"بعدك يجرحني وقربك يشفي لي جروحي"

[الجزء الثلاثون]

----------------
• عـرُوب :
جالسه بشقتها بملل ،تمشي بأرجاء البيت بملل ماعندها احد تكلمه او تقعد معه ،طلعت جوالها وبدأت تشغل كم من فيديو لتضيعه الوقت ،قاطعها اتصال مالك ،ابتسمت وهي تقفل وتكتب له :هلا؟
مالك : مشغول اليوم ما بأقدر امرك ناقصك شي واجيبه؟
زفرت انفاسها بضيق :لامشكور ،مع السلامه.
استغرب مالك طريقه كلامها لكن كان يتخيلها تمزح كالعاده،بس بداخله احساس اثبت له انها متضايقه..
رمت الجوال على الكنب ودخلت الغرفه صحبت فراشها وبدأت تحاول تنام لكن يومها نوم في نوم ماتقدر تطلع او حتى تفتح النافذه كأنها محتجزه ،متضايقه وكثير من وضعها هذا ملت من القعده لحالها خصوصا ان مالك يجيها قليل يوصل لها اغراضها ومعد يمرلها الا وقت تحتاجه ،تفكر تطلع بدون علمه لكن تعرف رده فعله ،شخص عصبي وكثيرر ،اما هي شخصيه تعودت على المزح والفرح بين الناس وفي يوم وليله انقلب كل شي من انسانه كل شوي تتمشى بحيهم وتلعب مع الصغار لأنسانه محتجزه بشقه ماتعرف هي بتطلع او بتقعد فيها طول عمرها،تخاف من رده فعل اهله اذا عرفوا انها بنت عدوهم ،تخاف تزداد المشاكل ،قامت بغضب وهي تفتح جوالها وتتتصل عليه مره ومرتين وثلاث رغم معرفتها ان اليوم اكثر يوم مشغول فيه الا انها مستمره تتصل بدون انقطاعها ،تنهدت وهي تسمع صوته :وش هالاتصالات كلها؟ فيك شي؟
تنهدت عروب :ماودك تحس علي ياولد الناس وتطلعني ترا انكتمت بين 4جدارن لي شهر هنا طلع لهذاك الزواج وللحين ماقلت لي ليه وصاتني له اصلا ،تكفى يامالك طفشت كل يومي عباده ونوم حاولت تخلص الموضوع انا تعبت
تنهد مالك وهو يبتعد عن الرجال :اسمعيني انا الليله بأكلم جدي عندنا عشا لاراحوا الناس كلمته
مسحت دموعها بعشوائيه ممزوجه بغضب :وأبوي؟
التفت مالك حواليه بهدوء :ادل طريقه وهالحين بأبدل واروح له اجيبه للعشاء ،اسمعيني ياعروب لاتطلعين ولاتفتحين النوافذ
ابعدت عروب الجوال وهي تضحك بصوت يكاد يسمع ممزوج بالسخريه ،رجعت الجوال :اساسا معك المفتاح وش بأسوي يعني بأفتح السقف واطير؟
ضحك مالك بـ مزح :مضروبه على راسك
قفل المكالمه قبل يسمع ردها ،رمت الجوال وطلعت للغرفه طلعت دفترها وبدأت ترسم ..
----------------
• بـيـت ســعــود :
طلع من المجلس بغضب وهو يتذكر كلامها ويزداد غضبه ،ترك شماغه على كتفه :صدقيني بتندمين على كل حرف بس خليني اعرفك
جلس وهو يرتشف من مويته ويتركها بعغضب وللحين كلمتها تتردد ببالك "هدني يلي اقوى من الرصاص تبي الرصاص ينهيني؟"
يتذكر ضربتها لكتفه قبل تمشي وتبتعد عنه ،يتذكر منظرها وهي ترمي المداهمين بكل شجاعه وماهبت احد ،يتذكر عيونها يلي كانت مليانه حقد ،بباله اكثر من فكره : يمكن انها من جماعه بدر ،وين ماطفتني ولا من وين لها هالشجاعه تتعرض لي ؟!
قاطعه دخول عز :وينك اختفيت؟
وقف وهو يعدل شماغه بغضب : حذر اخواتك في وحده من البنات من جماعه بدر
توسعت عيون عز بذهول :انت صادق؟
التفت الرعد بثقه : البنت يلي ترفع السلاح بكل شجاعه وتصوب وتصيب وتتعرض لي بكل شجاعه صدقني لها يد فيهم
اقترب عز بفضول يخالطه الرعب : وش تقصد فهمني؟
تنهد رعد وهو يجلس :البارحه بالمداهمه يلي صارت صارت من جماعه بدر كان في بنت بالحوش ماعرف من هي هي من المعازيم او من العايله الله واعلم لكن يلي اعرفه انها رفعت السلاحه وصاوبت اثنين ،ابعدتها وقلت لها ان رصاصه بتنهيها
قاطعه عز بذهول :اسلممم ووش ردت
ضحك الرعد بسخريه :تقول هدني يلي اقوى من الرصاص تبي الرصاص ينهيني؟ ،ازيدك ؟
تنهد عز بذهول :زد
وقف رعد قدام المرايها وضحك بسخريه وهو يتذكرها :رمت السلاح على ومشت،صدقني انها منهم
تقدم عز :يارجال وين مشت انحاشت ولا وين؟
التفت رعد : هددت هديل وانا الحين رايح خاطبها،اوريك فيها
اقترب عز بربكة :يارجال احبسها قبل يصير شي مب فاضين احنا
التفت رعد :بدر ومسكناه تتوقع هذي مب جايبها ،تعدت علي يعني حريمه وصدقني مابتطلع بالساهل
طلع رعد بغضب وهو يوقف عند اجداده يلي كانو جالسين بالمجلس :السلام عليكم
ردوا السلام ،جلس رعد بجانبهم :اسمعوني انا جيتكم وودي نروح نخطب بكره بنت ابو محمد تعرفونها
ابتسم الجد سعود : ابركها من ساعه ،ودك نكلمه الليله بعد العشا؟
التفت الجد همام :وجدك الصادق خلنا نخطبها لك من بدري
ابتسم الرعد بأنتصار :خير البر عاجله ،اجل انا موافق
دخل هتان بفرحه :افااا بتخطب وانا ماخطبت؟
ضحك الجد سعود :قول لنا من ودك ونخطب لك
ناظر هتان ب رعد بربكه :ولله للحين ماعندي يلي ودي بها لكن بأكلم الوالده كود تلاقي لي وحده اخلاقها زينه وجميله وسنعه
نزل الجد همام فنجان قهوته :قوموا جهزوا بيت الشعر بالضيافه الرياجيل واصلين بدا العشا
هز راسه رعد بالايجاب :سم انا رايح له
طله وراه هتان لأجل يجهزون بيت الشعر بالقهواي والشاهي ..
- وتر:
جالسه مكانها للحين وسط الهوا البارد ،تفكر فيه وللحين منظره ماانزاح من بالها،خايفه وكثير من فكره ارتباطهم ،سمعته وهو يوصيها على نفسها ،نفس الصوت يلي سمعته وهي ببيت مهاب نفس الصوت يلي سمعته يناديها وسط الظلام ،نفس الصوت يلي سمعته بغيبوبتها يكلمها ،كل هذي صارت اوهام من بعد منظرهم ،تتذكر طفولتهم كيف كانت تحبه وكثير ،تفوّزه بالألعاب ،تلعب معاه بكل حب ،تعرف ادق تفاصيله ،تعرف وش يحب ووش يكره ،شخص بارد وكثير متغير كثير عن طفولته كثيررر من شخص مرح ويحب اللعب والسوالف لشخص هادي وبارد وعصبي ،نادر يتكلم ،تخاف عليه من هبه الهوا ،تخاف تكون سبب اذى له ،تخاف انه مايبادلها نفس الشعور ،تكذب على نفسها وتتخيل حياتتهم مع بعض ،تنهدت وهي تناطر الغيوم بضيق : يارب اجمعنا يارب انك لاتعلق قلب عبد لك بشيء الا وهو له طلبتك يالله لاتعلق قلبي فيه وهو مو من نصيبي .
قامت وهي تتذكر الحلم يلي دايم يراودها ،رفعت جوالها وهي تكتبه بجميع البرامج ومالقت يلي نفس الارقام والكتابات تنهدت وهي تتذكر الورقه الصفرا ووش علاقتها ،بدأت تناظر جوالها طاحت عيونها على سناب ،فتحت وكانت المره الاولى يلي تفتحه ،بدأت تجهز حساب على السريع ناظرت السما وهي تفكر بأسم تنهدت وهي تكتب اسم "Hiyam"(هِيام) فتحت الحساب وبدأت تكتبها انصدمت وهي تشوف الحساب يلي يطابق الارقام والحروف يلي تعرفها اضافته وهي تنتظر الرد بخوف ما انتبهت للأسم يلي كان يدل انه رجل ..قفلت جوالها وهي تناظر حوالين البيت وتشوف السيارات يلي بدأت توصل ،نزلت من الجهه الخلفيه ودخلت من باب المطبخ ،تركت جوالها على الكرسي وهي تعدل شعرها يلي بعثره الهوا ،طلعت وهي تسلم على خالتها يلي وصلوا ،التفتت وهي تناظر للبنت يلي طلعت من السياره وتعرفها حق معرفه اقتربت ميراف :وتر خلي هاليوم يعدي على خير
تنهدت وتر بغضب :عديمه كرامه
مسكتها ميراف من كتفها قبل تمشي :وتر تكفين فرحه شوق لاتخربينها خليها لاتنزلين عقلك للسفيه خليها ،تعالي نطلع الحوش بعيد عنها
اقتربت وتر لأجل تطلع توقفت وهي تمشى من على عبايه هديل وتكون سبب في طيحتها ابتسمت بأنتصار وهي تطلع التفتت هديل لأجل تشوف لكن وتر وميراف طلعوا قبل تلتفت ..
----------------
• الـسُـوق:
نزل من سيارته وهو يقترب من الرجل يلي يعرفه وكثيرر،مافي حوله زباين جالسه لحاله والواضح انه يدقق بحسابته توقف عنده مالك :السلام عليكم
رفع راسه وهو يشوفه بفرحة :ياهلاااا ولله ارحب ،تعال اجلس ياوليدي
ابتسم مالك وهو يجلس :الله يبقيك ويطول بعمرك ياعم ،انا جيت اكلمك بموضوع
ترك العم دفتر حسابته : سم ياوليدي
عدل مالك جلسته :انا جيت ياعم ودي بالقرب منك
تنهد العم وهو يتذكر تفاصيل عياله :شوف يامالك انا اعرفكم زين ومعدنكم اصيل،واعرف كل اهلك ومالي بالرفض ،لي بنت وحده بين اخوانها اضطريت اتركهم لسبب امهم توفت ومامعي ولا ريال عشان اصرف على بنتي كل حلالي راح ماعندي الا هالسوق اترزق الله منه ،انا بنتي مدري وينها لكني موافق عليك واعرف انك مابتقصر معها وبتعوضها عني وعن اخوانها
ابتسم مالك :اسمعني ياعم وَاودي تضن يني ضن سوء ،انت تعرف بسوايا عيالك؟
انزل العم هاشم راسه بخيبه :اي ولله ادري
اقترب مالك :ارفع راسك ياعم انا ماقلت لك هالكلام لأجل تتضايق ،عيالك بمركز العلاج من الادمان بيقعدون فيه فتره ،وبنتك ياعم في مكان امن مايوصلها منه خدش بأذن الله
رفع العم هاشم راسه بتفاجئ :وينها ؟هي لسا ببيت جدتها
جلس مالك : انا بأحكيك لك السالفه كامله ياعم لكن ودي انك تفهم قبل تقرر
العم هاشم بأستنكار : انا ثقتي فيك كبيره ياوليدي انطق وشهو العلم؟
زفر مالك انفاسه وهو يحكي سالفته مع عروب من البدايه الى يومه هذا بدون زياده او نقص
وقف العم هاشم بعد ماسمع القصه كلها : اسمعني يامالك مدام البنت استنحدت فيك وماتركتها للذيابه ولأخوانها هذاني اقولك ان البنت مره لك ،ودني لها
ابتسم نالك وتقدم وهو يقبل رأس العم هاشم بفرحه :اجل خلني اعطي جدي العلم واهلي الخبر ،تعال معي للعشاء ان كان ودك
ابتسم العم هاشم :انا ماودي بزحمه الناس بالجايات هالحين ودي ببنتي
تنهد مالك بفرح :اجل تعال معي
طلع العم هاشم مع مالك لجهه شقه عروب ..
----------------
• بـيـت بـتـال :
طلعت من الغرفه بعد ماجهزت وخلصت كل شي ،دخلت الغرفه بهدوء وهي تقترب من البطانيه بصوت واطي :بتال..بتال
سحبت البطانيه بذهول وهي ماتشوفه تحتها ،قامت وهي تدق باب الحمام [أُكرم القارئ ] :بتال انت هنا؟
سألت مره ومرتين وثلاث مافي اي رد بدات تخاف فتحت الحمام ماشافت احد ،خرجت خارج الغرفه وهي تدور الين لمحت رجوله من طرف باب المطبخ ،دخلت بسرعه :وينك لي ساعه انادي فيك
ابتسم بعناد : اما ساعه ماكملت خمس دقايق !
تخصرت بعناد :لا بالله ،اقول اخلص علي وروح بدل تأخرنا
ابتسم وهو يأشر على أنفه :على خشمي
طلع وهو يضحك لأجل يجهز اما هي لبست عبايتها وتركت الطرحه على كتفها وبدأت تجهز لهم اكله سريعه قبل يمشون ..
----------------
• بـيـت ســعــود :
بين ازداحم الحريم بالصاله وسوالفهم وضحكهم ،تقدمت ومعها صحن التقديم ،نزلته على الطاوله وهي تجدد قهوتهم وتضحك معهم دخلت جودي ركض وصوت صراخها ملئ المكان ،دخل وراها محمد وهو يضحك بخبث وقفت فدوه وهي تاخذ جودي : ليه ماتروح مع اخوك؟
وقف محمد معهم :مع خويه ،ودي بخوياتي تعالوا
توسعت عيون البنات وقفت ميراف وهي توقف بجانبه :جيت
ناظرها وضحك :لسا فيه تعالوا
وقفت شام ومعها وتين وبنان اما وتر كانت جالسه معهم وبالها بعيد ،وقفت الزين وهي تمسك كفوفها :وتري؟
التفتت وتر بأنتباه :هاه؟
ابتسمت الزين :امشي محمد جا
ناظرهم محمد بسخريه : اما متكسره سيقانك"رجولك"؟
ضحكوا البنات اما وتر تقدمت وهي تاخذ جودي بحضنها :تعالي
مشو البنات لكن محمد للحينه بمكانه ،ابتسم ميراف بخبث :عيونك زايغه؟
اقتربت شام يلي شافت ليان الميته خجل :تبين تروحين معنا ،ترا ما يعض عادي
ضحكت ليان وهي تنزل وتطلع معهم ولاحين عيون محمد عليها
اقتربت ميراف بـ مزح ومسكت طرف اذنه :عيب امش
مسك يدها محمد :وجعه اظافرك مخالب
توسعت عيون ميراف:زود ان عيونك زايغه لسانك اطول منك
تخصرت مسك :لاتغلطون على خويي
وقفت مها عند الباب بأستفزاز:توقعتكم بزران بس مب لهذي الدرجه
تنهدت وتر بضيق قبل تلتفت ،التفت الزين وهي تضحك :المبزره انك تقربين من شخص مب محرم لك قدام عيون الكل ،المبزره افعالك ياحلوه انتبهي لها
مسكت مها خصله شعرها بدلع: ياعمري عليكم شايفين اشكالكم تفشل
التفت ميراف بعضب: حبيبتي محد قال اعطينا رأيك بشكلما نحنا راضين بشكلنا وديرتنا واهلنا ولهجتنا مب رايحين ننسب نفسنا لناس ثانيه مادروا عنا ،وصدقيني كلنا نعرف انك تركضين حول رعد يلي يكون اخوي واعطيك ياها من الاخير مستحيل يكون لك فاهمه،ارتاحي مستحيل اساسا يتزوج وحده مستواها نفسك
ضحكت مها بغنج: هذاهي بينكم يلي مستواها نازل مندفن مب بس نازل تروح للغريب تقول اخوي
تضايقت شام من كلام مها وكثير ،تقدمت وتين بغضب: لو ما تمسكين لسانك اقصه لك ،خلاص فكينا محد غصبك تجين معنا ادخلي محد فينا يبيك جايه حاشره نفسك ليه ،بعدين شام اعلى منك بكل شي مب مريضه نفسيه مثلك تلاحق عيال الناس ع الاقل هذا اخوها وكلنا نعرف ومتأكدين ،انسانه وقحه امشوا يابنات
مسكت بنان يد اخوها محمد وطلعوا لخلف الحوش اما مها دخلت وهي تضحك بصوت عالي لأجل تبين لهم انها ما اهتمت الا وهي من داخلها محتره وكثير..
- بـيـت الـشـعـر :
جالسين كل الرجال بسوالفهم ينتظرون قدوم بتال عشان يبدا عشاهم ،تقدم باسل :ياجد وصلت الفرقه ودكم نعرض؟
ابتسم الرعد والفرحه مب شايلته بعد ما خطب له الجد سعود هديل،انتبه الجد وهو يقوم : قول لهم يقلطون وان وصل بتال بدينا
هز راسه بالايجاب وطلع لهم ،تقدموا الفرقه للجلسه

وقف هتان ومعاه رعد ووليد يقهوون الرجال ويجددون فناجينهم ،وقف سلطان وهو يدخل عندهم بفرحه :سياره المعرس دخلت ابدوا
قاموا رجال الفرقه والرجال وبدا صوت الدق والتراحيب ،وقفوا جميع الرجال بصف بجانب بعض بدايته بالجد سعود ونهايته برعد ،وبدوا بالعرضه والتراحيب
رفع الرعد سيفه وهو يدخل بالنص ومعاه هتان وبدوا بالعرضه الجنوبيه قدامهم ..
- البنات :
ابتسموا على صوت الدفوف والتراحيب يلي كان يعلن دخول المعاريس
للحي ،وقفت الزين بحماس :بناتتت يلا خطوه خطوه
وقفوا البنات قدام الجدار بصف واحد وهم يرقصون الخطوه الجنوبيه ويضحكون بفرحه ،خرجت مرام ووراها باقي الحريم لأجل يستقبلون شوق ،لبست الجده منيره برقعها وهي تتقدم وتاخذ شوق يلي كان وراها بتال سلم ع جداته وخالاته وامه وعمته ،قاطعته وتين يلي تقدمت :صدق يلي يقول من لقى احبابه نسى اصحابه
ابتسم وهو يسلم عليها ويسالها عن حالها تقدمت وتر وسلمت عليه بهدوء ،خرج بتال وهو يشارك بالعرضه مع الرجال ،اما شوق دخلت بفرحه وهي تسلم على الكل وتجلس معهم والفرحه مو شايلتها ..
----------------
• عـرُوب :
طلعت من غرفتها بملل وهي تتجول بالبيت وتتعرف عل ىكل زاويه فيه للمره المليار من الملل ،قاطعها صوت دق الباب ،تقدمت وهي تسمع مالك :عروب؟
تنهدت عروب :هلا؟
ابتسم مالك :افتحي الباب الوالد معي
توسعت عيون عروب بربكه وذهول : مين ابوي ولا ابوك؟
ابتسم العم هاشم بسعاده : انا يابنيتي انا
فتحت الباب عروب بسرعه وسرعان ما دخل العم هاشم وهي تسلم على على راسه وتحضنه اما مالك يلي للحين واقف برا لأن عروب مو متغطيه : هالشقه لكم ياعم خذوا راحتكم وانا رايح لأهلي ان احتجتوا شي رقمي عند عروب
ابتسم العم هاشم بثقه :في حفظ الرحمن ياوليدي سلم لي ع اخوانك واجدادك
هز راسه بالايجاب ؛ابشر ،تبون شي؟
العم هاشم :لا ولله ياوليدي
طلع مالك متجه لعشا زواج بتال "عشا يباركون فيه للمعاريس قبل سفرهم يصير في بعض القبائل بعد الزواج"..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اسفه حبايبي مره علي ضغط الدراسه والكتابه ،حاولت اكتب قد ما اقدر وهذا يلي قدرت عليه بس اكيد بأعوضكم بأكثر بس اخلص اختبارات دعواتكم لي💞
أنستا :rwa.rof5
تيك:rwa.rof5