دخيلة الشيخ رائد

البارت الرابع (الجزء 2)

رواية: دخيلة الشيخ رائـد

بقلمي: زهراء الحسن

تصويت والمتابعة لطفاً+لاتنسون تعليقاتكم بين الفقرات .

‏"سأختارك دائماً حتى في الايام التي لا نفهم فيها بعضنا البعض."

ــــــــــــــــــــــ ♡ــــــــــــــــــــــ

    أريج

فتحت عيوني حسيت ايدي على ايدي لفتت لجهة
اليسرى شفت نغم همست بصوت تعبان .

-أريج: ن نغم

رفعت راسها تباوعلي .

-نغم: أريج الف الحمدلله

-أريج: نغم شنو صارلي؟

-نغم: انتِ شنو ماخذه حبوب الي خبلت الدكاتره

هنا تذكرت خليت ايدي على وجهي بيها كانونه ومشكل المغذي طلعت شهگاتي من تذكرت..

-نغم: أريج شبيچ؟ احچي شنو يوجعج هسه اصيح الدكتور

گتلها من بين شهگاتي.

-أريج : نغم ا اريد اگلج شي

-نغم: تمام بس كافي لاتبچين ا

قاطعت جملتها

-أريج: ا عتدو عليهَّ

گلتها وشهگت بصوت عالي هيه فتحت عيونها..

-نغم: ش شنو شلون أريج فهميني بس كافي وفهميني

گمت احچيلها كلشي من البدايه وهيه تاخذ حسرة وتسكت...

-نغم: حقير الله ياخذه حسبي الله ونعم الوكيل

مسحت دموعي ويرجعن ينزلن مستحيل اتخطى موقفي..

-نغم: هذا آدم اجه يخطبج من ابوية

-أريج: بعدين نحجي فدوه اريد انام

هزت راسها غطتني وطلعت...

نغم طلعت وسديت لباب ورايه مامستوعبه شلون راح تنسى حسبي الله عليه قاطع افكاري من شفت رائـد لابس زيه العسكريه يحچي ويا الدكاتره ويا فهد...

بقيت اباوعله هنا هو لتفتلي رفع حاجبه مستغرب شجابني وشلون اني ماگتله صافح الدكتور واجه بتجاهي..

-رائـد: نغم شجابج؟ وشلون ماعدي علم؟

-نغم: رائـد والله صارت بستعجال وخطيه أريج مريضه وجبناها مالحگت اگلك

-رائـد: للبيت بسرعة بعدين نتحاسب

-نغم: لا وين ماروح اريد وياها خطيه ماعدها احد

-رائـد: نغم ابوج يمها امشي گدامي

-نغم: حبيبي امانة

صفن شوية مسح وجها..

-رائـد: اشتعلو عشيرت حبيبيچ

-نغم: فدوه لوجهك اخليني

غمزلي