أرويني بدماء جحيمك [Quench me with the blood of your hell]

𝑃𝐴𝑅𝑇❀119

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀119

ليليان(وسعات عيونها): لا لا....شدوها...

فالوقت لي ليليان نطقات بهاد الجملة كانت لمياء طلقات الرصاصة اصلا لكن لحسن حظ ساجد جات فالفوتوي حدا وذنو تماما، هاد الاخير لي حل عيونو ببطئ و يالاه بغا يوجهم للمياء حتى كان مورتي وقف قدامو مطاكي عليه...

لمياء(خنزرات فيه ناطقة بأمر): حيد من قدامو..

مورتي(حدر عيونو متفادي يطول فيها النظرة قبل ما ينطق بإحترام): ما نقدرش...

ساجد غير سمع صوتها ميل راسو باش يشوفيها و يتأكد من انها فعلا هي، بانت ليه هازة السلاح و مخسرة سيفتها باين عليها بلي واصلة لأعلى درجات الغضب، نفسو الغضب لي تملك ساجد ملي لقاها فعلا هي ، زير على يدو و يالاه بغا ينوض حتى كي هرب راسو متفادي الرصاصة لي طلقات عليه ملي شافتو كي طل عليها...

ناجد(قرب ليها و خدا من عندها السلاح ناطق بعتاب): لميا واش هرب ليك؟

لمياء(حمرات فيه بعيونها): حيد نتا حسابك بوحدو...ليلة عرسك و فرحان كاتقصر مع البنات؟ لا و زايدها مصيفط ليا التصويرة؟

ناجد(خشا السلاح ورا ظهرو): الا راه ماشي انا لي جبتهم...(اشار بصبعو لپاردو) هاد خونا هادا...جابهم ليا كادو و لقيتوني عاد شديت فيديهم باش نخرجهم من هنا....

لمياء(شافت فالبنات لي شدو فبعضيتهم كي ترعدو بخوف و رجعات شافت فناجد): الضحكة كانت واصلة ليك لوذنيك و شنو؟ كنتي ناوي تخرجهم؟

ناجد(وجه انظارو لوجدان لي مازال كاتبكي، بلع ريقو و شاف فلمياء قبل ما يقول): و اله ما انا ا لميا..

ساجد كثرة الهدرة لي فالقاعة ضراتو فمخو وقف كي ماصي جوانب راسو حاس بالدوخة، دفع مورتي لي كان واقف قدامو حتى مال للجنب و مشا عند لمياء لي واقفة فبلاصتها كاتخنزر فيه، و غير وصل شدها من دراعها مزير عليهم بيديه قبل ما ينطق بحدة...

ساجد: معامن تشاورتي؟

لمياء(تنرات منو): طلق مني...(قوسات حواجبها معصبة) و بلا ما تحاول تقلب الموضوع بهاد جوج كلمات...