فلتنحني لقلبي تذللا [ تتمة ]

‏‎‏‎‏𝑷𝑨𝑹𝑻★220

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥. 

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮
‏
<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً  ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

سكن فحركته وفملامحه وهو كيتمعن فكلامها والجرم لي تخدت فحقه هو ونطفته لي وسط احشائها، رتجفو اوصالها ملي شافت جموده ونضراته لي بينو صدمته من جوابها ..

ما كان فيديها ما تدير مكانتش قادرة  كان شيء فوق طاقتها ولا يحتمل ، قفزت ملي شافتو هز يدو على غفلة منها ظانة انه غادي يضربها ..

في حين هو دوز يده على وجهه كحاول يهدن نفسه وما يرتكبش ما يندم عليه مستقبلا، تلفت لعندها ملي حس بها شدت فذراعه ناطقة بخوف ..

هدى:" آدم..عفاك سمعني".

نزل نضره كيشوف فيديها لي على ذراعه قبل ما يهز نضره فيها ناطق بنبرة مميتة وهو كيدفعها من عليه ..

آدم:" باغا تقتـ لي ولادي اهدى ؟".

تخالطو اللوان فوجهها سؤاله وطريقته خلاها تستوعب كبر ما نطقت به ،تناسات كليا ما كان قادر يدير على ولادو و لي ممكن يديرو فيها مضاعف الف مرة ..

حركت راسها برفض ناطقة بتعلثم :" لالا ماشيي هكاك ،غير غيرر ".

تخالط عليها الكلام ما قدرت تخرج تا كلمة مقادة من الخوف لي ركبها وهي كتشةف نضراته لي فاللحظة تقلبو .. كرزت على عينيها مغمضاهم ملي صرخ بها بشيطانية ..

آدم :" ملي ماشي هاكا ،شنوو ..نطقيي نسمع ".

رتعاشو ملامحها معلينين على نزول دموعها ،ما عرفت ما تقول وما تدير من غير انها تلاح فحضنه معنقها ملي خان تعبير فضلت انه تخليه يحس بها على انها تقول شي حاجة تزيد الموضوع سوء ..

زفر النفس بضيق قبل ما يبعدها من عليه نايض واقف ناطق بآمر:" دوشي وسيري تنعسيي".

نهى كلامو دار خارج من تمّا حتى كتستوقفو بصوتها :" فين غادي تمشيي وتخليني ".

جاوبها بلما يدور يتلفت فيها :" هانا جاي".

نهى كلامه خارج من تما مخليها غير كتنهد بضيق ما كانتش باغا ترجع تفكر فشي حاجة تجرها لبخر البؤس الشي لي خلاها تنوض تدخل الدوش تغسل وتخرج تصالحو باكثر حاجة كيبغيها منها ..

خرج كيدور الفيرما وراسه كيخطط كيحاول يقلب على حل لانه كان عارف فوضعها هذا خاصو يعرف كيف يتعامل معاها وكيفاش يحببها فالفكرة مع ان لو  كانت حالتها مغايرة كان غادي يغصبها كمارغضيها المرة لولة ولكن هاذ المراة كانت على حافة انهيار اي غلط صغير ممكن يودي بحياتها وحياة ما فكرشها ..