طعنه في خاصره النسيان

البارت الثاني والثلاثون

طعنه في خاصره النسيان
الڪاتبه ـ شمس النائلي

دافيةه مَثل البُحيره
وحاره مَثل الرصاص
هيج أعرفج ،
دنيا مَ بيها سكون
عِيون لَبوه ،
وصوت كاس
هيج أعرفج سَجن وَردي
ومنفى ما مَنه خلاص ..

دلهم ـ روح منين ما جيت ڪلمه الحب والحبجيات صارت مودل قديم علينا وعلى عمرنا الحب مات ويه الفات واحنا زمنا فات ومات اخر

غياث ـ مثل ما تردين عبالي اشوف الجهال بس عرفت اخوج مو اهنا لهذا هاج المسواك وسلمي عليهم..

دلهم ـ ماشي خلاهم وثڪلت وجهي بوجهه راح ولا نطق حرف رجعت الجهال فرحوا وخليت لمار تفرغ المسواك دخلت غرفتي قفلت الباب نار بصدري اه يا گلبي شكثر مقهوره علــىٰ روحي ما شافت شي حلو بحياتي..

اه منك لو ما تشوفني شڪلك ولا تجي ولا تكرب صوبي اني بخير ابتعد ابتعد ابتعد ڪااافي عايش دور العاشق الولهان وانت شيطان علــىٰ هيئه بشر

غفيت لحد الصبح طلعت لمار تروح لدوامها هنه يومين بالأسبوع بقيت انتظر الخط وما اجه اوفف شلون قهر

لمار ـ ماما عندي امتحان خل اتصل علــىٰ ابوي

دلهم ـ ڪافي ڪل السالفۃ ابوي ابوي ابوج ما عاد موجود بحياتنا اله حياته والنا حياتنا ترى زهڪتوني واللّٰۃ

لمار ـ خلصص مثل ما تردين اساسا ابوي ماله قيمه عندج علــىٰ شنو اذڪره.. والدوام ما اروحح بعد رايحة ادخل البيت اقرا احسن..

دلهم ـ رجعت وراها وﭑسبوٰ؏ ڪامل مر وهيه ولا راحت حتى الخط ما اجه تالي صفنت علــىٰ وضعي لبست صايتي رحت لأخوي لكيته يتغدى الله يساعدك.. رد من وره حشمة

إيهاب ـ هلااا

دلهم ـ الف عافيه

إيهاب ـ يعافيج.. خير؟؟

دلهم ـ سلامتك بس خويي جايتك علمود الخط شسالفه ما عاد يجي ولمار عدها دراسه هنه يومين.

إيهاب ـ اشوف!، نهى تعاي شيلي السم تسسمتت

دلهم ـ افرك بيدي فشلانه حتى كلاص ماي ما جابت شالتها ونفض ايده بقوه فزيت اسمعها بالمطبخ تحجي..

نهى ـ واللّٰۃ خوش ابتلينا احنا إيهاب مدرسة إيهاب الخط إيهاب مصاريف إيهاب كهرباء شنو طلعت هاي مخلفج وناسيج

دلهم ـ ما ڪدرت رحت الها جاوبتها؟ خير اشوف لسانج طلع يا مصاريف تحجين عنها شو المصرف يوصلنا وزايد حياتي طلعي نفسج منها خوش

نهى ـ زوجي سندي مو سندج كله إيهاب إيهاب ما تكدرين ديرين امورج وحددج الا رجال رجعي وفضيها هالعنتره هاي شو انتوا بلابل حب مو مثلكم بوس وحضن يم الباب يوميه..

دلهم ـ جان إيهاب ورانا ضربتها راچدي لان فقدت من كلامها صحت بيها نهى وربي اذبحج فاهمة طعنين بيه ما عشتي ولا خلقتي فاهمه واخوي سندي غصب عنج رضيتي وان ما رضيتي فاهمه