رقيه . حسيت ابدوخه وضليت استفرغ
وكعت من طولي واني دايخه
ما اكدر اوكف ضليت ازحف
وصلت يم جربايه اتجيت عليها
كعدت خليت ايدي على جربايه
وباوع على الغرفه وراسي يوجعني ......
يا ربي شجاي يصير وياي...........
خليت ايدي الثانيه على راسي افرج
فجئه جعت اريد اكل
كمت على حيلي وصلت الباب وصحت على امي
اجتني هي و منى لزمتني منى ونزلتني
المطبخ
منى . حبيبتي جوعانه
رقيه . كلش جوعانه
منى . من عيوني
رقيه . ابتسمت وراحت صبت
خلت الاكل كدامي واني مثل ما شايفه
اكلت الصحن طلعت الرقم القياسي
واجت ازل وكفت الباب مطبخ متفاجئه
ازل . رقيه صارت زينه
منى . اي الفضل كله العلويه
ازل . رقيه حبيبتي تحبيني
رقيه . شنو هاذ سوال الغبي طبعاً احبج
..... اجت شبكتني حيل
ازل . مشتاقتلج
رقيه . اباوع على منى .....
شبيها هاي مخبله
منى . لا مو مخبله بس انتِ جنتي مريضه
رقيه . اي شصار وياي
ام امير . ما تذكرين
رقيه . اي اذكر انو اني اشوف مره
وبيدها دم وتريد تخنكني
منى . العلويه كالت سحر بي دم
رقيه . يا سحر شنو الي صار
منى . سالفه طويله هسه كومي ارتاحي ابغرفتج
رقيه . كمت من مكاني وراسي كام يوجعني رجع
نفس صوت الي اسمعها
........ اخخخخخ راسي
ام امير . شبيج رقيه شبي راسج
رقيه . يوجعني .......
راحت منى جابت بطل
منى . اشربي بلكت شوي ترتاحين
رقيه . ماريد عوفوني
...... ركضت الغرفتي وكعدت على جربايه لازمه
راسي يوجعني دخلت منى يمي
شغلت قرآن اب تلفونها وخلته يم اذني
شوي راح الصوت بعد ما اسمع شي بس القرآن
ارتاحت نفسيتي كلش ونمت
. ....................
منى . اتصلت على حسن
،،،، حسن
،،،،، نعم منى
،،،،، اختي رجعت تاكل بس راسها ويجعها
،،،،، العلويه مو اجت عدكم شنو كالت
،،،،، كالت الي سوه سحر مره ولسحر بي دم
وكالت حركو ملابسها
،،،،، خوش وهسه
،،،، من حركنه ملابسها كالت اني جوعانه
من خلصت راسها ضل يوجعها
،،،،،، باجر نروح هم ونشوف وناخذ رقيه ويانه
