🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف الشويع (بالحفيض)🌻
....جات جاهدة ونعمان كيجرو بدأت جاهدة كتغوت
جاهدة: ولدييييي حمديييي لااااا ولديييي ااااه ولدييي
طاحت عليه كتغوت ربي لي خلقها كتحرك فيه كان حمدي جثة هامدة طاح فالارض الدم دايز ليه من راسو ...الكل كيجري فاتجاه غرفة ... مصدمين من الطريقة لي قتل بها راسو ...في حين صفية وقفت شافت فشكري وكذلك فجاهدة لي كانت كتبكي بحرقة على فقدان ولدها ....تفكرت داك النهار لي كانت منهارة وكتغوت وحتى واحد محس بها وكفاش كانت جاهدة كتستهزاء وكضحك وكفاش لحت لها توب على قبل دفن ديال بنتها لي مزال بقا فعز شبابها ....تفكرت فاش كانت كترغب فشكري لي كان بحال شي حديدة قاصحة كلما جات تواجهو كيصدها ...تنفست من أعماق قلبها ونطقت
صفية: تحققت العدالة وربي خدا ليا حق بنتي منكم
شاف فيها اسماعيل وانطق
اسماعيل: صفية ؟؟!
صفية: اه ليوم غادي نهضر وحتى واحد مغادي يوقف قدامي ربي كبير وكما تحرقت على بنتي بسبب خوك وقصوحية قلبو ربي جزاه وحرق ليه قلبو فالمقابل على قبل ولدو والحمد لله ربي مكينساش الظالمين ...
جاهدة مزال غير كتبكي وتنوح على ولدها نورهان كتحاول تبعدها عليه باش يغطوه...اما شكري فتصدم مبقاش قادر لا ينطق ولا يبكي شاد فيه اسماعيل ونعمان مخرجينو برا ...
....يـــابــن ادم احذر وتوخى الحذرُ
لا تنبش عيوب الناس وكون للعيب ساترُ
استر من الاغلاط وحفظ اسرار اخيك فأنت بها أجدرُ
حتى لا يأتي عليك يوما ينجوا وتبقى أقدامك تتعثرُ...
لو اننا نقدرو نفهمو الحياة والقدر بطريقة صحيحة عمر شي واحد غادي يحاول يشمت فغيرو ولا يتشفى فغيرو ولا يأذي غيرو محيت ثقو بيا القدر غادي مبدأ واحد سميتو كما تدين تدان مهما هضرتي فشي واحد ايجي نهار لي يضحك عليك راسك وتخلي ناس يضحكو عليك مهما اذتي غادي يجيب لك ربي لي يأذيك مهما قهرتي غادي تلقا لي شربك من نفس الكأس محيت هذي هيا الدنيا وهذا هو القدر ذكي فرد الصفعات بشكل أقوى مما كنتصورو لهذا خليك انت ولا انتي على يقين به بدون منستهينو بغيرنا لأن الحياة طويلة بزاف وعندها اوبواب كثييرة ياما يتسدو فوجهك أو يتفتحو كاملين وعلى حسب طريقتك انت وحسن معاملتك
°°°°°°°°°
مرات الايام بسرعة ...شهد الدين تعافى واستعد صحتو وهد شي كامل بفضل حواء لي كانت مكرسة وقتها في رعايتو...حتى من نظرتو ليها تغيرت مبقاش كينظر ليها بديك الطريقة على أنها بنت بلا شرف بالعكس زاد حترمها وخصوصا أنها كانت كل ليلة مكتنعس حتى تعطيه دواء ديالو وينعس هو لول عاد تنعس ...أما بالنسبة لطبيب ابراهيم فجاء مرة أخرى من بعد ديك أليلة إلا أنه كان باغي يشوف حواء ساع مقدرش محيت حاولت تهرب من الوجود ديالو .....جالسين على مائدة الغداء مجموعين فرحانين حتى زهرة فرحانة وخصوصا أن ولدها ومراتو مبقاتش خلفات بينهم انطق شهد الدين
شهد الدين: اليوم غادي يجي عندنا واحد الضيف
زهرة: شكون هو الولدي
شهد الدين: الطبيب عرضتو لعندي محيت مصحت ليا فرصة باش نشكرو
حواء غير سمعت طبيب وهي توحل ليها ماكلة بدأت كتكح
عطها شهد الدين الماء انطق
شهد الدين: بشوية عليك معامن محاربة
شربت ابتسمت لهم
شهد الدين: وجدو شي صفرة تكون مرتبة اكي
زهرة: كون هاني اولدي
استأذنت حواء منهم طلعت لغرفة ديالها. سدات باب الغرفة كتمشي وتجي خائفة متوترة ....تحل باب الغرفة شافها متوترة قرب ليها بخطوات بمهل
شهد الدين: ملك ياك لباس
حواء: لا والو مابيا
شهد الدين:( شد ايدها ) ليوم بغيت نقولك شي حاجة اكي كان لازم تعرفيها شحال هذي
حواء حركت رأسها ليه ...قرب خطو منها شاف فيها هد الأخيرة لي دقات قلبها تسارعت من قرب ديالو هز رفع ليها وجها بصبعو شافت فيه بعينها وهو كذلك بقا شحال كيشوف فيها طبع قبلة فوق جبينها وخرج بدون حتى كلمة
تنفست حواء فرحنة بقرب ديالو ليها هد المدة كاملة رجعت كتحس بشي حاجة فقلبها تجاه الاغا وكأنه حب وتولد من جديد ...إلا أن هد الموضوع ديال ابراهيم نزع ليها فرحتها حاولت تهدن نفسها ...خرجت مشات المطبخ باش تساعد موهجة في توجاد الاكل للعشاء
يتبع
أنت تقرأ
(قصة بالدريجة المغربية)...⚜️plunger_الغواص⚜️
General Fiction⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
