🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف الشويع (بالحفيض)🌻
بدأ الطرب والرقص من قبل رجال من اهل الضيعة لي كان رقص مختلف بهز الاكتاف وكذلك بتحرك القدمين لخلف والوراء رقص فاخر ....القصر كان عامر بالنساء ورجال محيت الكل تعزم لعرس الاغا ...اي شخص كيدخل كيقبل ايدو وكيبارك ليه ...وصل وقت رقص العريس هذي عادة عندهم أن في وقت نصف انتهاء ليلة العرس كيوقف العريس وكيرقص رقصة العمر ...دامت رقصة لمدة طويلة نظارتو كانت كلها غضب وهو كيشوف فحواء لي هذ الأخيرة كذلك كانت كتنظر ليه وعينها ملين بالخوف وشنو ممكن تكون ردة فعلو وكفاش اتعامل معاه كونو شخص سلطوي ...تقدمو بعض نساء من أهل ضيعة نوضوها ترقص معاهم تحت انضارو لي مافرقتهاش ...
انتهاء العرس وصل الوقت لي غادي دخل فيه حواء لغرفة ديال شهد الدين لي كانت مقادة بشكل زوين من طرف خواتاتو وهد المرة ادخل بكونها زوجة الاغا شهد الدين عبد الملك ...شادة بيدها زهرة وحنان دخلوها اتمنت ليها حياة سعيدة وربي يرزقها الذرية الصالحة ...حواء خائفة كترعد د خلت الغرفة قفلت زهرة باب الغرفة...هد الأخيرة لي جلست فوق ناموسية خائفة حاضنة رجليها لعندها ...كتفكر شنو ممكن يقول لها ...بقات شحال كتسنى حتى سمعت باب الغرفة تحل كمشت رجليها لعندها كثر ...شهد الدين من بعد ما دخل وقفل باب الغرفة حيد الكرافطة رمها فالارض ...معصب حيد البدلة رمها على الأريكة فتح صدف ديال قميجة كب ليه مشروب من قرعة زجاجية محطوطة على كوافوز من نوع عرقان لون ابيض شفاف شرب كأس كلو حطو بجهالة ..تلفت فيها قرب خطوات من سرير حيد ليها الطرحة لي على وجهة بالجهلة شاف فيها وبدأ كيضحك شاد فراسو شي لي خلا دموعها ينزلو بدون متحس ...حدر على ركبيه قرب عينه من عينها لي كانو بحال ديال شي ذئب وانطق بصوت خشن طالع منو نبرة غضب
شهد الدين: أنا لي خاصني نبكي لي تصيدت فوحدة بلا شرف بحالك
يلاه اتنطق حط ايدو على فمها
شهد الدين: شوووووت بلا حتى كلمة
وقف تمشى حتى لحدا دولاب ديالو هز واحد خنجر فضي مطرز صغير رجع لعندها بخطوات هي غير شافت الخنجر وخرجت عينها ...
يتبع
أنت تقرأ
(قصة بالدريجة المغربية)...⚜️plunger_الغواص⚜️
General Fiction⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
