طعنه في خاصره النسيان

البارت الثامن عشر

#طعنه_في_خاصره_النسيان
الڪاتبه ـ شمس النائلي

عمياء هي الثقة
ولڪن حين تبصر
تصبح ذات نظر حاد 
لأ تغفر خطأ
ولأ تلتمس عذراً...!!
ـ
ـ
ـ
دلهم
ـ ڪملت تغير ملابسها وۿو واڪف قريب عنه شبه تفصلنا فقط الأنفاس وهدوء المڪان خفت من مواچهته وقربه لۿل الدرجه.. شلتها بحضني عبرت من يمي استوقفني بڪلمته!

غياث ـ خليها هسـه تجي أمها

دلهم ـ ماشي علــىٰ فڪره ما قصدي ادخل غرفتكم بس ملابسها ڪلهن ماي بارده خفت عليها خطيه احجي هو ينفض دخان مصغر عيونه بعيوني ثولني بنظراته من إجيت لحد هسـه

غياث ـ إي

دلهم ـ إي مادري بروحي ليش بقيت واڪفه رأسآ مشيت سريع وهو بقه مڪانه خليتها يمه وطلعت نزلت الدرج صارت بوجهـي جمانه بقت متصنمـه

جمانه ـ دلهم أنتِ إۿنا وإشوڪت اجيتي؟؟

دلهم ـ اليوم إچيت عبرتها رحت الغرفه رتبت روحي أڪثر باوعت بالمرايا فد شي هسه تمام دلهم طلعت ساعدتهم صبينه العشه همه اخر الناس نزلوا بس وجهه ما يكصه سيف معبسه ڪعدت بصفه واني جهالي بصفي اوكلهم وهيه تكلب بنعمه الله مثل الجاهل صاح بيها ڪلهم إنتبهوا عليهم وديعه غمزلتي معناها الأمور مو تمام برجعتي..

غياث ـ ما تأڪلين؟؟

جمانه ـ چاي أڪل

فاضل ـ يمعودين شبيڪم چنتوا شحلاتڪم وأنت علــىٰ ڪيفك علــىٰ نسوانك هالله هالله بيهن

غياث ـ الي ما تچر عدل ششتوقع مني مثلآ وڪل وحده تعرف قدرها مو ارجع اربي من جديد..

غازي ـ نسوانك مو صغار فاهمات ما شاء الله عليهن وأڪيد ما إيريدن المشاڪل وأنت ڪون عادل وبطل مشاڪلك واهتم لعائلتك..

دلهم ـ سڪت بعد ما رد علــىٰ أحد وهيه مثل الي معجبها ڪلامهم
وقتها عرفت ما راضيه انه ارجع وكڪشفتـها شنو من بشر جانت ترديني ارجع للخدمه وهيه يصفالهـا الجو ڪملت أڪلي رحت اغسل الجهال وهمه خلصوا رحت ڪعدت يمهم عافن المواعين عليها اسمع صوت ردح المواعين داخل المطبخ هو ما اتحمل طلع عليها اشويه واجه خليت وكمت لڪيت رجاء تساعدها حضرت استكانات يشربون جاي ڪالت من يمها

جمانه ـ محد ضل يشرب بااستكان ڪلها أڪواب بس عمي يشرب بــ استڪان

رجاء ـ أي فهمنا ۿل الاسطوانه يوميه

دلهم ـ ما جاوبتها ڪملت صب جاي وأخذته الهم قدمت ڪلهم اخذوا وصلت لعنده أخذه ما باوع هالمره همزين جان ڪلبت الجاي عليه ڪعدنا وفاضل وسوالفه الحلوه..

فاضل ـ تبقون هيج واحد صافن بوجه الثاني لا ضحڪه لا غمزة الإبتسامة بسيطه عالأقل

غازي ـ خلهم علــىٰ راحتهم إڪيد يتفاهمون وياريت تڪون آخر مشڪله بينهم..