“Naute thinrim lo hram la, tourny ani ve sia, rilru kâ'n pe deuh mawle.”
A tih lai chu ka hre thuak hman, line chu ka cut ta a, tui bottle ami chu in in, ka mu hahdam riai riai a.
“Naute, kalo thleng.”
Aw ri ka hriat chuan thu tung nghal in, Thomas a chu ka en ta reng mai, engtik laiin nge he fa lubawk hi rawn thlen hman a, ka chhungte pawh hian mi rawn kal leh kallo pawh hi an hre chang tawhlo nihhi, huiham.
“Nge i rawn tih va khel ta che basketball chu.” ka pang a sat deuh vang nge, ka rilru chu no thar in a na ve det. Ka mit chu parawl pung in, mittui erawh tlak tir loh hram ka tum, mipa ve si ah chuan âwm nem hichu buaithlak ani.
“Thinrim tawhlo la, hei pangpar ka rawn ken che nia. I pangpar duh ber, Rose.” ka kut chu vuanin ka bulah chuan rose par mawi tak leh rimtui tak chu a nghat a, ka kut chu fawp in, a biang chu min dawm tir leh a, a hmai nem tak chu min khawih tir leh meuh chuan ka rilru natna te chu a kiang duakin ka hria, engmah lo maiah a chan leh tak kha.
Ka bula rose par mawi tak chu ka en vawng vawng a, a par dan leh a rawng duk lam a pawl chuan a lem a ang lek lek. Keng kang in ka han hnim chu a rimtui tak zet.
“Ka lawm e, Thomas...”
Thomas a chu khi suk in, keipawh chu ka lai lek lek, vawh ka tih em avang chuan ka kut khur ru deuh chu Thomas a chuan hria in ka room tukverh vel chu a khar a, ka room kawngkhar chu a khalh nghal bawk.
A kalh hnuah chuan ka khumah lawnin ka bulah chuan a rawn mu nghal a, sir zawnga kan mut avang chuan ka dul zawnah chuan min rawn kuah a, ka lawm lutuk chu ka mittui te chu tla lek lek tura ka hriat chu.
“Naute...”
“Nge ni...”
Ka nghawng chu rawn chuk zeuh in, a kut pawh chu a inhlei tan hle, ka laikhuar chu kawm neuh neuh in, a taksa leh ka taksa chu a inhnaih tawh hle. Ka nghawng chu chuk chho zel in ka beng a thleng chu ka za chhuak vekin ka hria, ka nui huk a Thomas a pawh chu a khi ve suk.
He mihring han hmelthat zia hi.
“Thomas...” zawi te chuan ka ti a.
“La thleng lovang ka tih kha. La hria tiraw.”
“Umm, hria e, umm nih.” tiin fel rak chuan min chhang ve mai bawk.
Ka inthiam lo ru hle, mahse kan la naupang dûn in, hmalam hun eng tak ala neih dawn chauh avangin ka taksa chuan duh mahse ka rilru leh ka thinlung zawng zawng nen chuan a hmalam hun ngaihtuah luat ah ka ti theilo ber chu ani.
Ka rilru hria ni awm tak chuan...
“Inthiam lo duhsuh, Naute, i phal hunah chauh alawm kan hman dawn.”
Tiin ka darah chuan a chuk leh a, blanket chu kan sin tha dun a, inkuah rial chung chuan kan mu dun mai mai ta a.
“Thomas...”
“Nge nita nautee...”
“Tinge, keimah lo midang an tam teh lul nen, i thlan mai loh.” ka sawi lai chuan hreawm ka in tawrh tir ani ringawt, thla nga lai a hmingin kan lo nive tawh a, zawhna zingah chuan ngaihtuahna luah khat tu ber ala ni reng.
“Midang, sang tel pawh awm se nangmah ang anni tlat lova, nangmah ang annih loh miau chuan duh ngaihna awm nang, nangmah hi lawm ka duh ber chu.” zei fahran chuan ka chal rawn chuk zeuh in, ka mut hmun ah chuan ka hlim veng veng mai.
Thomas a te chhungkua hi em em nilo mahse an nei nung ve phian a, an fapa atang ringawt pawh hian a hriat hle ani. Thomas a nen a kan nih hian an lo hau tak naa chu a sim theih loh avangin an beidawng ani awm e, Thomas a sawi hmang ah chuan.
Ka nu leh ka pa te pawn ka nihna hai lang mahse mintih mualpho an tum lem lova, keipawn ka theihtawp chhuah in ka inthup ve bawk, mahse Thomas a lo lang hian ka mit chu hmun dang ka hawisawn pui thei ta reng reng lo mai a.
A basketball khel en tur ringawt a, veng dangah ka chhuah san chang a tam fo thin.
“Chaw ei a hun dawn, nangpawh haw tawh la, ka tha tawh viau asin.” duhlo niawm tak chuan ka dulah chuan min kuah nghet sauh sauh a, a lu pawh chu naupang duhlo ang mai chuan a thing nar nar a.
“Aih, ka la ngai che lawm,” ti a min kuah pah a, a aw pa leh mawi tak chu ka kham thei mawlh lo ve.
“Tian awm loh tur kan tih kha ...” min kuahna khawih pah chuan ka ti a.
“Umm nih kâ'n tho ange, min ngailo nihhi.” tau aw tak chuan tiin, a hmui ah chuan ka fawp a, a mit ah tak chuan ka en tluk tluk bawk.
Thomas a chu tho in, a pheikhawk chu a bun a, inthlah hnuah chuan a haw ve ta a, a basketball khelhpui te hnen atanga missed call tam lutuk kha ka inthlahrung zawk.
“Thomas a hichu ava han fel tak, a zarah arsa tui hnai tak kan hmeh leh dawn chu ania.” tia ka nu rawn tawngchhuak chuan mak mintih tir chiang ngei mai.
“Chawhmeh pawh min rawn pe maw?” ka ang ho chung chuan ka nu dinna lam chu ka va en phei a, a hmaa table chungah chuan arsa kg 2 ni awm vel chu sarang ah lo awm in, ka lu ka dawm vawng vawng, pawisa annei lutuk hichu thalo ni.
“A dang pawh Thomas an a rawn dah ami?” ka nu in a tih tâkah chuan ka hawi leh vata,“Aih” tiin nui hiau chung chuan ka room ah ka luh san ta a.
