أرويني بدماء جحيمك [Quench me with the blood of your hell]

𝑃𝐴𝑅𝑇❀118

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀118

زين بمجرد ما انهى كلامو مد يديه لكسوتها ثاني باغي يحيدها ليها حتى كاتحبسو ليسا ملي غوتات بصوتها خلاتو يعقد غوباشتو و يشوفيها مخنزر، و قبل ما تنطق و تعطيه اعذار خاوية كان سبقها و قال بنبرة صارمة...

زين: الغوات لاش؟

ليسا(تأوهات بإصطناع): ايي.. راسي راسي...

زين(بهدوء): مالو؟

ليسا: كي ضرني...اممم...اي...

زين(بتاسم بمكر): هاد الصوت خليه بلاتي واحد الشوية....ماشي دابا وقتو...

ليسا(خسرات سيفتها):و راه كانقوليك راسي ا زين...

زين(بنبرة لا تقبل النقاش):غا تهناي ا ليسا...باغيك و باغي نشوفك عريانة من فوقك لتحتك...راني موحشك...

ليسا(بللات حلقها بريقها): واخا غير صبر نقوليك واحد الحاجة (كاتجر فيديها مخنزرة) و حيد عليا بعدا هاد المينوط اويلي مالك بوليسي...اش كي دير عندك بعدا...

زين: عندي گاع اللوازم الضرورية...

ليسا(برجفة صوت): زين...(حركات راسها يمين و شمال) ما بقيتش بغيتك تقرب ليا....ماشي اليوم...

زين(علا حاجبو): علاش؟

ليسا(حنحنات و هي كاتقلب على شي مخرج): أ....اممم...(وسعات عيونها) اه الطبيبة قالت ليا لا حيت عاد ولدت...

زين(ميل راسو كي حقق فيها): عاد ولدتي؟

ليسا: تقريبا اه...

زين: كاتفلاي عليا دابا و لا شنو؟

ليسا(نطقات بإضطراب): وا صافي ا زين...(بترجي) عافاك...

زين سكت و بقا كي حقق فيها و فملامحها لي الخوف و التوتر ظاهر عليهم، حتى من الرجفة لي فصوتها زادت أكدات ليه بلي فعلا خايفة انما السبب علاش ما عارفوش فهاد اللحظة، باغي ينفذ ليها طلبها و يبعد عليها هاد الليلة لكن حدة اشتياقو ليها ما خلاتوش، شحال و هو صابر عليها و كابح جموحه عليها، مستحيل يضحي بليلة مثيرة معاها...