#الاشوس
الكاتبة: ارين
تفاعلكُم ع البارت وتعليقاتكم بين الفقرات💋.
هيَّ إنحِچت وَظلّ أثَرها الگِلمة .
----⚜️----
جحض عيونه مدهوش من كلامي صار يرمش سريع الصدمات تجي وحدة ورا الثانية
ابتعد واحس عينه دمعت وهو يباوع للأشوس لحظات وطلع بدون مايجاوبني كرهت روحي بودي الگاع تنشك وتبلعني
الاشوس ::- تعالي للغرفة
التفتت واكف فوك راسي ماسألني شنو حچيتوا بكل برود اخذني للغرفة گعدت لميت روحي واحتضنت نفسي هو طلع شوية ورجع جايب فراش فرشة واني اباوعله
شعره مبهدل وجهة شاحب وتعبان ضعفان كُلش كمل الفراش بس باوعلي دنگت
الاشوس ::- تعالي هنا
رحت للفراش بدون ما احچي طلع من الغرفة وقفل الباب ربع ساعة ورجع نفتح شفته جايب مي وماسحه بايده
سوا الغرفة ع السريع شطفها واني اباوعله وجاب معطر جو ضل يعطر بيها فتح شباك الغرفة راد يطلع گتله
روز ::- لا تقفل الباب اختنگت
عاف الباب وكعد بمكانه يم الباب داخل الغرفة مقابيلي وطلع جهازه يگلب بيّ
من شفته گاعد ولازم جهازه تذكرت جهازي بجيب البنطرون بس شلون راح افتحه كدامه اذا شافه يمكن ياخذه مني اريد اتواصل وي تيمور
بين افكاري شفته گام تقرب گعد يم فراشي رجعت للخلف متوترة
الاشوس ::- روزاية اشتاگيتلچ حبيبي لا تعامليني بهل طريقة
بلعت ريك عيونه مدمعة شفايفه ترجف وعيونه حمررر
روز ::- حباب رجعني لامي والله حرام
غمض عيونه بتعب وغضب وصاح
الاشوس ::- شنو الحرااااام شنوووووو الي سويتي بيَّ مو حراااااام شلون هسه تردين اهلچ انه ربيتچ روووز انهههههه
انخلست ماگدر بعد احچي ماعرف بيا طريقة أكدر اقنعه
روز ::- اسفة
صار يتنفس سريع مسح على وجهة يهدي نفسه وهمس بنبرة هادئة
الاشوس ::- حبيبي روز بوية ياروحي أنتِ احچيلي بابا احچيلي كُلشي چنتي تحچيلي وماتخبين شي عني هسه احچيلي يعمري خل اعرف شنو الموضوع وانه احله بس لا تبتعدين عني گوليلي شنو گالچ احمد
انكسر گلبي وحجيت بداخلي
أنتَ لأن ماتستاهل تنكسر مااحچيلك ماريد تعيش الي داعيشه ماريد تعيش الي اعيشه ماتستاهل الأذية
أنت تقرأ
الاشوس
General Fictionبين الظلم والطغيان، رجلٌ لا تهلكهُ الصعاب بين حُبٍ وهلاك. ذكرياتهُ تُقطعهُ ألى اشلاء ألا إنه صلب لا يهزمهُ ألإكتئاب ثلاث اشقاء إنكسروا من الصغر حتى أصبح لكُل منهم غاية غامضون لكُل منهم حكاية وحيدون اقوياء قاسيوون لُطفاء ظالمـون ابرياء ٭٭٭ انا...
