حيرت قلبي معاك وانا بداري واخبي...
كانت بدايه اغنيه ام كلثوم..
خلتني افكر ف مشاعري لما شوفت الشخص الي كان يوم حبيبي
مكنتش عارفه ساعتها اعمل اي مش قادره انطق ولا اتكلم بحاول اداري فيها مشاعري بحاول اخبيها عنه..
مع المقطع التاني للاغنيه ...
قولي اعمل ايه وياك ولا اعمل اي ويا قلبي ...
الحرب الي بيحصل جوايا ولخبطه مشاعري لما قابلت عنيه
وازاي بقيت مغلوب علي امري مش عارفه اعمل اي معاه ولا اعمل اي ويا قلبي الي مهما حصل لسه بيحبه ولسه بينطق باسمه ومشتاقله...
بدي اشكيلك من نار حبي بدي احكيلك ع اللي ف قلبي ...
عايزة اجري عليك واشكيلك ع كل الي حصل فيا بسببك عايزه اقولك علي الي جوايا عايزه اقولك ع الي بكاني عايزه اقولك علي سهرني عايزه اقولك علي قتلني عايزه اجري منك اليك ...
بس مينفعش عزه نفسي كانت اكبر من اني اجري عليك واشتكيلك عزه نفسي انتصرت علي حبي ليك...
يا قاسي بص في عنيا وشوف اي انكتب فيها ، دي نظره شوق وحنيه ودي دمعه بداريها..
عرفت اداري الكلام و تصرفاتي بس عيني كشفاني بص فيها وهتعرف اني شوقي وحبي ليك زاد منقصش حاجه بص في عنيا بس ..
ببص ف عينك وانا بحاول امسك نفسي واداري دموعي عنك عايزه انك تشوف حبي بس خايفه تشوف كسرتي بسببك ...
ده خيال بين الاجفان فضل معايا الليل كله ، سهرني بين فكر واشجان وفاتللي جوه العين ظله ...
طول الليل عيني ما شفتش النوم افكاري مش مفرقاني بتخيلك وبفكر فيك و تفاصيلك شوقي ليك بيزيد ف كل دقيقه خيالك مش مفارق عيني ...
ما بين شوقي و حرماني و حيرتي ويا كتماني ....
والحرب الي جوايا الي مش بتنتهي ما بين شوقي وحبي ليك وحرماني من حبك وحيرتي ما بين اقولك ولا افضل ساكته مع حرب ابديه ويا نفسي...
