بسم الله الرحمن الرحيم
البارت السابع عشر
بقلمي : حب موروث
لا تنسون التصويت والتعليقات حتى نستمر..
﴿ريماس ﴾
هشام : سيد راهب راح يجي والله هل زلمه ماكو منه .
حسام : شعنده جاي هذا ليش يدخل نفسه بكل شي .
هشام : حسام انت ابقى بعيد عن الموضوع لتدخل بالرجال .
حسام : ربي صبرككك .
مياده : ماما على كيفك عيوني لتسوي مشاكل متشوف ريماس شلونه حالها .
حسام : ييي يصير خير .
ريماس : ساعدني بابا اكعد وشربني المي جان ينفتح الباب ويدخل راهب سلم على الموجودين وعيونه عليه ابتسمت بتعب وهو يحجي ويا بابا ويسأله على حالتي .
هشام : والله ابني جروح بسيطه كالوا الحمد لله عدت سلامات .
راهب : ييي الحمد لله الحمد لله يعني ميحتاج ننقلها لغير مستشفى تريد تأخذها لمستشفى اهليه .
هشام : لا يابا ميحتاج ريماس زينه .
راهب : هاي هي حجي مثل متريد .
ريماس : بهل أثناء دخل الدكتور وفحصني وكال تكدر تطلع .. التفتت على راهب يأشرلي بعيونه
افتهمتها بيج شي اشرتله لا ..
حسام : يلا ريماس كومي اساعدج خالو تعبان .
ريماس : نزلت رجلي بالكاع وباوعت على حسام اعرف بي يعاند راهب .. لا ماكو داعي عمه تساعدني .
مياده : ييي يمه عوفها اني امشيها .
ــ تفضلواا كعدوااا عدنه تحقيق .
راهب : تحياتي سيد رضا ممكن احجي وياك دقيقه على انفراد .
ريماس : طلع راهب ويا الشرطه مرت دقايق ورجع .
راهب : حجيت وياهم يأجلون التحقيق علمود لاتعبون .
ريماس : بابا وكف وباس راس راهب اني عيوني دمعت بسبب خوفه عليه وحنيته.
راهب : يا حجي شمسوي قابل اني غير واجبي .
هشام : كبرت بعيني والله الله يحفظك ابويه .
راهب : تسلم حجي جايين بسياره لو اوصلكم اني .
هشام : والله بسياره ابن اختي اجينه .
راهب : لعد انت وست ريماس تفضلوا ويايه حتى تأخذ راحتها والجماعه بسيارتهم .
هشام : منريد نتعبك ابني .
