نظرات محرمة (الفصل الثاني )

الجزء الثاني

الحلقة 2
بقلم لينا صبرينة
من الصدمة والفاجعة ليتلقيتها منو مابقيتش مستوعبة نفسي راسي تقيل رصاص وعينيا مضبين ووذنيا يصفرو وصدري ضياق عليا ونفسي بسيف نخرج فيه وصوتو غير يبعد مالقيت روحي غير متغاشيا مستسلمة ومخليا ورايا جسد ضعيف يواجه أصيل ونيتو الشيطانية وكنت مرة على مرة شغل واعية وماش واعية_القصة كاملة في صفحة قصص لينا صبرينة_من فقت مليح لقيت روحي متكسلة فوق سرير وعلى نفس الحالة ليكنت فيها قبيل تقريبا متعرية وراسي لقيت فوقو فوطة نحيتها وجعتني كيعادت لسقت مع شعري والدم. تقعدت وراسي يوجع وفاشلة ماش قادرة نحركو .حتا لقيت حاجة ترمات عليا كيشفتو صبتو كيمينو طلعت راسي لمرايا تاع لخزانة لقيتو واقف مورايا قدام الباب متكي عليه يتفرج فيا ويتكيف زربت لبست عليا هاداك الكيمينو ودموعي على خدي حاولت نتحكم بصح ماقدرتش ياحليلي الخوف كان راكبني من ساسي لراسي وبلا شكوك والوسواس لي في راسي ممكن كاش مادارلي ماش عارفة شحال وانا غايبة على الوعي حسيتو حيوان بشري مقرف ومرعب حتا لافاست تاعو قريبة مني على سرير ولانجات معمرين دم  . كيقرب مني وليت جبدت روحي بلا مانطلع راسي ليه _ماكالاه تتحركي _قعد قدامي وانا قابضة يديا لزوج مع بعضهم وانفاسي عالية وكمت قاعدة على ركايبي فسرير . واش درتلي ؟_ هاكي شربي شوي ماء ومبعد نهدرو _مانشربش وبعدني _قتلك احكمي وشربي يعني تشربي بإرادتك ولا نشربلك بسيف عليك _مديت يديا ليه حكمت الكاس وشربت رشفة منو ويديا يرجفو وسناني يتخبطو في بعضهم وطعم الماء مبدل حتا زدت توسوست ديراكت رميتو للأرض تكسر ودورت ليه لقيتو يشوف ليا بكل وقاحة _واش درتلي اهدر ماتلعبليش بأعصابي مافيا ليحمل _مازال مادرت والو بصح كون ماتسمعيش لكلامي قادر ندير _واش قصدك_شوفي لقوافاز واش كاين فوقها _دورت راسي لقوافاز لقيت ثلفون يصور فيديو زدت تصدمت .جيت راح نروح ليه بصح هو حكمني ورجعني لبلاصتي وبقا حاكم يدي _ماديري حتا حركة باسكو راني نضرك وأصلا هادا ثلفون راه صور كلشي ونتي راقدة وماش غير ليوم كاين بزاف ليالي صورتك فيهم  _ناض هز ثلقون بيدو وزاد قدمو ليا ويصور فالفيديو .حطيت يديا على وجهي تمنيت كون انشقت الارض وتخبيت فيها كومبلي ماعرفتش كيفاه نتصرف ومالقيتش حل كون نعيط يطلعو يلقاوه عندي وبهادي الوضعية اكيد يفهمو غالط وكي مانعيطش راح يزيد يتمتدى بوساختو كتر _مايشقايش تخبي وجهك صايي صورت قبيل وكملت _نحيت يديا لقيتو حط ثلفون في جيب سروالو وجبد قارو الثاني يتكيف وتكا على لقوافاز ويد مربعها ويد يتكيف بيها ونظراتو المركزة فيا ماقدرتش نفهمها ولا حتا نفهم وجودو معايا ووين حاب يوصل الشيئ ليمتأكدة منو انو أصيل إغتصب بعينيه برائتي وضعفي وشرفي  _من الأحسن تخلي دموعك للمرة الجاية كينكمل واش بديت ليوم .والمرة الجاية الفيديو راح يصور علاقة كاملة بيني وبينك ليوم صورت غير وانا نتلمس فيك في مفاتنك ومتكسل جنبك ونشم في ريحتك وبلا مانكملك راكي تقدري تستخايلي واش يدير راجل مع مرا _هو يهدر وانا خلاص كل مرة يزيد يفشلني ومن داخل تخنقت حتى رجع البلعوم تاعي يوجع وليت نشوف فيه مضبب بين عينيا من دموع. واش هيا نيتك واش تحوس عندي عيب عليك وحرام احشم واش راك دير راني مرت صاحبك ليتعيطلو خويا راك في قاع دارو الشيئ ليدير فيه يتسما اعتداء على حرمة اعتديت عليا وانا مرا وحدي فدار في نص الليل ضعيفة وماعندها ليحميها مكسورة ومهزومة وتحت صدمة موت راجلها تعديت على عرض وشرف صاحبك توأم روحك واش بدلك واش ليخلاك دير فيا هكدا سامي قبرو مازال مانشفش ونتا استغليت ثقتو فيك واستغليت ضعفي وجيتني بهادي الوقاحة والذنائة في نص الليل _ ونتي حسباتلك ماش عارف روحي واش درت عارف بلي انا خاين وغدار وحرايمي ومانسواش بصح عندي اسبابي_كيفاه راك تدخل لدار كما تحب وبكل راحة ؟؟! _عندي مفاتح تاع كلش كان يخص سامي _قتلك نتا غدرت بثقتو فيك حمدلله كيمات وماشافش هادي الغدرة منك _ كون جاء حي عمري مانقرب ليك عمري مانقرب لحاجة تخصو كون بقاو غير عينيا يتبعو فيك و عارف بلي حرام وعيب نشوف لمرت صاحبي بصح القلب غالب من نهار شفتك رجعتي نتي وخيالي كيف كيف حبيتك عشقتك تهلوست بيك عييت نحيك من راسي ماقدرتش كنت كل مرة نحاول كل مرة نتجنبك كل مرة نتخطاك بصح قلبي خاين وغدار كنت غير نلقى فرصة عينيا يتسرقو مني ويبقاو يتبعو فيك ماقدرتش نتحكم فيهم كل حركة وكل خطوة منك كنت نتبعها وحافظها _مسحت من عينيا دموعي .يعني مستعرف برذاءة تاعك خرجت كتر من نضال .
#جاااام
الحلقة 3
بقلم لينا صبرينة
نن ماتغلطيش نضال يحوس على شهوتو فيك بصح انا نحوس على قلبك لانو بكل بساطة عشقتك_والشيئ ليدرتو فيا قبيل هاديك واش تتسمى ؟؟_هاديك باه تكوني ليا وحدي وتسمعي كلامي وماتتجاوزيش الخط الأحمر لينديرهولك وتعرفي كون نحب نديرها راني في دقيقة وانا فريتها  _واش من كلام عندك فهمني علاااه درتلي هكدا في واش غلطت معاك واش درتلك انا من نهار عرفتك جامي آذيتك ولا قربت منك _كون سترتي روحك من لول ممكن مايصراش هاد لشيئ بصح نقدرو نقولو كاتبة تصرا هكدا ماتستريش روحك باه انا نتفنن بيك ونتغر و نشوف ليك نظرة محرمة ونعشقك وكتبت سامي يموت باه تكوني ليا وتبقاي تحت حمايتي _واش من حماية تهدر عليها ونتا تعديت عليا واحد كما تستاهل نقتلك ونشرب من دمك بصح المكان والوقت ماش مناسب كون هادي القوة ليجاي تواجهني بيها في بلاصة خلاف كون راني قطعت عليك هادي الرجولة باسكو كلمة راجل ماتستاهلهاش نتا ذكر ومريض ومافيكش ريحة الرجلة خامج وطماع نتا حيوان ناطق الله يلعنك _ضحك وطفا القارو فوق لاقوافاز وقدم ليا بملامح مجنونة فيهم كل علامات الشر وبنظرات جحيمية زربت هبطت من سرير  بصح حاصرني عفص على هاداك زجاج وبقا يقدم ليا غير بشوي ندمت ليهدرت هاداك لكلام ياريت حكمت لساني _قدم ليا وانا حاشرة روحي قدامو فالتاقة ودورت وجهي عليه وغمضت عينيا عارفة كاش ماراح يدير .حكم بيدو حناكي بالقوة ودورهم مقابلو وعينيا ماقدرتش نفتحهم فيه _افتحي عينيك _ بقيت من داخل نشهق من الخوف _### افتحي عينيك ماتخلينيش نرجع نعريك ماتضيعيليش وقتي  _حسيت لحم حناكي دخلو في ضروسي من قوة ليضاغط عليهم بيدو وليت فتحت عينيا لقيت وجهو قريب لوجهي بزاف ويتنفس كيثور الهايج في وجهي حطيت يديا فوق يدو باه ينحيه ودموعي ماحبسوش _شوفي ليا انا جيتك وبكل وقاحة تجرأت ودخلت لدارك وعند مرت صاحبي ليكان كتر من خويا خنتو وغدرت بيه وعارف بلي حرام وعيب شيى لي راني ندير فيه بصح مادام نتي حاجة تخصيني يعني قادر ندير أي حاجة باه تكوني ليا ولو بالقوة والتهديد .ومفهوم كلامي يعني حابك تدخلي لحياتي ونتي راضية ماش راح نقدر نعقد عليك مؤقتا باسكو انا عسكري والقانون يمنع عليا ندي وحدة اجنبية بصح نقدر نتزوجك عرفي (بالفاتحة) ماش باه نشبع شهواتي برك هاديك مفروغ منها باه نخلي لمرا ليعشقها قلبي قدام عيني صباح وعشيا حابك تكوني ملك ليا مرتي وحلالي. درك الحاجز ليكان موجود ومانقدرش نتخطاه راااح ومابقاش حاجة تمنعني وكون ماتكونيش ليا نقتلك ونقتل روحي ومانخليكش لغيري _خبط راسي لتاقة ونحا يدو من عليا وانا وهاد المرة وليت نبكي بالصوت كنت محشورة مع انسان مايخافش ربي .رجع حكمني هاد المرة من رقبتي بيدو وبقا يقولي شوفي ليا بسيف حتا شفت ليه _المطلوب منك حابك هاد اليومين توافقي عليا ونسمع رضايتك وادا رفضتي ماتلومي غير روحك ليفوطو وليفيديو تاعك كلهم عندي ماتتصوريش واش نقدر ندير بيهم ومن وراها والله مانخليك عايشة شوفي ادا قبلتي اللهم بارك نبعتلك واحد يبدل ليفاشات تاع بيبان الدار كلهم باه نطمن عليك من هاداك الكلب ليلتحت ونخليك تكملي العدة تاعك في دارك احزني وأبكي على قد ماتقدري حقك وحق عشرتك مع سامي وهاداك هو تقنعي روحك بيا بصح بعد العدة تلمي قشك وتجي معايا بكل إرادة منك وادا درتي كاش حاجة من وراء ضهري وتلعبيها عليا مانتعبش روحي ونجي نحاسبك ديراكت نستعمل ليفوطو تاعك وقولي على روحك انا ماش راجل ورخيس انا ليهمني تكوني ليا ملكي وحاجتي. خمي ورديلي لخبر نيميرو تاعي ادا ماعندكش تلقايه في ثلفون سامي _طلقني وانا هبطت للأرض نلم في روحي ونبكي وهو دار مشا على هاداك زجاج حسيت بصوت عفصاتو شغل كسر قوتي وكرامتي .القصة كاملة موجودة في صفحة قصص لينا صبرينة .هز لافاست تاعو لبسها وزاد كاسكات وشال حطو على وجهو مبين فيه غير عينيه الزورق كيوصل لباب شمبرة دار ورجع ليا وليت غطست راسي في حجري كن خوفي وهو حسيتو كيهبط لعندي وحط يدو على شعري ويمشي فيه _وجدان المرة الجاية راني نطبق الشيئ ليخليتو ناقص ليوم ماتستهزيش بيا وبكلامي انا كينهدر حاجة نطبقها وادا خالفتي كلامي نحاسبك وحسابي راه صعيب ماش راح تقدريلو . تهلاي في روحك وماتفتحي لباب لحتى واحد _بعد مني وحسو بدا يبعد حتا سمعت الباب تاع برا تغلق لتم طلعت شهقاتي وآهاتي ونخبط في روحي وننصل في شعري كلش تخلط عليا من داخل وحتا واضحة عليا من برا الخوف والرعب الانكسار الخدلان والعجز والغدر والضعف والخيبة والندم اصعب حاجة راهي تقتل فيا هيا الندامة ياريت كون رحت لبلادي علاه قعدت هنا ياربي كونك معايا ماعندي طاقة نستحمل واش صرا في هادي ليلة كانت صدمة مفجعة وحياتي درك ماش عارفة كيفاه نكملها ___بقيت على نفس الحالة للصباح في نفس المكان شعري على وجهي ويابس من دم ليفيه وعينيا عييت نفتحهم مابقا فيا حيل بصح كان لازم عليا نفيق من هادي الصدمة ونواجها مانبقاش ضعيفة ومستسلمة لازم نوقف على رجليا_هزيت روحي بسيف كلشي فيا مدقدق بلا راسي حاساتو راح ينفجر .اول حاجة دخلت لدوش دوشت وانا قاعدة فالكرسي سلخت لحمي بالكياسة غدرة تاعو جامي توقعتها وهكدا حتى العمرة تاعي ليدرتها وراحت في باطل ليلة لبارح نهش جسمي بعينيه الله يلعنو حسبي الله ونعم الوكيل فيه.
#جااام
الحلقة 4
بقلم لينا صبرينة
جمعت البيت كلها من الدم وزجاج ولوساخة تاعو وسيقت دار وفتحت التاقة باه تخرج ريحة الدخان من كملت عيطت ليما قاتلي بلي عمك وسالم منا على يومين يجوك وجدي روحك .كوبيت عليها وبقيت نخمم وانا هكداك ماعرفت روحي رقدت ولا تغاشيت حتا فطنت وهيا ضلمة تخلعت نضت هزيت ثلفون شعلت لفلاش وبيه شعلت الضوء تاع شمبرة من قبل كنت نحب نقعد فالضلمة بصح درك تبدل كلشي شفت مع ساعة لقيتها 8تاع ليل .رحت للبيبان مغلوقين بصح ولو مغلوقين هاداك عندو لمفاتح كامل .اااه ياسامي وثقت فالانسان الغالط خرج ديب وماجبتلو خبر . قعدت وبقيت نيتوعب ونركز فليصرا معايا واش لازم ندير . باه نروح مع هاداك الحيوان من سابع المستحيلات نديرها ولا نقبل نرضخلو وكون نرفض ويلقاني رحت قادر يدير كاش حاجة باينة نيتو خبيثة بصح لازمني نروح ونهرب من قدام عينيه على الأقل في بلادي كاين ليدافع عليا ويوقف معايا ماش كما هنا ماعندي حد من غير ربي سبحانو _نضت بديت نلم في قشي لينحتاجو ونحطو فالفاليزات .والاوراق وليدوسي ليخلاهم سامي حتا هوما هزيتهم في فاليزة وحدهم .جبدت باسبور ولاكارت تاعي والعقد تاع دزاير وتاع تونس (لمزية سامي كان مسوي وضعيتي وكلشي قانوني ماش راح نلقى صعوبة ) حطيتهم معاهم وزدت جبدت دراهم لمخبيين كلهم فدار حطيتهم في صاك كبير وقبل مانخرج من تونس نحطهم فلابونك ولا نصدقهم المهم مانخليهمش للطماعين هادو .رحت لجيهة قش سامي غير شفتو تحسرت عليه رجعتلي نفس الحالة بقيت كتر من ساعة وانا نشوف ليهم سيرتو القميص ليمات بيه مازالت فيه ريحتو ناض مسكين ونيتو يكون قريب لربي لبس وتفحفح بريحة المسك وراح يصلي ورجعلي فالصندوق اااه ياسامي شحال موتك حرقني الجمرة ليخليتها جامي تطفى وماش راح نسمحلها تطفى ربي يرحمك ويصبرني عليك .نضت كملت لميت كلشي ضروروي ويخصني وحطيت الفاليزات بجيه ومبعد تفكرت ثلفون سامي ماشفتوش نهائيا .بديت نحوس عليه قلبت عليه الدار ماكانش حتا نهار جابولي قشو كان كلش تم غير ثلفون ماكانش زعما يكون لتحت عندهم حتى ثلفون وأستولو عليه بصح والله نجيبو ليدي مانخليهولهمش.القصة كاملة في صفحة قصص لينا صبرينة _لغدوا عيطت لنسرين خبرتها على ثلفون قاتلي درك نهدر مع نضال ونرجعلك _وانا نستنى سمعت الباب تاع لداخل يطبطب قلت ممكن نسرين بصح سترت روحي وخرجت فتحت الباب لقيتها هيا ومن وراها نضال هيا راسها مازال مربوط وهو يقدر يمشي برجلو بصح عايب يعرج بيه _واش جاي دير عندي نتا ونتي لاه جبتيه معاك _سامحيني هو برك حاب يهدر معاك وعارفك ماتفتحيش ليه _ماعنديش هدرة معاه _شافت ليه وهو هززلها براسو ودارت هبطت _وين رايحة .كيماردتش عليا جيت نغلق الباب دخل روحو وخلا وجهو لداخل فالحافة _مادام راكي تهدري هكدا يعني رجع عقلك لراسك _روح خليني نغلق الباب _قالولي راكي تحوسي على ثلقون سامي _ايه ادا عندك هاتو _ماعنديش ماشفتوش نهار ليعطاولي قشو فسبيطار ثلفون ماش معاه كنت حاسب خلاه فدار _لالا داه معاه _مالا يكون تسرق ولا طاح ولا ممكن كيكان رايح للجامع نسى على روحو وصدقو لكاش واحد في طريقو راجلك كان مهبول نتوقع منو اي حاجة _(ماحبيتش نكتر معاه الهدرة ) بعد من قدامي خليني نغلق الباب_وكون مانبعدش _والله غير نغلقو ويتخبط في وجهك مانيش نلعب .اصلا اعصابي راهي تالفة _قابل تلفيها فيا _جيت نغلق الباب على وجهو طبعو عليا ودخل _وشبيكي جاي غير نهدر معاك علاه تصعبيها وتعقديها وتخليني نستعمل معاك القوة _ادا ماتخرجش انا نخرج .جيت خارجة حكمني ورجعني _اطلقني وخاف ربي _وجدان استعقلي ماراح ندير والو برك ناوي نهدرمعاك بالاك محتاجة حاجة ولا نعاونك _كينحتاج حاجة مانطلبهاش منك _اوك فهمت مالا انا محتاج حاجة منك _هززت براسي واش ؟؟!_افتحيلي هاديك شمبرة ليكان سامي دايما يغلقها _واش دير فيها _نحوس على حاجة ممكن نلقاه تم عارف بلي يخبي كلشي فيها _مانسمحلكش تدخل ليها _علاه نستنا منك تسمحيلي .لقيتو راح لجيهة شمبرة _وين رايح اصبر _دخل لقاها مفتوحة وبدا يحوس فلقجورة ولخزانة والكوفر _عيب عليك ماش من حقك تحوس اخرج _ وجدان وينهم ليدوسي ماكاين والو هنا وحتا الكوفر فارغ والمفتاح فيه _هاداك واش كاين ماش عارفة انا والكوفر من لول فارغ دراهم كلهم فلابونك _وجدااان ماتقلقينيش مادام سامي باع كلشي يعني جاب اوراقو كلش هنا جيبيلي كارطابل تاعو ماكانش هنا _ماش عارفة _قدم ليا وحكمني من دراعي _ماتلعبيهاش عليا وهاتي ليدوسي وين حطيتيهم _قتلك مانعرفش وماعلاباليش .
#جااام
الحلقة 5
بقلم لينا صبرينة
نتي تباني حافظة الميم مالا انا نروح نحوس _طلقني وليت انا حكمتو وين رايح _مادامك خايفة يعني نتي خبيتيهم  _راح ديراكت لشمبرة تاعي ولقا مقابلو ليفاليز حطيت يدي على وجهي ماتوقعتوش نهائيا يجي ويشوفهم _دور ليا واش هادا علاه موجدة فالفاليزات _وجدتهم برك باه كينكمل العدة نروح _وين تروحي _لبلادي باينة لدارنا _عقد حواجبو .العدة تاعك مازالت مطولة علاه حتا توجديهم درك _سبحان الله تسالي حبيت نوجدهم وخلاص هيا اخرج من دار _هزز براسو وراح ليهم يفتح بالوحدة وانا نمنع فيه بصح ماقدرتوش حتا لقا ليدوسي ودراهم _كنت قدامو ديراكت حكمني من يدي واش هادا علاه جامعتهم عندك وتقولي ماعنديش وماعلابلكش ولا كنتي ناوية تغفلينا وتهربي بيهم _لالا ماش هاربة _واش مالا فهميني _هادو امور يخصو راجلي ماش تاعك حاجة باينة نهزهم معايا _قرب مني كتر .واقيل ديتيها في روحك وحابة تدي رزقو كامل .شوفي ....._لقيتو سكت ويركز فيا وعاقد حواجبو وحط يدو في وجهي ويدور فيه_وشبيه وجهك تاع من هادو صباع ليمطراسيين _(تفكرت بلي صح أصيل خلى لاطراس تاع صباعو في وجهي ورقبتي ودراعي _أنطقي واااش راني نشوووف_ماعلاباليش واش راك تهدر ادا حاب دراهم راهم قدامك اديهم وروح _نن نتي بيك حاجة .ديراكت خطف يدو ونحالي الخمار _ايييه واش دير بعدني _حكمني يديا لزوج وعاد يفيريفي بعينيه من فوق لتحت مرة يركز مرة يوسعهم _وجدان هادو ليطراس تاع يدين شكون دارلك هكدا !!_انا درت روحي هكدا انا حبيت نقتل روحي مايهمكش فيا _اواه ماتلعبيهاش عليا هادي ماش تاع يديك هادو ليطراس تاع كاش واحد لا يكون كاش راجل راه يجي عندك .ديراكت خبطني بكف ورجع يشوف ليهم ويسقسي و يخبط في راسي للحيط عييت نستوعب كلامو وحركاتو ليكلها عنف عييت نتقوى عليه بصح كنت ضعيفة غلبوني وهزموني كانو غير أصواتي تشكي لربي سبحانو _كيتعب طلقني من يديه طيحت فالأرض فاشلة وصوتي رجعت بسيف نخرجو تقريبا نخرج في آهات غير مسموعة _هبط لعندي وطلعلي راسي ليه وبدا نفس الفيلم يتكرر معايا وهاد المرة مع نضال .جات نسرين ويماه يحوسو يفهمو واش كاين من صوتي ليكان عالي _قولي شكون لي جاك لدار اهدري شكون؟ واحد من خاوتي قولي؟اهدري قولي كلمة _هززت براسي هادا ماقدرت ندير _تباني ماش راح تهدري بصح درك نطقك بسيف وتقوليلي _تقدرو تستخايلو واش دار معايا للأسف كركرني من شعري وسحتني من شمبرة وخرجني من دار من باب لي لداخل كيوصل لدروج هزني من دراعي وانا كنت فاشلة غير نطيح رجليا ماش هازيني الضربات تاع راسي ضروني وأثرو عليا .كيماحبيتش نمشيلو رجع من جديد كركرني فالدروج من فوق لتحت رجعت نحس بلحمي مدقدق وهو يمشي ويعيب برجلو ونسرين كانت تدافع عليا وتبعد فيه بصح يماها فلأخير حكمتها ومنعتها تزيد تقرب مني .دخلني لشمبرة تاعو ورماني للأرض كنت اول مرة ندخل لشمبرتو كانت كلها رمادي .راح ديراكت للبيسي شعلو وكانو لزوج فوق راسي .ياربي زوج دقايق وسمعت يماه قالت شكون هادا رجع ليام ليفاتو وكيفاه نتا ماشفتهمش _شفتو كيراح خرج ختو وغلق الباب وهيا بقات تبكي وتقولو حرام عليك ماديرلها والو _ هجم عليا وقفني كيف الحيوان من رقبتي وخلاني معلقة بيديه _شكون هادا ليكان يجيك فليل وآخر مرة جاك قبل لبارح شكووون _كنت راح نتخنق من يدو ويماه قالتو اطلقها راح تقتلها _طلقني على سرير تاعو وعاود قعدني وضربني كف _شكون هو شكون ليكان يجي عندك انطقي ولا ليوم نموتك _ماعلاباليش ماجاني حد _هو بقا يسأل وانا ننكر ماقدرتش نقولو أصيل ساعتها حتا هاداك مانسلكش منو تحرقت من زوج جيهات_وجدان آخر مرة نسقسيك شكووون هو _موالفين يطبطبو بصح مافتحش الباب _يالكلبة الكاميرا مبينة كلشي وكان عندو المفاتح ويدخل ليك في نص الليل ادا واحد من خاوتي أهدري ؟(زدت تصدمت مع روحي كيقال الكاميرا لتم فهمت قصدو يعني كلشي رجع ضدي وبالدليل )  .
#جاااام
الحلقة 6
بقلم لينا صبرينة
نطقت ليه يماه. لالا ماش خاوتك هادا الكور تاعو ماش كما هوما ولادي ونعرفهم _وجدااان انطقي _ماش عارفة انا كل ليلة نشرب دواء باه نرقد _بديتي تكدبي قبيل قلتي يطبطبو وماتفتحيش ودرك تقولي كنت راقدة بدواء _مرات مانشربش ونسمع _اوك نقولو أمنتك مالا ليطراس لي على وجهك تاع واه_تاعي _كدابة كلبة ساقطة ماتحشميش تدخلي فالرجالة في نص ليل وتراب قبر راجلك مانشفش يالرخيسة راكي تستغباي علينا و الكاميرا مبينة بلي كان يدخل ليك بصح وجهو مغطي بالشال والكاسكات والكبوسة بصح ليوم نخليك تقولي شكون بسيف عليك .امي روحي لفوق جيبيلي ثلفون تاعها _هيا خرجت وهو انفرد معايا بقا غير يستجوب فيا حسيت روحي في تحقيق تعامل معايا بكل قسوة .سيرتو كيروح يشوف الكاميرات ويرجعلي حاولت ندافع على روحي بكيت ندبت بصح ماسمعليش حتا يماه وماحبش يزيد يفتحلها الباب ورجع رماني فالأرض وضربني ضرب همجي ومبرح بيدو وآخر ضربة شاف ليا وهز رجلو صحيحة و ضربني على ضهري حسيت بيها الموت دخلتني عيط عيطة قاوية تمنيت فيها والديا يسمعوني تمنيت نستنجد بيهم تمنيت بزاف امور باه ينقدوني منو .راح فتح الباب ودخلت يماه ونسرين شافو معايا وتخلعو وليت مانشوفش فيهم مليح صورتهم تضببت وصوتهم غير تبعد وتقرب وواحد حطلي راسي في حجرو وسمعت كلمة من نسرين كيقاتلو راهي تنزف __من وراها هزوني كنت مرات نفطن مرات نتغاشى حسيت كيلبسولي وكيكنت فالطونوبيل ومرة على مرة نسمع صوت نساء يهدرو فوق راسي من وراها ماش شافية مليح كيفطنت مليح وفتحت عينيا لقيت روحي في كلينيك عرفتها من الاسم ليمعلق مقابلني فالحيط وانا متكسلة وسيروم في يدي_بقيت ساعة وانا على نفس الحال نحاول نسترجع قوتي شوي ودخلت عندي طبيبة _حمدلله على سلامتك تحسي روحك مليحة _هززت براسي برك _الضربة جاتك قاوية وضرتك قالي الميسيو نضال طحتي من دروج بصح حمدلله البيبي عايش _عقدت حواجبي وتقعدت واش من بيبي؟؟!_ايه مادام مبروك عليك عندك شهر حمل _اااه شهر نتي متأكدة؟؟_ايه متأكدة درنالك الايكو وليزاناليز كلشي يدل بلي عندك شهر حمل المهم نتي تهلاي في روحك درك حملك رجع في خطر ونزفتي من الطيحة _اصبري مادخلتش في راسي بلي انا بالحمل موحال هادي _علاه موحال عادي راكي متزوجة_(لخبر هادا خلى راسي يدور في دوامة صدمة الف فكرة جاتني في راسي مادام شهر يعني اصيل دارها بيا بلا مانفيق وادا صح هنا تكون آخرتي ) _جات تخرج حبستها _دقيقة ياك ماقلتيلهم والو تعيشي ماتخبريهمش_اسمحيلي راجلك علابالو خبرتو _وسعت عينيا .شكون راجلي _ليجابك الميسيو نضال ياك راجلك _هززت براسي _حاسة بيك ماكيش مصدقة كلامي ادا تحبي نديك للبيرو ونديلك ايكو قدامك وتشوفي _ايه ديري فيا مزية _عاونتني لبست وداتني معاها للبيرو وكانت معاها فرملية هيا دارتلي الايكو وزادت صدمتني كيقاتلي الفرملية مبروك عليك مادام البيبي عمرو قريب 5 أسابيع _وليت غير نبكي ونخبط في راسي وصورة سامي بين عينيا ونقول والله ماخدعتك يالغالي غدروني وحطموني داروها بيا وانا ضعيفة ولا حول ولا قوة سامحني يالغالي سااامحني .دخلت في حالة هستيرية من لبكى وهوما مافهمو والو فيا بسيف تهدنت_القصة كاملة موجودة في صفحة قصص لينا صبرينة_رجعوني لشمبرة سقسيتها وينهم ليجابوني _مانعرف بصح علابالهم حتا تخلصي سيروم في يدك باه تخرجي _هيا خرجت وانا قعدت نرجف و نبكي بحرقة و نندب وحدي على الحصلة ليوقعت فيها الله لا تربحك يا أصيل ربي يجيبهالك في صحتك مافيكش ذرة إنسانية خدعتني يخدعك ربي ياخاين ياغدار ولد حرام الله لايشوفك في نهار مليح ربي ينتقم منك واش ندير درك في هادي المصيبة ليطيحني فيها هاداك الشيطان باينة راح تحرقني وحدي لازم نلقى حل حتا ثلفون ماعنديش بصح حافظة نيميرو تاع يما نشوف ثلفون تاع كاش طبيبة ونعيط قبل مايجو ليا _نضت نخرج لقيت نضال دخل وفي يدو ورقة بقا يشوف ليا شوفة الموت غلق الباب خبطها وقدم ليا على قد ماقدم على قد ماوخرت لور _بنت لحرام خويا كان متزوج زانية وهو مسكين راقد على وذنيه _انا زانية ؟_ايه زانية فاجرة وساقطة وولد لحرام لي في كرشك هو الدليل أمشي معايا لدار ولتم نتفاهمو ملييح عليها وحسابك راح يكون كبير _نضال انا مادرت والو مادخلت حتا واحد عندي صدقني تعيش .
#جااام
الحلقة 7
بقلم لينا صبرينة
كيفاه حابتني نصدقك وولد حرام هازيتيه في كرشك منين راح يجيك كون مازنيتيش_ماتقولش هادي الكلمة انا عارفة روحي ماغلطش _وراجل ليجي ليك فليل شكون هو ؟؟_(سكت ومالقيت مانردلو مانقدرش نقولو أصيل متأكدة هاداك  رخيس راه يستنى في غلطة مني ونضال كون يعرف بلي هو ساعتها اكيد راح يزيد يشحن عليا ويندمني ونسلكها أضعاف )_جاوبي علاه تسكتي رخيسة وماتحشميش _صدقني ماعندي حتى ذنب راني كنت نشرب فدواء ماش عارفة _حكم يدي .الهدرة فدار _وليت غير نحرك في راسي بلالا ونحيلو في يدو مانروحش معاك خليني وحدي _علاه نخليك باه تعيطي للكلب تاعك يجي يديك _لالا خليني انا نروح للداري نتا مايهمكش ادا صادقة في كلامي ولا نكدب درك نروح ونعيط ليما اصلا غدوا جاي عمي يديني _طلعلي حواجبي .صااار غدوا جايين يعني صح كنتي راح تهربي _واش من هربة يهديك ربي قتلك رايحة لبلادي عند والديا _وهادوك ليدوسي ودراهم علاه تديهم _سماح مانحتاج والو منهم برك خليني في حالي _هجالة علابالك بلي طلعتي رخيسة من لكبار بصح لمزية فقت على خدايمك المعفونة امشي معايا نوصلك ومن تم طيري لبلادك _كيقال هكدا على الأقل رتاحت بلي ماش راح يعارض طريقي _خرجت معاه للطونوبيل لقيت جواد داخلها هو لي يسوق ركبت من لور بسيف مع طونوبيل عالية ولحمي وظهري مدقدق ونضال غير ركب شفتو قطع ورقة رماها برا ورمى عليا ورقة خلاف _هاديك لوردونوس تاع دواء قطعتها باسكو ماتستاهليش نداويك _هزيت هاديك الورقة ليعطاهالي كيقريتها لقيتها تاع ليزاناليز من غشي والغصة لي في قلبي كرفستها بين يديا ومن تخمام ماحسيتش حتا لقيت روحي وصلت هبطت وكان لازم عليا ندخل لدارهم معاه باه نطلع لداري ماعنديش المفاتح .رحت جيهة الباب باه نطلع لقيتها مغلوقة بالمفتاح دورت لنضال وجواد .علاه غالقينها فتحوها باه نطلع _ماعندك حتا طلعة لفوق وماعندك حتا روحة من هادي لبلاد _تتمسخر بيا نتا ؟_كان يمشي ويقدم ليا ويهدر .وحدة كما نتي تلعبيها علينا حسبالتلك تسلكي منها ومانحاسبكش على عملتلك السودا _نضال من لخر انا هادا الحمل ماش عارفة منين جاني ونتوما ماعندكم حتى حق تحاسبوني خلوني نروح في حالي _علابالك وجهك صحيح وديقولاص .لقيتو خبطني كف وحكم يدي ومشاني بالقوة معاه لشمبرتو وخليت مورايا جواد ونسرين ويماهم يتفرجو مادارو حتى ردة فعل .دخلني وغلق الباب _واش تحتاج مني حرام عليك _سامي تخدع فيك كيكان حي ومادام مات انا هو المسؤول عليك ونحاسبك على عمايلك السودا_نتا مريض ولا واش في مخك علاااه تحاسبني شكونك نتا اصلا ضرب ليخديتو من عندك ماش راح ننساه وانا لينحاسبك عليه كونك راجل وخليني نروح _سكري فمك راني نريبو ودرك نحبك تقوليلي شكون ليكان يطلع عندك وكون تبداي تكدبي والله نخليك تشوفي نجوم بين عينيك اهدري شكون هو _قتلك كنت نشرب فدواء ماش عارفة حتى حاجة ماتبقاش تسقسي فيا _وجدااان كون نكرر سؤالي وماتجاوبيش ماتلومي غير روحك _قدم ليا ونحالي الحمار من راسي .وهادا علاه لابسة فيه دايرة روحك شريفة ونتي وحدة زانية وعاهرة هيا اهدري شكون هو ووين نلقاه؟؟ _مانعرفش مانعرفش صدقني ربي يخليك ارحم ضعفي وأسترني حرام عليك _القصة كاملة موجودة في صفحة قصص لينا صبرينة_بقا يسأل وانا نفس الجواب وكل مرة يضرب في وجهي بلكفوف ماقدرتش ندافع على روحي كل خبطة على وجهي صح نشوف منها نجوم بين عينيا مارحمني ماشفق عليا لا والو كنت فريسة ليه وطرافي فشلو من الضرب تاعو والدم يسيل من نيفي وفمي وماطلقني وغير وأنا شبه ميتة .
#جااام
الحلقة 8
بقلم لينا صبرينة
خرج وبقيت نسمع في أصواتهم بصح ماعنديش قدرة نوض بقيت مرمية فالأرض .سمعت صوت آذان بصح ماش عارفة ادا مغرب ولا عشاء .شوي وجات عندي نسرين قعدتني وتمسحلي في وجهي بالماء _وجدان افطني تعيشي ختي شوفي ليا _استريني _ناضت جابت الخمار حطتو على راسي _هيا اشربي شوي ماء وكولي _شربت شوي ماء وكنت قاعدة فالأرض وحطيت راسي على سرير وشفت ليها_نسرين هاتليلي ثلفون تاعك _واش ديري بيه _نعيط ليما باه نوصيها لازم غدوا يجو ليا وسور درك راهي مقلقة عليا ماعيطتلهاش _درك نروح نجيبو ونجي بصح خبريني قبل طفل لي في كرشك منين جاك شكون هادا راجل ليكان يجيك _صدقيني ورحمة سامي لي فالقبر ماعندي حتى ذنب استغلوني وشوهو صمعتي واتعداو على عرضي _بصح مصيبتك كبيرة وكون خير تروحي وتحليها ونتي مع والديك درك نجيب ثلفون ونجي ونت كولي شوي _هيا خرجت وانا بقيت نخمم كون تعرف بلي طليقها ليتعرضلي وعمل خدمتو معايا أكيد تكرهني وتحقد عليا _كيجات غير مدتلي ثلفون لقينا نضال دخل جبدها من شعرها ويشتم فيها وخرجها برا وزاد جاني نحالي ثلفون ولبلاطو تاع الماكلة ورماه برا فالكولوار _هزي خماجك وطيري من تزيدي تقدمي ليها ننحرك واحد مانزيد نلقاه عندها _غلق الباب وقدم ليا نحالي على راسي  قطعو _نزيد نشوفو عليك نخنقك بيك _حرام والله حرام عليك وراح تتحاسب عليها وكيلك ربي يا لي ماتخافش ربي _نزل على ركايبو عندي وحط يدو على راسي _علاه لحرام ليدرتيه نتي ماشفتيهش مادامك سلمتي جسمك بلحرام تقدري تسلميه ليا ثاني _غير قالها قلبي رجع يضرب فالألف وتهلوست خطفت روحي ماعرفتش منين جاتني القوة و كيفاه نضت .بعدني انا جامي ندير حاجة حرام وادا صرات فكانت وانا فاقدة الوعي وبلا رضايتي  _بقا يشوف ليا من فوق ولتحت ويتبسم _نضال تعيش راني نحاول فيك خاف ربي فيا وخليني في حالي _بصح انا لازم نحاسبك ولازم نعرف شكون ليكان يجيك فليل وماش حابس عليك حتا نعرف_ماعلاباليش افهمني انساني وانسى لي شفتو وسمعتو انا ماعندي ختى ذنب _ماش بساهل نخليك وغدوا كيجو والديك نبهدلك معاهم _واش ناوي تخبرهم ؟؟!!_لالا تعيش رد بالك ديرها مالازمش يسمعو واش صرا خلي هاد لحكاية غير هنا هادا شرفي وعرضي كون يسمعو راح ندمر  _ادا ماكيش حابة نخبرهم فلازم عليك تقبلي بشروطي _(تنهدت كنت عارفة راه يهدر شروط صعيبة )  واش شروطك _أولا كيجو غدوا ترفضي تروحي معاهم وتبقاي عايشة هنا معانا في هادي دار وفي هادي لاشومبر وثانيا بعد ماتفوت العدة تاعك الباطلة تتزوجيني بشكل رسمي شرعا وقانونا لانو الخدمة تاعي راح نحبسها وراح ندير السبة برجلي مانقدرش نواصل فالخدمة وثالثا كلشي خلاه سامي من ورث تتنازلي عليه بإسمي _(كما توقعت عرفتها) .هززت براسي قابلة نتنازل بصح ماتقدرش نتزوجك وانا بالحمل _علاه ناوية تجيبي ولد حرام هادا للحياة اصلا يعتبر لقيط غدوا نجيبلك دواء تشربيه باه يطيحلك وتتهناي منو _نتا في عقلك حابني نقتل روح في كرشي _كل مرة تأكديلي بلي باباه تعرفيه وراكي غير تكدبي اصلا يدي راهي تاكل وناوي نكمل نزرق وجهك _ماش هكدا بصح هادي روح وادا قتلتها راح نتحاسب عند ربي وندي إثم راهي حرام _مالا تتحاسبي فالحياة وتشوفي كل أنواع العقاب مني ومن والديك ومن المجتمع _نضال أرحمي شوي _رحمة عندي ماكانش ياتبعي واش قتلك ياغدوا كيجو نخبرهم كلشي وتتفر غير فيك وتبقاي بين يديا نعصرك بصح كون تقبلي شروطي نعيشك معززة مكرمة زمن فوقها تشربي دواء تطيحي البيبي واش قلتي _سكت زمان وتحسرت وتألمت وفالأخير وافقت على كلامو وفي راسي لازم عليا نتغدا بيه قبل مايتعشى عليا_صاحيتي هكدا نتفاهمو  _قدم ليا وقربني ليه بالقوة _وجدان نتي ماتفرقيش بين لحلال ولحرام واش رايك في هادي دقيقة وفي هادي لاشمبر وفي هادا سرير نتمتعو ببعضنا شوي وتكوني العا #رة تاعي  _بعدتو عليا بالزور وخبطتو .حيوان رخيس .رحت للباب نفتح بصح مغلوق بالمفتاح وليت غير نخبط ونعيط باه يجو ليا ينقدوني منو بصح لا حياة لمن تنادي _ماتقلقيش روحك حد ماراح يجيك .زاد قدم ليا _بصح انا ماش راح نقرب ليك درك لأنك راكي موسخة نحبك تنضافي باه نعرف نتمتع بيك مليح .راح تبقاي محبوسة هنا حتا لغدوا كيجي عمك تعفطيه من دار بلا حس منك ومن وراها نضفو وساختك ونتفاهمو على حياتنا بصح ...._لقيتو سكت _المهم حسابك ماش راح يخلاص غير مؤقتا وكونك عاقلة وخلي حسابك يكون خفيف.
#جااام
الحلقة 9
بقلم لينا صبرينة
خرج وغلق عليا الباب وبقيت مقهورة ومضلومة وحدي غير ربي ليعالم بيا نضال وأصيل لزوج مارحمونيش ودرك حتا هاداك لمريض كيمايلقى مني حتى رد أكيد راح يزيد يعقدها كتر ولحد الآن ماش قادرة نتوقع واش قادر يدير أصلا راسي فيه دوامة صدمات ودوخت أفكاري وشتتهم بصح متأكدة راح نتحرق من كلا الحالتين  لكن الحل ليعندي اني نخطف روحي ونهز كواغطي ونروح وحدي لبلادي بلا مايفيقو بيا ومبعد نحاسبهم بالواحد _انا نهدر مع روحي بصح دموعي راهم يجريو على خدي الصدمات ليتقتيهم واحد مور خوه خلاوني مانعرف قوتي من ضعفي  وماخلاوني نحزن كيف الناس وفوق كلشي محبوسة بدمي وجروحي مع روح بريئة في كرشي الله يذلكم وحسبي الله ونعم الوكيل فيهم __لغدوا جات ليا يماه فتحتلي .روحي تغسلي وجهك المندوب ولبسي هادي الجبة نظيفة قبل مايجو ليك _خرجت رحت لدوش وكانت مورايا لاصقة كيف العساس وماخلات كلمة ماقلتهاش عليا غير شتيمة في وجهي _كملت ولبست خمار من عندهم ماخلاونيش نطلع لفوق وزيد قعدتني معاها فالصالون حسيت روحي مسجونة ونسرين جابتلي ناكل وتحتملي .شوي ودخل نضال مع خاوتو زوج جواد وفؤاد شافو ليا لزوج بلا هدرة وخرجو ونضال نطق_وجدان تحبي نعاودلك شروطي بالاك نسيتيهم _هززت براسي لالا _هنيتيني مالا كما تفاهمنا. خرج ونسرين قاتلي واش هوما شروط احكيلي ويماها سكتتها .بقيت نشوف معاها بكره وغل خرجتلي شيطانة ماتعرفش الرحمة وكما خلاها هدرة سامي قالي ماتنخدعيش الوجوه راهي اصطناعية وخداعة ظهر عندو حق كان حافظهم  _كل هاديك ساعة وانا قاعدة ومتوترة ومقلقة ومكدبة وقتاه نشوف واحد من فاميلتي على الأقل نشوف فيهم الأمان بالاك يحسو بيا بقيت نخمم ادا حكيتلهم واش يصرا راح يأمنوني ولا يكدبوني بصح من الأحسن نسكت خير ومانحط ثقة في حتى واحد من غير نفسي _كيخرجت نسرين نطقت شيطانة .أسمعي نتي كيروحو والديك تتنازلي على حقوقك كامل ومن تم نمدلك أوراقك وتروحي مانزيدش نشوف وجهك بصح خليها بيناتنا بلا مايسمع نضال مايشرفنيش تزيدي تقعدي مقابلتني وتتزوجي بنضال بعيد الشر مافدتيني بوالو من جبتيلي لداري غير النحس ومرضتيلي وليدي وغربتيه عليا وقتلتيه ودفنتيه تفوووه عليك ساقطة رجعيلنا حقنا وطيري فهمتي  _هززت براسي ايه وانا مستحقرتها لدرجة كبيرة بصح ربي كاين راح يحاسبها وكما تدين تدان _شوي وطبطبو فالباب تخطفت خرجت من صالون حبسني نضال أصبري وين هايجة هكدا _راحت يماه فتحت لقيتهم عمي وسالم كما توقعت غير شفتهم ترسمت ابتسامة في وجهي وأخيرا ريحة والديا وريحة بلادي وريحة الطمأنينة _انا هكداك ونضال قالي بصوت واطي _ماتفرحيش بزاف راني قاري أفكارك بصح ماش راح نخليك تلعبيها عليا وراح نسبقلك الأحداث ونهنيك _فالأول مافهمتش ورحت ستقبلت عمي سلمت عليه وسالم لحت عليه السلام وعمي كيشاف حالتي قالي وشبيه وجهك واش صرالك ؟؟ _جيت نهدر سبقني نضال _مابيها والو من غير طاحت بصح عندي هدرة معاكم لزوج اتفضلو ونحكو _نضال هنا نزع مني كلشي نملكو وسبق هو تغدا بيا وخرجلي خرجة ماكنتش متوقعتها وأمور لم تكن في الحسبان وردة الفعل أكثر مايقال عليها قاسية .
صفحتي الرسمية على فيسبوك بإسم (قصص لينا صبرينة Lina sabrina)