أرويني بدماء جحيمك [Quench me with the blood of your hell]

𝑃𝐴𝑅𝑇❀113

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀113

رسمات على وجهها ملامح الغضب و الإنزعاج بمجرد ما سمعات كلامو، نسات بلي هو استاذها و هي الطالبة ديالو و بلي هما فوسط قاعة عامرة بالطلبة و الطالبات، حسات براسها كاينة غير هي وياه وسط الڤيلا ديالهم، بقات كاتخنزر فيه و هو مربع يديه و كي تسنا فجوابها فنفس الوقت ملاحظ الاستياء لي ظاهر على محياها و عارف بل متأكد من أنها معصبة منو...

لحد الآن غضبها كان موجه ليه هو فقط، حتى بدات كاتسمع الزملاء ديالها كي وشوشو عاد فاقت على راسها و ادركت بلي العشرات ديال الناس مراقبينها و كي دويو عليها، هنا وجهها بدا كي تزنگ ملي ما رضاتش، حولات انظارها ليهم لقاتهم كي شوفو فيها و أغلبيتهم راسمين على ثغرهم ابتسامة ساخرة على استعداد باش ينفاجرو بالضحك ملي ما تعرف باش تجاوب...

لحظات و رجعات شافت فزياد و رمقاتو بنظرات حاقدة كارهة قبل ما تزير على يديها و تنطق بتحذير من تحت سنانها...

سارة(بالداريجة): لاياش باغي توصل؟

زياد(بجدية نطق بالايطالية): راك فإيطاليا...دوي بلغتنا...عطيني تلخيص على الدرس و دغيا...

تشنجو ملامحها أكثر و بقات غير كاتدور فعيونها بإحراج ما حاملاش الموقف لي حطها فيه و الأسوء من ذلك ان حتى الجواب باش تخرج بيه راسها ما عندهاش، ما تبعاتش مع الدرس من اوله الى اخره و ما عرفاتو حتى علاياش داوي...

سمعات ضحكات خافتة صادرة من البنات لي حداها و شافت فيهم لقاتهم كي تغامزو بيناتهم و كي ضحكو عليها، فكات ملامحها و فكات معاهم حتى يديها عاد حلات صاكها و جبدات منو لاستيك جمعات بيه شعرها للفوق و وقفات....

{الحوار بالإيطالية}

سارة(بصوت مرتفع قالت): قبل ما نجاوب ا بروفيسور...صبر عليا دقيقة نصفي حسابي مع هاد القحـ بات لي من قبيلة و هما كي قلبو عليا...

شهقو الطبلة بصدمة بسبب كلامها الجريئ و مباشرة عاودو شهقو مرة اخرى ملي شافوها ترمات على البنت لي عايراتها قبل لحظات بالعوجة، شداتها من شعرها جراتها منو و بقات كاتنتف فيها تحت صراخها و دهشة زياد لي وسع عينيه و صرخ بصوت عالي و هو كي نادي بإسمها...