"من يوم شفتك وقلبي مد لك يده والعين ذابت في روعة حسنك وزينك"

p19

راحت شروق مع خالد الاسعاف
خالد:شكل الدكتوره ماهي موجوده
شروق:شكل بس عادي كلها كم جرح احط لزقة جروح وخلاص
خالد:طيب اجلسي هنا على الكرسي شوي وجايك
هزت براسها وجلست

عند انجود وسعود:
ركبوا الطياره وكان ترتيبهم المعتاد انجود وبجنبها سهم سعود بجنبه عبدالله ومروان بجنبه رغد

عند لمياء كانت على اعصابها وتنتضر شروق ترد
لمياء:قسم ان ماردت علي اقتلها لو ماكانت مقتوله

عند خالد وشروق:
تقدم خالد منها بشنطة الاسعافات عقم الجروح وكانت تتأمله بنظره كلها حب  بعد فتره خلص شال شنطة الاسعافات وطلعوا
خالد:عندي كلاس ذحين
شروق:اي حتى انا
خالد:اذا خلص كلاسك انتضريني برا
شروق:طيب جبت سيارتي
خالد:معليك اجيبها لك بعدين يالله لاتتأخرين
هزت براسها وكل واحد راح كلاسه

عند ياسر والهنوف:
الهنوف:ياسر يلا قم
ياسر:ياخي خليني اررقد
الهنوف:ياسر عندك دوام انت قلت صحيني ان ماقمت والله اسحب عليك
ياسر:يلا قمت
الهنوف:اشوف قم يلا صل ورح
هز براسه ودخل الحمام وانتوا بكرامه يتروش
نزلت الهنوف وحطت الفطور على النار طلعت الغرفه متوجهه للدولاب تطلع ثوب ياسر طلع ياسر من الحمام والمويه ينقط على جسمه كان لاف المشنفه على خصره والثانيه على كتفه ما انتبهت له حضنها من ورا
الهنوف: ياسر تراك تقطر مويه ابعد عني لاتروشني
ياسر:احبك
الهنوف:حتى انا بس ابعد
ياسر:اموت فيك
الهنوف:ياياسر شعور متابدل بس ابعد كويت لك الثوب امس رح بدل
بعد عنها وابتسم بخفه اخذ الثوب وباسها مع خدها ياسر:الله لايحرمني منس
الهنوف بابتسامه عريضه:ولا يحرمني منك

عند شروق وخالد:

بعد فتره خلصت شروق كلاسها راحت تنتضر خالد وبعد فتره خلص كلاسه وطلع لها ابتسم بخفه
خالد: زين تسمعين الكلام
شروق:اقول امش بس
راحوا لسيارة خالد
خالد:شوي اجيب لك سيارتك لاتخافين
شروق:طيب شالفايده
خالد: انك بتكونين معي
ابتسمت بخفه
وراح خالد كيان
شروق:ليه كيان؟
خالد:ماتحبينه؟
شروق:إلا احبه بس استغربت على بالي بتوديني البيت
خالد:امس قلنا بنروح بس تهاوشنا واليوم بنروح وعلى حسابي
شروق:اي اكيد على حسابك وكل شي اشتريه بيكون على حسابك ولا لاسمح الله فيه اعتراض؟
خالد بضحكه:لا لا ابد حلالي هو حلالك
ابتسمت بخفه
خالد:شتبين قهوه؟
شروق:V60
خالد: يالحبيب عطنا  اثنين V60 مع حلا
-اي نوع حلا تبغا؟
خالد:على ذوقك
-ابشر دقايق ويكون عندك
خالد:تبشر بالجنه

وصل الطلب واستلموه حاسب خالد وحركوا ركن السياره على جنب عشان ياكلون

شروق: عادي افك الطرحه ؟
خالد:اي اي عادي اصلا الشبابيك مضلله
ابتسمت بخفه
خالد:تدرين شروق كبرت
شروق:اي ادري يحمار انا شروق
خالد:اقصد الناقه شروق
شروق:تسبني ياخالدد؟؟
خالد:ما اسبك يانظري بس انتي قلتي لي اسمي الناقه شروق
شروق: ياويلي وش كان وضعيي بموووت
خالد: ليه شفيها؟
شروق:كل ماتقول الناقه شروق احسك تسبني
ضحك بخفه
خالد:شرايك نروح الديره نقعد كم يوم هناك لحالناا
شروق:ليه لحالنا لاسمح الله
خالد:ابي وقتي يكون معك
شروق:طيب متى
خالد:متى ماكان ماعلينا جامعه
هزت براسها بابتسامه

عند ياسر والهنوف:
بدل ياسر ملابسه وكانت الهنوف تحت كان يدور عطره بس مالقاه
ياسر بصراخ:الهنوووووف
الهنوف جات ركض للغرفه وقفلت الباب
الهنوف:ياحمااار ليهتصصرخ احمدد ناايم
ياسر: ما دريت وين عطري
الهنوف:ايت عطر
ياسر:اللي لونه اسود
الهنوف:اي بدولابي اصبر اطلععه
ياسر: ليه كان بدولابك؟
الهنوف:كنت اخبيه عن احمد كان بيكسره المهم خذ عطر ياسر نفسه وكانت الهنوف تتأمله اخذ المشط ومشط شعره وكااان جمييل
الهنوف:ياسر!
ياسر:عيونه وقلبه وروحه
الهنوف:قرب شوي
ياسر:سمي
الهنوف: نزل راسك
ياسر نزل راسه:عيوني
مسكت شعره وخربته بشكل عشوائي
ياسر بضحك:اوف ليه
الهنوف:اذا مشطت شعرك تطلع حلو بزياده!
ياسر: بضحك: تغااريين
الهنوف:شدخل اغار ما اغار بس ما ابي احد يشوفك حلو زياده غيري
ياسر: طيب ذي وش نعتبرها؟
الهنوف:وشو؟
ياسر: غيره
الهنوف:ماتفهم عربي انت اقولك ما اغاار
شدها لحضنه
ياسر:احبك واحب غيرتك
الهنوف:حتى انا احبكك بس ما اغاار
ياسر:افكر اتزوج الثانيه
رفسته مع ركبته
الهنوف: بس جرب
ياسر: انتي بالنسبه لي كل البنات
ابتسمت بخفه
الهنوف:لاتتأخر عن دوامك بسببي
قبلها بخفه من شفتها
ياسر:امشي نفطر
هزت براسها ونزلوا يفطرون

عند خالد وشروق بعد ماوصلوا
شروق:خالد تعال تغد عندنا
خالد:لمياء؟
فتحت شروق عيونها بصدمه وهي تتذكر انها ما اتصلت على لمياء بعد المهاوشه

______________________________________

اسمعوا حبايبي ماقدرت اطول عليكم اكثر من كذا والاختبارات النهائيه مره قريبه كتبت ذا البارت الاسبوع الي راح والمفروض ذا الاسبوع اكمله بس مره ماقدرت بسبب ضغوطات الدراسه ولازم اجهز للأختبارات النهائيه واكيد انتوا بعد مشغولين  اتمنى تتفهمون🥹