟
وين قربت توصل فيه حطت يدها ع راسها وسرعت مشيتها..
هو قال بضحكه:ااه هكي قصدك انتي لاخلاص كبرنا عليها حركات الصغار هادي..
فاتت من جنبه وهي تشوفله بحذر خلاها تفوت بعدين بخفة لف ولحق عليها جبد شاربتها وتصكها عيطه ع طول رقبتها..
هو بضحكه قال..
/يالطيف!
ولف وكمل طريقه وهو يسمع فيها تهزب وتصيح ع جية جواد يجري وهو يضحك قاله..
/علاش ياراجل بس تو بتفش غلها فينا..وفات من جنبه وخلاه يضحك..
وقعد يمشي لعند ماوصل في المستراح شاف مرت بوه مقعمزه وشاده فنجان قهوة في يدها قاللها..
/ياصباح الجمال والحلاوة والشباب الدائم..
قالتله بضحكه:صباحك عسل زي وجهك..
قال:مش عارف علاش ثريا مش طالعتلك ؟..
ضحكت وقالت..
/جوها مكهرب..
قال:ديما جوها مكهرب عكسك انت يارايق كان نعرف بوي وين دماغة لما خدي عليك..
قالتله بضحكه:اسكت امك تو تجي وتسمعك..
وطلعت امه وهي تقول..
/علاش تحرق في دم اختك ع الصبح ربي يهديك..
قاللها:ياصباح الحلاوة كلها اللي لاقبلها ولابعدها كان نعرف بوي وين عقله لما خدي عليكم بس..
قعدوا يضحكوا وامه لما قعمزت جنب ضرتها شافت لجهة معينه قالت..
/اهو جاك انشده..
فنص عيونه برعب وفي لمح البصر خش يجري للقصر وخلاهم يضحكوا عليه...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
