روح تراني طايب النفس مابغاك حكم طغى ماعاد ينفع نظامه

البارت ٢٣

صف سيارته ومسك يدها
نزلت نظرها لأياديهم المتشابكه ينزلون
خذت نفس من دق الباب وفتحته العامله
راحو للصاله يشوفون تواجد الكل ماعدا توق ورعد
اسر : السلام عليكم
ردو الكل عليه السلام وناظرتهم ساميه بأستغراب
ساميه : وش تسوي معك ؟؟
ناظرو اسر وتوليب بعض ورفع اسر يده الي ماسكه يد توليب
اسر : انا وتوليب تزوجنا مرة ثانيه
حلت لحظة صمت قاطعتها وقفة ساميه المذهوله
ساميه :  عقلك معك وانت تقول ذا الكلام ؟
اسر : وبقوة بعد
ساميه : وبدون ماتستشير احد يا اسر تروح وتتزوجها توك مطلق زوجتك
قلبت توليب عيونها بملل
توليب : تزوجنا خلاص وش الي حار دمك قوليلي فضفضي يمكن اساعدك
ساميه : انتي كيف راضيه بعد ماخليتيه يطلق زوجته رحتي تزوجتيه ماتستحين
توليب : من يتكلم الي فرقت ولدها عن زوجته وكانت مستعده تخلي حفيدها مشتت ، بس ذي المرة ماراح اسكت لك حاولت اعاملك بالطيب بس مانفع معك
والحين ممكن تبعدين نبي نروح نرتاح
اشرت له بعيونها يمشون وبالفعل توجهو للدرج يرقون
لفت ساميه تناظر وجه حوريه المحمر من الضحك وتغريد الي تحاول تكتمها
ساميه : بلا قلة ادب تشوفونها تتكلم معي كذا وساكتين انتو واخوكم
رانيا : يا بنت الحلال خليهم بحالهم كبار ويعرفون وش يسوون
ساميه : خالتي بس ما استشارني ولا كلمني
ملهم : يمه هو بزر كبير كلها كم شهر ويدخل الثلاثين يعرف يفكر
ساميه : انت اخر من يتكلم تزوج وخلف بعدين نشوف وش بتسوي
وقف ملهم يرفع يده بأستسلام : استأذنكم  انا
كانت امه بتتكلم بس هو ركض للباب يطلع منه

دخلو توليب واسر للغرفة والي ماتغير فيها شي من يوم راحت
انسدح على السرير يطلع جواله اما هي خذت شنطتها تدور مفتاح السيارة
رفع نظرة لها بأستغراب
اسر : وين رايحه ؟
توليب وعيونها على شنطتها : والله يا استاذ انت جايبني بدون حتى اغراضي بروح اجيبها
اسر : شوفي حوريه ولا تغريد يعطونك وبكرة نروح
توليب : مايحتاج كلها ساعه بالكثير واجي
طلعت بدون ماتسمع ردة تنزل
تشوف ساميه ونظراتها تتجاهلها فتحت الباب الا تشوف توق ورعد توهم نازلين من السيارة
ناظرتها توق تبتسم وتروح تسلم عليها
توق : كيفك يا عيوني
توليب : الحمدلله وانتي ؟
توق : الحمدلله ، ليش مختفيه صاير شي ؟
توليب : بروح الحين البيت تجين معي واقولك
توق : تمام
لفت على رعد تأشر له انها بتروح مع توليب وهو فهمها يهز راسه
مسكت يدها يروحون عند قصر ال حميد يركبون السيارة
خذت توليب جوالها ترسل للبنات رساله وحطته تشغلها وتتوجه لبيتها
___
وقف فارس سيارته يرفع نظرة على ميس وتميم من المرايه
فارس : وصلنا
هزت راسها ميس تفتح الباب تنزل وبعدها تميم وقبل ماتسكره ناظرته
ميس : ماقصرت شكرا
فارس : ماعليك انتبهو على نفسكم
هزت راسها تسكر الباب ومسكت يد تميم يدخلون البيت
رفع نظرة للمرايه يشوف ابتسامته
فارس : وشذي الابتسامات يا فارس اعقل
___
كانت بغرفتها وترتب اغراضها تحت صدمة البنات
رغد : يعني الحين انتي زوجة اسر خلاص
ولاء : ول ماتوقعت يعني لما شالك على كتفه توقعنا مناقرة عاديه بس صارت وتزوجك ولا قعدتو بالمزرعه اختفيتو
توق : ماتنتركون لحالكم انتو  صارت اشياء من وراي
حطت توليب اخر ملابسها بالشنطه تتخصر قدامها : وانتي بعد ماقلتي لنا وش صاير لرجلك
توق : ماصار شي بس كسر بسيط
ضيقت عيونها بشك تتنهد وكملت : جرح يوم نطيت بالبحر
رغد : موب هينه انتي ووجهك كيف تنطين
توق : وش اسوي يعني ماقدرت ، بس يابنات التقرير يصدم معقوله كانت هي وامير متزوجين ؟!
ولاء : متوقع منه اي شي ذولي جماعه وصخه ، مالنا الا نستنى بيلين تقوم وتقولنا كل شي
توليب : احس تعبت ابي نخلص ونفتك
رغد : اسمعي خذي لك كذا شاور حلو ترتاحين فيه ونطلب لنا اكل نسوي جلسة حلوة بيننا زي قبل ولما نخلص نرجع
طلعت ولاء جوالها تدخل تطبيق وقالت : صادقه بطلب اكل وانتو انزلو سوو فشار وخفايف الين يوصل العشاء
هزو روسهم وخذت توليب لها  طقم ترينق باللون البيبي بينك تدخل الحمام
فتحت المويه الحارة وبدت تداهمها افكار كثيرة ومنها كيف بترجع تتعايش مع ساميه واسر خصوصا مع تضارب مشاعرها
___
كانو العيال ملهم واسر ورعد وماهر ومحمد وعبد السلام وهاشم وادم وصالح واياد ونواف وفارس بالمجلس بدون الكبار
عبد السلام : يعني الحين رجعتو نسايب ؟؟
ماهر : بالضبط
محمد : وخالي وش كانت ردة فعله ؟
اسر : استقبلها بكل صدر رحب ووافق على طول نتزوج وشرحت له شوي اشياء واقتنع
ملهم : ياسلام رعد واسر دخلو القفص مين باقي ؟
صالح : انا باقي تخطب لي ؟
شرق بالشاهي يسمع ضحكهم عليه
محمد : تفوقت عليه يا صالح
فارس : شوف وجهه كان بيقولها بس صالح سبقه
عبد السلام : لوسمحتو انا المتخصص بالتنكيت
هاشم حط يده على راسه بصداع يمسكه : طول اليوم بالدوام ينكت وش بتسوي بالمتدربين الي بكرة بيبدون
عبد السلام بثقه : صدقني الي معي بينبسطون بخليهم يحبون الدوام ويتمنون انه مايخلص بس انت الله يعينهم بارد برود الارض
رفع هاشم حواجبه من ثقته يناظرون ادم الي مسك الريموت يحط لهم مباراة
ادم : اقول اسكتو بس ناظرو المباراة
رعد : جدي بكرة حاط عشاء
اياد : وش المناسبه !
رفع كتوفه بعدم معرفه يناظر الشاشه