HUG ME!

CHAPTER-9 (LAST)

Sawmsanga's pov:

Kawngkaa Alex-a nu lo ding reng ka hmuh chuan ka insiam rem nghal,ka hlauthawng nghal viau,hetiang hi ala thleng dawn tih chu hre tho mah ila alo thlen chiah hian hmachhawn dan ka thiam lo ani.

"Laltlanhlu enge ka thil hmuh kha awmzia" Nu Sawmin a tih chuan Alex-a chu alo phat nasat ka rin tehreng nen "I hmuh ang khan nu Sawmsanga nen hian kan inngaizawng" a ti ta mai,hawi pawh ka hawichhuak ngam tawh lo,Nu Sawmi hmel hmuh chu ka hreh ngawih ngawih a ni ber.

Alex chu ka va sik vak ringawt zawi te hian ka beng bulah "Thleng vek law law rawh se" a rawn ti sap.
Hriatchhuah hun an la nei dawn tih hre sa reng chunga inngaizawng kan nia lawm le.

Nu Sawmi chuan "Thil pawi tak anih kha mipa lehnghal ava han zahthlak tak" a ti bawrh bawrh tawh mai si,tawng pawh ka tawng ve ngam tawh lo.

Alex-a chuan "Nu in la hre dawn tih hre sain ka inngaizawng,kan inhmangaih a,min then hrang thei chuang lovang" a tih chuan Nu Sawmi chu a thinrim hmel tawh lutuk ringawt "Inthen ru inthen vat ang che u,in inthen vat loh chuan a pawi thui dawn khawp" a rawn tih leh chuan kei chuan "Nu Sawm khawngaihin min then hrang lo hram rawh" kalo ti leh,min rawn melh pah hian "Sawma ka rin ang ilo ni lo khawo mai,i nu tikhawp hian kan inkawm ngeih a,hetiang i tih duh kalo ring lo a" a rawn ti ve leh.

Skip

In ka thlen chuan ka nu chu thutthlegah alo thu tum bar,engkim a hre vek tawh ang Nu Sawmin a hrilh vek tawh tlat,a hmel hmuh pawh chu ka hre ngawih ngawih tawh. "Bawiha lo kal teh" tih pah hian min rawn en a,kei pawh chuan va pan hnaiin a bulah chuan kava thu a, "I nu Sawmi min hrilh kha ka awih lo a,ani tak tak lo tiraw" a rawn ti dam dap,ni e mahni anpui kawp hi chu ka chhungte hian an duhlo khawp mai,Emily tih loh chuan.

Ka nu chu enin "Nu a sawi dik" kalo ti sap,ka mitah tak rawn en pah hian "Inthen rawh u,i hlimna chu ka duh lutuk mahse ka huat zawng chu i htiat kha" a rawn ti a,mittui tling pam hian "Nu aih min then hran tum tlat suh u,mipa veve mah ni ila kan inhmangaih ve tho alawm,nang tak chuan min hriatthiam ka lo ring asin" ka ti sap sap,"Aih a theihloh,inthen ula ani mai" a rawn tih leh chuan ka room ah ka lut ta daih.

Mutnaah chuan ka inngaihtuah rauh rauh,zanriah pawh kha ka ei lo ania,ka ril chu a tam ve khawp mai,Emily nen chuan kan inbe tawh a, "U in inhmangaih na hi ka hrechiang lutuk mahse in tan chuan inthen a tha zawk ang" a ti nih chu mawle,ka ngei ve lek lek alawm.

End of Sawmsanga's pov

Alex-a chuan then chu a tum lo bur,tunah pawh hian a ngai lutuk,mahse a nu in a phone a laksak daih si,chhuah pawh a phallo,ngaihzawng chu lo nei ve nual tawh mah se Sawmsanga ang em ema duh leh hmangaih hi ala nei ngai tlat lo ani.

A nuten an hriatchhuah atangin ni thum lai a liam tawh,an la inngaihtuah tawn ve ve a,an ingai em em bawk,inbiak a rem silo.

Alex-a chu a room tukverh atang chuan engtin tin emaw a chhuak ru thei hram,kawngpui a thlen chuan a mi hmuh hmasak ber chu phone hman a dil tawp,alo phal chuan la vatin Sawmsanga number chu a call nghal.

Sawmsanga📞:Hello

Alex:Sawma inhmu ang

Sawmsanga: Aw khawiah

Alex:Park ah tunah

Phone chu a dah nghal,park lamah chuan chak fein a kal nghal a.

An inhmu chu an inngaih tawh lutuk avangin an inkuah nghal vawng vawng,midang an awm lem lo bawk nen,an inngaih thu chu an inhrilh pah mawlh mawlh bawk.

Alex:I chhungte leh ka chhungte chuan eng pawh sawi se,ka then dawn chuang lo che tih i hria tiraw

Sawmsanga: Aw ka hria mahse tih ngaihna a awm tawh lo Alex
(Sawmsanga chu a mittui a tling piau tawh)