كانت تشوف كيف خالد يسحبه من يده وكأنه طفل صغير مافيه حال و نحفان مرة و وجهه شاحب
خالد:ولد شفيك أكلمك أنا!
تركي:ياخي مافيني شيء!
خالد:إلا فيك
تركي:خالد يرحم أمك الي فيني كافيني تكفى
خالد:تحبها
تركي:لا ما احبها
خالد:كويس
تركي:لا تسوق خل السيارة ابي اهدى
خالد:ابشر
رقت غرفتها وهي مكتومه و بالموت تمشي كانت تعبانة بالحيل و عليها حرارة ولا قالت لاحد لبست بجامتها وهي دايخه قفلت باب غرفتها و استندت عليه بتعب , مسكت نفسها ما تبكي لان مو كل شوي بتنزل دموعها على اي شيء لازم تنزل لا ! ماقدرت تتحمل التعب الي فيها واخذت عبايتها و نزلت راحت غرفة عزيز ودقت الباب:عزيز
عزيز فتح الباب:روحي؟
العنود بتعب:ودني المستشفى عزيز مقدر تعبانة
عزيز:بسم الله عليك فيني ولا فيك يلا تعالي
مسك يدها ومشى فيها للحوش
الجد شيخة:هاو شفيها؟
نغم:على وين ؟
نايف:وين رايحين بذل حزه؟
عزيز:مكان قريب و بنرجع
الجدة شيخة:انتبه لها ي عزيز!
عزيز:دامها معي ماعليها خوف
رسل:عادي اجي معكم؟
عزيز:البسي عباتك حن بالسيارة
طلع وشاف سيارة خالد شغاله و واقفه عند الباب و تركي و خالد فيها
قرب منها ونطق:اركبي السيارة باجيك
دق الشباك على خالد ونزله:شعندكم؟
خالد:نلعب قزوعي
عزيز:اي زين
تركي:وش مطلعك بذا الوقت وين رايح؟
عزيز:المستشفى
تركي الي فز بخوف:بسم الله عليك بك شيء يعورك شيء تحس بدوخة ؟ يدك انجرحت ؟ بطنك يالمك؟ عليك حرارة؟ علمني شجاك ؟
عزيز:هد يبو قلبي مافيني الا العافية عاني واقف قدامك !
تركي الي رجع ضهره لوراء براحة:اجل وش يوديك المستشفى ؟
عزيز:بودي رسل
خالد:رسل قلت لي
عزيز:اي رسل
خالد الي كان يدري انها العنود لأنه شافها وهي تركب السيارة:كويس
تركي:شفيها؟
عزيز:تعبانة ورأسها يعورها واتوقع حرارة
تركي الي عرف انه ما يتكلم عن رسل لان أبوها موجود ويقدر يوديها نطق وهو يسمي عليها من ألمها بداخله:ما تشوف شر
عزيز:الشر ما يجيك ي بعدي
راح عزيز يركب السيارة و شغلها وجلس يستنى رسل مسك يد العنود:ماجت للحين ي عنودتي ؟
العنود:لا
عزيز الي حس بحرارة يدها و فز يلمس جبينها وفعلاً حار عرف انه حرارتها مرتفعه:فيك حرارة
رسل الي طلعت و ركبت و تأكد تركي انها مو رسل الي تعبانة عرف ان احساسه صح مو غلط
الساعة 2:40
عزيز:يلا انزلي ي روحي
نزلت و مسكت يد رسل متعبه من كل شيء متعبه من حرارتها متعبه من الألم متعبه من تفكيرها من كل شيء
دخلو المستشفى وبداء يكتب معلوماتها عند الكاوينتر
تركي الي لف على خالد ونطق وعيونه دموع:ودني المستشفى
خالد:خير عسى ما خلاف؟
تركي:ودني ي خالد
خالد:على اي أساس أوديك ؟ تعبان؟ مريض؟ فيك ألم؟ رأسك يوجعك؟ يدك ؟ ركبتك؟ رقبتك؟ حلقك؟
تركي:اي فيني ألم
خالد:وين هذا الألم علمني ؟ ابي اعرف
تركي الي اشر على قلبه ونطق:هنا هنا الألم عرفت وينه ؟
خالد:من وش الألم ؟
تركي:من كل شيء الألم هاذا الي هنا من كل شيء بالحياة يألمني بسبب كل شيء يألمني و بقووووة بس ما بتعرف قد إيش أنا احاول ما استسلم لهلالم و أتحمله عرفت وين ألمي؟ عرفت من وش اتألم؟ يلا ودني أشوف !
خالد:سمَ
