11:11

II

مقدماً sorry about this filler chapter🙏
mental state wasn't that good من كتبته🙂🙏💔

anyway ENJOY
البارت يوصل 30 فوت وينزل البارت الثالث

—

بعد ما خلصت مريم دروسها على طول طلعت من المدرسة وركبت سيارتها ورجعت للبيت٫ من وصلت وركنت سيارتها وخذت جنطتها بدال لا تدخل لبيتهم راحت لبيت زينب٫ دكت الباب ودخلت وشافتهم بالمطبخ يتغدون.

"اجيتي بوكتج٫ مسوين مجبوس دجاج تعاي كعدي اكلي ويانا"
أبتسمت لام زينب الي أشرتلها تكعد بصف زينب٫ راحت كعدت واخذت الصحن الي مدته الها ام زينب وبدت تاكل على الخفيف وهي ساكته٫ ماتحس مشتهيه تاكل بس ماحبت ترفض ام زينب٫ كانت تلعب بصحنها ومرات تشاركهم بالحجي٫ ورا ماخلصوا غسلت المواعين ويه زينب وخذت جنطتها وصعدوا لغرفة زينب٫ اول ما دخلوا الغرفة فتحت حجابها وذبت روحها على سرير زينب وحشرت وجهها بالمخاد.

"احجي شبيج؟"
سألتها زينب بعد ما لاحظت تصرفاتها الغريبة وشلون طول ماهم ياكلون كانت صافنة.

"مابيه شي شبيه"
جاوبتها مريم وراسها بعده محشور بالمخاديد.

"جذبي على واحد غيري٫ مسوين دجاج وانتِ اذا تشوفينه تفقدين بس اليوم ما اكلتي غير خاشوكتين وباقية بس صافنة٫ وتكولين مابيه شي"
تنهدت مريم وماحجت شي٫ باوعتلها زينب بأستغرب وهي تنتظرها تكول شي بس مرت ربع ساعة والثانية ماحجت شي.

ورا فترة رفعت مريم راسها وباوعت لزينب وزفرت انفاسها.

"جميلة"
رفعت زينب حواجبها بتفاجأ.

"شكراً؟"
"يع مو انتِ"
قلبت مريم عيونها٫ وزينب شهقت وضربتها.

"مو صوجج صو—"
ماكملت زينب حجيها بسبب تلفون مريم الي بده يرن٫ استغربت زينب من انتبهت شلون مريم توترت.

"هاي شبيج ماتردين؟"
سألتها زينب وهي بعدهي مستغربة من تصرفات مريم الغريبة من رجعت لهسه.

شالت مريم تلفونها وردت وفتحت سبيكر.

"الو؟"
"مريم؟ العفو قصدي ست مريم؟"
توترت مريم من سمعت صوت رقية بس ضحكت من كلتلها ست٫ وزينب مامستوعبة شي.
"رقية؟ عادي مو بالمدرسة احنا مو لازم تكولين ست"
"آه.. اوكي"
"ماتوقعت راح تتصلين.."
"ليش اخذ رقمج لعد اذا ما اريد اتصل"
همهمت مريم بدون ماتكول شي٫ ورقية هم ماحجت شي لفترة.
"سويتلج فولو على الانستا بس ماقبلتيني لذلك اتصلت..."
"مادخلت الانستا هسه اشوف واقبلج٫ شنو اسم حسابج؟"
"حاطة حرف R بالنيم وصورة هاري بوتر"
"اوه! تحبين هاري بوتر؟"
"اكيد منو ما يحبه..."
"منو شخصيتج المفضلة؟"
"هاري وانتِ؟"
"دريكو وفريد"
"الله دريكو صح غثيث بس حلو"
"مو غثيث بالعكس اصلاً"
"همم.. يلا صار لازم اروح ادرس.. قبليني مو تنسين"
"تمام.. اذا احتاجيتي شي بالانكليزي كليلي.."
"اوكي.. باي.. اشوفج باجر.."
"باي.."
سدت مريم الاتصال وبقت تباوع للرقم٫ سيفته وراحت للانستا قبلت حساب رقية ورجعت سوتلها فولو٫ اول ما دزت الفولو رقية قبلتها وأبتسمت من رقية حطت لايك لكل البوستات الي بحسابها وستوريتها الي نزلتهم من طلعتها ويه مصطفى٫ فجأة التلفون انسحب من ايدها٫ وتوها تذكرت انها يم زينب٫ حاولت ترجع تاخذ التلفون من زينب بس الثانية ماخلتها.