تمت الملكه وكان شي لم يكن اما الهنوف اللي سمعت كل شي وماكنت متوقعه ان فارس يحبها كذا وكانت منصدمه مره تحس بشعوووور غررريييييب ماتدري وش
اليوم الثاني الصباح
بيت ال صقر
دخل عزام وهو يشوف ابوه اللي جالس يتقهوى وقف قدامه وهو يقول : يبه انا مابي البنت
وسع عيونه خلف بصدمه وهو يقول: ننننععععمم؟
عزام ببرود : البنت مابيها
خلف : وليش ان شاءالله توك تقول ليش ماقلت قبل ماتملك
عزام : انا ببتعث الكويت سنتين بعدها بروح بريطانيا سنتين صح ولا لا ؟
خلف: واذا؟
عزام بكذب: انا بطلع من السعودية ٤ سنوات ومابي احرم البنت من أهلها ٤ سنوات
خلف : وش نقول لهل البنت طيب ؟
عزام : عادي قل هم ولدي هون والله يستر عل بنتكم
هز خلف راسه بايه واخذ جواله وهو يدق على فيصل
"المكالمه "
فيصل : أرحب يبو عزام
خلف: : البقى يافيصل
فيصل: ماجوره (نوع من انواع سلام الاولين) وش حالك
خلف: بخير الله يسلمك وش لونك انت وش الاخبار
فيصل : بخير دامك بخير
خلف : والله يبو عبد العزيز ماودنا نطول عليك مير الولد الله يهديه يقول هونت ولا عاد ابي العرس
فيصل: افا ياذا العلم ليش طيب
خلف قاله عشان البعثه وكذا وكان فيصل متفهم وماقال شي "
طلع عزام وهو مبتسم ويتذكر كلامه امس مع عبد العزيز
" فلاش باك الملكه امس "
بعد ماتمت الملكه طلع عبد العزيز مع عزام يوصله للباب
نطق عزام : من اللي جاء قبل شوي
عبد العزيز: فارس خويي وولد عم الهنوف
عزام ببتسامه : يحبها؟
عبد العزيز: والله مدري
عزام : طيب اسمعني
لف عبد العزيز بستغراب: هلا
عزام: فارس واضح يحبها ويبيها ولا ماسوا اللي سواه من شوي
عبد العزيز: واذا؟
عزام : مادام ماصار عرس انا بطلق اختك
وسع عيونه بصدمه ونطق: تستتتهههببببللل؟؟!!!
عزام بنفس الصراخ : وش اللي استهبل انت شفت الرجاااال كيففف كان يبكيييي واضح يحبهاااا وش شايفنيييي حجرررر عشان افرق بين اثنين يحبون بعض
الرجال مبهذل ومنحد حيله ولا احد فيكم نطق بحرررف
الهنوف اختك ل فارس وفارس للهنوف تفهمنيييي؟؟!!
عبد العزيز: بسسس الهنووووف ماتحبهههه
عزام: بس هو يموووووت في ثراااااها انت تشوف حححااالته
كمل عزام وهو يحط يده على كتف عبد العزيز
ويقول: مادام ماصار عرس ولا شي خلنا ننهي الموضوع من بدايته وابوي بكلمه يكلم ابوك
هز عبد العزيز راسه بايه وطلع عزام وهو يفكر بالموضوع
نرجع للوقت الحالي
طلع عزام وهو يركب سيارته متوجه لفارس
عند فارس اللي كان منسدح بالمجلس وغارق بهواجيسه
فز وهو يسمع صوت عزام اللي نطق : ياااهلل الببيييت
فارس بكره له : هلا بك اقلط اقلط
عزام ببتسامه: لا ابد تسلم جايك بموضوع ورايح
فارس : طيب اهرج وشو
عزام بكذب وهو يبي ينرفز فارس: ابيك تحجز معي قاعه العرس بعد اسبوع
فارس بحده: وانا وش دخلني مالقيت الا انا وبعدين ليش بعد اسبوع ماحد بطاير يالمطفوق
عزام ببتسامه وهو يحط يده على قلبه: قلبيييي مايتحمللل البنتتت حلوههه
فارس : استح على وجهك وانقلع الله يهني سعيد ب سعيده
انفجر عزام ظحك وهو يشوف عصبيت فارس ونطق بهمس مسموع : البنت ماعد ابيها وكلمت ابوها وترا تقدر تخطبها
لف عليه فارس بقوه ووسع عيونه بصدمه وهو يقول: فيييييي ذمتتتتتتكككك
عزام : في ذمتي
فز فارس وهو يمسك كتوف عزام ويهزه ويقول : انت صاااادق؟؟!!!!!
عزام : ايي والله
حضنه فارس بقووه وهو يضحك وركض لابوه بالبيت وهو ينادي: ييييييبببببببههه يييييييببببببببهههه
طلع عبد الله من غرفته وهو يقول : وحططططببههه
وش قومك تصارخ
فارس اللي تقدم يبوس راس ابوه وينطق بضحك : الهنووف الهنووف يايبه هونوا عزام وأهله من العرس
عبدالله: انت صادق
فارس : اييي والله يايييبههه
عبدالله ببتسامه:وانت تبيها؟؟
فارس : ااايييي واللله وتسأل بعدد
عبدالله : ها وش رايك بعد المغرب نخطب وبكره نملك؟!
فارس : تممم والله انه تم
عبدالله:اجل ببلغ فيصل
بيت عبدالله اللي الكل كان مستنفر ويتجهز وكذالك بيت فيصل بعد مابلغهم انهم بيجون يخطبون
وكان فارس اللي من فرحته صار يوزع حلويات على عيال الحاره
عند توامنا
فهد: بالله شف شف كنه اول واحد يخطب
صقر : من الفرحه قام يوزع حلويات هههههههههه
توجهوا لفارس
ونطق فهد : وش عنده بابا نويل يوزع حلويات
صقر : اسمع وش رايك توزع على الكبار حلويات واحنا فلوس
فارس : فليتها انت وياه صح تقلعوا بس
المغرب
وقفت سيارة عبدالله قدام قصر ال فيصل وهم ينزلون منها عبدالله اللي كان يسوق وتهاني جنبه وفارس وشيهانه ورا
الهنوف اللي كانت تناظرهم من الشباك وهي تشوف السعاده على وجه فارس ابتسمت وهي تشوفه ينزل الهدايا وباقة ورد حمراء كبيرا مكتوب عليها طالبين القرب منكم وتشوف شيهانه اللي تنزل الهدايا عضت شفايفها من الشعور اللي حسته شعور الحُب اللي ما حست فيه مع عزام
تقدمت وهي تناظر شكلها قدام المرايه بشعرها الطويل الأسود وبفستانها الأحمر اللي يوصل اسفل ركبتها وفيه فتحه لفوق الركبه
ابتسمت برضا من شكلها
وطلعت وهي تنزل للصاله
عند الرجال
عبدالله: والله مانبي نطول عليكم وبدخل بالموضوع على طول حنا جاين طالبين يد بنتكم الهنوف لولدي فارس
فيصل: يامرحبا والله فارس رجال والنعم فيه لاكن رأي البنت اول
طلع عبد العزيز وهو يسأل الهنوف اللي قالت إنها موافقه ودخل للمجلس وهو يقول لابوه انها وافقت
فارس: وش رايكم نملك الحين
عبدالله: انت صاحي احنا قلنا بكره
فارس: يبه تكفى نملك الحين وبعد شهرين الزواج
لف وهو يقول ل فيصل : وش قلت ياعم
فيصل: بس ياولدي ماتفقنا مع الشيخ
فارس : والله اني متفق ومخلص بس وافقوا
فيصل : متى اتفقت؟؟؟!
فارس: انتم موافقين ولا لا؟
فيصل: ايه بس الشيخ وينه
فز فارس وهو يدق على الشيخ يجي
ماهي دقايق الا وجاء الشيخ
