بسم الله الرحمن الرحيم
البارت : الخامس والعشرون .
بقلمي : حب موروث.
لا تنسون التصويت والتعليقات حتى نستمر...
ريماس : عدلت كعتي حاولت اطرد كل الأفكار واخذت اللابتوب وبديت اقرا للامتحان مال باجر
مرت ساعات واني على نفس الوضع حسيت بحرگه بمعتي لعبت نفسي كمت للمطبخ ماعرف شنو اسوي.
مياده : ها عمه شتريدين .
ريماس : التفتت عليها .. ماكو شي عمه بس عندي حرگه اريد فوار وطلع خلصان .
مياده : هاا هسه اكول لحاتم يجيبلج .
ريماس : يي والله عمه ضوجتني .
مياده : تدللين حاتتتم تعاللل يمه .
حاتم : ها خاله .
مياده : امك انيييي امك خاله شنو .
حاتم : على راسي امي كولي .
مياده : عيني اريدك تروح للصيدليه محتاجه فوار .
حاتم : صار .
ريماس : رجعت لغرفتي وقريت شويه ندگ الباب وجان عمتي جايبتلي الفوار .. ليش تعبتي نفسج عمه جان صحتيني .
مياده : لا حبيبتي ماكو تعب هاج شربي بلكت ترتاحين .
ريماس : أخذته وتشكرت منها وراحت شربته حسيت نفسي احسن لكن بس كعدت ثواني وحسيت شي وصل لبلاعيمي ركضت للحمام واستفرغت كل الاكلته
حسيت روحي طلعت نظفت الحمام وطلعت لازمه بطني وكعت على الجربايه مهدود حيلي لازم احجي ويا راهببب بس شلون من اطلع من الجامعه اروح للنقطه اليشتغل بيها زين اذا احد مراقبني شلون . الأفكار اكلت راسي اكل سديت الملازم ورحت لبابا جان كاعد بالاستقبال ويا حسام اشرتله يجي .
هشام : ها بابا .
ريماس : همستله .. اريد احجي ويا راهب من مبايلك .. لزم ايدي ومشه .
هشام : مياده اني راح اخذ ريماس واطلع للسوك ومناك اجيب العشا ويايه .
ريماس : استغربت من كلامه بس محجيت شي وحسام عرض على بابا يوصلنا بس ابويه رفض.
هشام : يلا حبيبتي انتضرج روحي بدلي .
ريماس : رحت وغيرت ملابسي على السريع وطلعت ورا .. بابا وين رايحين .
هشام : لراهب .
ريماس : صددك ؟؟ شلون اذاا حسام مراقبنا ؟
هشام : لتخافين ابوج وياج .
ريماس : فرحت حيل حسيت براحه تمشينا اني وبابا طلعنا من منطقتنا طلع مبايله واتصل براهب مجرد سمعت صوته حسيت بالأمان .
