بقلم الكاتبة: أبريـل.
لا تنسون التصويت و التعليق بين الفقرات +متابعة حسابي الانستقرام
za. nb7791
والتيك توك (الكاتبة أبريـل ♡.)
اللهم صلِّ على محمد وآل محمد 🌹
" طالت.. والعمر كل ما تلف بي يطول،
غم ذاك العمر من ينگضي تعلعل "
عريان سيد خلف.
ـــــــــــــــــــــــــــــــــــــــــــــــــــــــــــــــ
أوراد..
عقدت محكمه و صرت مرة انور شرعاً و قانوناً...
الفرحه اللي دا احس بيها ما انطيها الاحد،
اتصل عليه وگال: هاا مو گتلچ اخذچ
ـ والله وكفو من شاربك هههههه
ـ الله يدوم هالضحكه يروح روحي.. اگول؟
ـ اي گول..
ـ بما انو احنى تزوجنه...
ـ اي..
ـ افتحي كامره اشوفچ
ـ لا خل نتزوج فد نوب يالله
ـ چا هسه احنى شني؟
ـ حتى لو ميخالف بعد حنه وزفه واجي البيتكم عروس بذاك الوكت سوي الليعجبك
ـ اني الچ بس خل نتزوج، الا أء....
ـ ها ها كافي مو وكتك
ـ اوكِ مرتي
ـ اووييي
ـ هههههههه روح روحي؟
ـ اذا مثلاً يعني تزوجنه..
ـ اي
ـ وصرتي حامل..
ـ الله اييي..
ـ شنسمي الطفل؟
ـ شوف اذا بنيه انتَ سميها وذا ولد اني
ـ ليش شمعنى غير البنيه انتي تسمينها ؟
ـ لا اريد اسمس ابني المستقبلي " خليل "
ـ واني اريد اسمي ابني المستقبلي "عمران"
ـ اييييع لا والله ابد، خريان شنوو مو حلو ابد
ـ خرياان؟!
ـ اي حبيبي مو حلو ابد والله اسم خليل احلى وو....
ما لحگت اكمل كلامي وقطع الاتصال ..
ضجت من نفسي لان عيبت على الاسم اللي اختاره ودزيتله مسج:
"اني اسفه رد"
"اسفه لان عيبت على الاسم اللي اختاريته"
"كاافي زعل يمعود راضيه بأسم عمران "
وما رد عليه، ما چان ابالي هذا اخر يوم نحچي بي سوا، ولا توقعت بنسبة واحد بالميه خطر على بالي...
طلعت على صوت امي تصيح بصوتها العالي
انصدمت بوجود ابوي، سمعت هوا سافر هسه شجابه حضي..
اجه عليه مهرول لزم شعري وشدد عليه ويباوع عليه بعيون خاليه من الرحمه ولا ڪأن بنته اللي خلفها، خلفها ودمر حياتها..
اجت امي توخره عني بس ما تزحزح ولا وخر الا يطلع روحي بيده يالله يوخر..
ضربني راجدي ورگع المزهريه براسي صار ينزف بسبب المزهريه الگزاز اللي على الطاوله مالت الصاله، افترت بيه الدنيه وعيوني غوشن والصايح مالت ابوي وامي يجيب التايه..
مچان براسي فكره غير انور وشلون راح اگدر احچيله ويجي ينتشلني من بين ادين هالحيوان المفترس..
نوارس: وووخررر عنهاااا رووح ارجعع ارجعع المنن اجييت المننن؟؟
وصارت تلطم وتزلغ خدودها.. دخلوا امير وابو الحسن چانوا برا البيت، وكذالك انصدموا من وجود ابوي..
أنت تقرأ
لَهيـب القسور .
Chick-Lit#_لَهيـب القسور . من الضعف الى انسانه لا يستطيع مقاومتها أيًا من كان .. قساوة الايام التي مرّت بها، ومرارة الڪأس الذي سُقيت بهِ، جعلها أنسانه قاسية، متمرده، فارِضةً لشخصيّتها التي لا مثيل لها، لها قيمتها الخاصة التي تمنعها من الركض وراء أي شخ...
