بين عينيها حكايا

الجزء الرابع والخمسون 🦋(هدية الجميلات)🦋

#بين_عينيها_حكايا
.
.
.
.
.
.
.
هذا الجزء هدية للجميلات متابعات القصة🦋
سعيدة بيكم وبتعليقاتكم
اتمنى القصة تاخذ استحقاقهة بالتصويت
والمشاهدات
وأتمنى القصة الجديدة
والقصص المستقبلية تعجبكم
.
.
.
.
.
.
.
وبرغم الريح ورغم
الجو الماطر والأعصار
الحب سيبقى ياولدي أحلى
الأقدار

ظلال
_____________________

حبيب المشاعر
المتأخرة
رفيق دربي المتعب

متمدد عالسرير ويم راسة
ستاند شايل المحاليل اللي ياخذهة
وقنينة الاوكسجين يمة
والماسك على وجهة
١٠ أيام من الخوف والترقب
لاينزل الأوكسجين
عيوني أحس بيهة خشب من التعب
بس كل شي يهون بس يگوملي هو بالسلامة
فاتح عينة يباوعلي
رفع الماسك من وجهة
صوتة تعبان بس أحسن من اول يومين

-روووح وين

تقربت اني والكرسي مالتي
ولزمت ايدة
سحبهة ورجعت لزمتهة

-حبيبي عموري لتخاف
اني عندي مناعة لأن مصابة
وحتى روح هم عدهة مناعة
لذلك وديتهة يم وهج

بجيت واني أشوف وجهة الأصفر
وجسمة التعبان

-بسببي أنعديت

رفع الماسك وحجة

-والله آني أحسن بهووواية هسة
وباوعي
رفع أصبعة اللي بي الاوكسيميتر

-شوفي اوكسجيني تقريبا طبيعي

-اني جان المفروض انتبه هاي مو فلاونزة

-مابية شي ياروح عمار ليش تلومين نفسج

-هذا حضك وحضي الناس انصابت وراحت
واحنة اخر شي
يلة انصابينة

-يلة نصيييب حبيبتي
وگفت اخليلة الماسك
وخرة

-لا حبيبتي خليني بدونة فد نص ساعة
اذا بقى الأوكسجين هيج مضبوط
معناهة تمام

عيني من الساعة
نص ساعة ضبط واوكسجينة طبيعي
اتصلت بوهج

-ووووهج اوكسجين عمار طبييييعي

-يارووووحي الحمد لله
اخلي ديان يجيب الدكتور

-ايييي ياريت

ساعة واندگت باب السويت
سترت نفسي ودخل ديان والدكتور
وياهم غيث

محميين بكمامات وكفوف طبية
فحصة الدكتور
وهو يطمأنة

-الاوكسجين ميحتاجة بعد
وان شاء الله كم يوم ويعيد المسحة
يكون الفايروس انتهى من جسمة
وحركو شوية ليبقى نايم
تفيدة الحركة ويا علاج
التخثر

كتبلة كم نوع فيتامينات
وراح
جابهن غيث
واني جهزتلة عصير فواكه والاكل
بس طلع غيث

نزعت رداء الصلاة
ورحتلة
مستغلة فرصة مناعتي
گعدتة نزلت رجلي من السرير
قربت الطاولة يمة وعليهة الأكل