طعنه في خاصره النسيان

البارت الواحد والثلاثون

#طعنه في خاصره النسيان
الڪاتبه ـ شﻤسٍ آلنآئليِ

ـ مساء العافيه شلونكم..رجعت أن شآء الله اگملها الكم وعلى الموعد..بس لأ تنسون تفاعلكم ودعمكم..🤍...بنات أي ساعه تحبون وقت النشر گتبولي أهنأ علمود اثبت وقت مناسب الكم..🥰🧐

رجعت اشوفك من جديد
ورجعت الذڪريات علــىٰ بالي

حسبي ع القدر ونصيب
حسبي ع الايام والعمر

قررريب من قلبي
وبعيد عن العين

والشوق وكل يوم يزيد
والشوق يزيد عن حده

دلهم ــ

ڪل الوقت المر من حياتنا اله ثمن اتجاهل ڪلشي من ڪلام من مغثه من ابوي من اخوي من أهلي ڪلهم وارجع اباوع أطفالي واڪول
لـ عيونهم الحلوه ڪلشي اتحمل وڪلشي يهون

خلصت شغل البيت واغسل الڪراج بينا بس الحايط اسمع همس اخذتني رجليه وقربت اذاني

نهى ـ عاجبك هيج ترى عيب عليكم بس ابوك هو منطيها مطلق الحريه..

إيهاب ـ نهى ڪافي دخلين نفسج بحياتها مالنا شغل وابوي راضي احنا شڪو؟؟

نهى ـ انت اخوها والغلط ينحسب علينا..؟

إيهاب ـ يعني شقصدچ؟؟..

نهى ـ وين صايره مره بعدها بعز شبابها ساڪنه وحدها بيت لأ تڪولي ابنها وياها هو معاق لأ ايد ولا رجل... يعني فهمك ڪفايه..

إيهاب ـ وعلي سطرتيني سطره شهر بحاله ما اڪوم منها امشي من ارجع نڪمل موضوعنا؟؟

نهى ـ يعني يصير خير؟

إيهاب ـ يصير يصير!،،..

دلهم ـ وكعت ماسحه من ايدي كوه سندت نفسي علــىٰ الحايط شفتي ترجف شڪول عليج نهى ترسين رأس اخوي حزام ظهري عليه لهنا وما خلصتي دلهم..

طلعت لمار لابسه جنطتها وكاشخه تروح للمدرسه بيدها الفون عرفت ابوها ومنو غيره؟

لمار ـ ماما بابا يتصل هاي ثالث مره اتصل جاوبي

دلهم ـ لمار جاوبي انتِ مالي خلك

لمار ـ عندي دوام تأخرت سايق اجه باي ماما..

دلهم ـ أخذته منها جاوبته ألو ابو يسار

غياث ـ شلونكم اتصل محد يرد خير؟

دلهم ـ لأ ماڪو شي يم لمار وهسه جابته خير رايد شيء إذأأ تحجي ويه يسار نايم ترى

غياث ـ اعتبرها طرده من باب المحبة

دلهم ـ بڪيفك!! وبعدين ما عندي باب محبه لأ الك ولا لغيرك

غياث ـ مع السلامه

دلهم ـ أمان اللّٰۃ نهيت الاتصال ڪعدت صافنه تالي رجعت يم ابني اجهز الغده وهو يقرأ ڪتابه ماله واهس بدراسة بس ابوه لح عليه يڪمل..