روح تراني طايب النفس مابغاك حكم طغى ماعاد ينفع نظامه

البارت ٣٠

رغد بهمس : انكشفنا يا بنات وصلنا للحلقه الاخيرة
كان امير يطالع رعد بصدمة من الي سمعه
وكلام سليم جا بباله
امير : كيف يعني اخوي مات ؟!
هز رعد راسه يشوف تغير تعابير وجهه : قولي يا امير وش صار معكم هذاك اليوم
امير : ماصار شي بينا قال انه بيروح المزرعه ومن بعدها اختفى
اسر : طيب لو قلت لك اننا لقينا بيلين عند المزرعة ، صدمتها سيارة وهي كانت تنحاش من نفس مزرعة اخوك
امير ببرود وعدم اهتمام : اخوي ماله دخل اكيد هي الي كانت تلاحقه
ابتسم اسر يحط يده على الطاوله يقرب من وجه امير يهمس : ترا بيلين قامت وقالت لنا كل شي احسن لك تعترف
برد وجه امير من الي سمعه يناظر اسر وملامح الجديه عليه
امير : اطلع
المحامي : بس
قاطعه امير يأشر للباب يهز راسه المحامي يطلع
امير : وش الي تبون توصلون له بالضبط ؟
مسك رعد الملف حق جابر يقراه : قضية تحرش تهريب ممنوعات تعاطي ضد جابر وئام بس بمنتصف التحقيقات القضيه انسحبت او يمدينا نقول القاضي عطاه حكم برائه قبل بداية الجلسه وش ردك على هذا الكلام ؟
امير : ياحضرة الرائد من الواضح اننا مشغلينك لدرجة لك سنين تلاحقنا صح ؟
رعد : شايف بس من كثر الحب ، الحين تعترف ولا كيف ؟
امير : ماعندكم دليل ولا سبب انكم تجيبوني هنا علمتوني عن وفاة اخوي وماراعيتو نفسيتي وجايين تستجوبوني
كيف كذا يا حضرة اللواء
ناظر امير الزجاجه الي توضح له البنات يكمل : يمكن زوجتك زعلانه على حبيبها وانت قاعد تستجوبني وهي هناك
جن جنون اسر يمد يده مسكه من ياقته يوقفه يضرب ظهره بالجدار : وش تقول انت وش تقول كيف تجيب طاري زوجتي على لسانك النجس اقصه لك ان فكرت تجيب طاريها سامع يا امير
دخلو توليب وتوق ورا ادم الي مسك اسر مع رعد يحاولون يهدونه
توليب : اسر الله يوفقك اتركه لايجي المدير يعاقبك اسرر
كان اسر زي المجنون مايسمع الا كلام امير وبس ، وعى على نفسه من صفعه ادم يبعده عن امير الي ابتسامة الاستفزاز على وجهه وناظر رعد وتوق يكمل قبل مايطلع : وشو يا توق شفتي اخوي مات اخو زوجك مات شكلك زعلانه
راحت توق له صفعته بقوة تبدا تدفه : لا اسمع لك حس انقلع
كان امير بيتكلم بس وقف وراها رعد
وكان شكلهم متناسق جدا كأنهم اللبوه واسدها ، شامخين يوقفون قدام بعض
ويبين لهم انه سندها ومعها طول العمر
رعد : على بالك اني ما اعرف شي يا امير انا كل شي عارفه وبندمك على الساعه الي فكرت تتلاعب مع حرمي والحين روح مالك شي عندنا ، لما نناديك للمركز تجي مب تتعبنا معك
ابتسم امير بأستفزاز يروح بدون اي يرد ولحقوه اخوانه والمحامي حقهم
سحبت توليب اسر يروحون لمكتبه
يتركون الباقي وراهم
ادم : وش الي سويتوه مافكرتو بالشارة الي معكم
ولاء : ادم
ادم : ولاء مافيه ادم الحين كمدعي عام المفروض اصدر امر وانهم يوقفونكم عن العمل ويسجنونكم ، قولولي وش صار ؟
توق : دفاع عن النفس
ادم : واخفيتو اثار الجريمه صح ؟ ، قتل بحكم دفاع عن النفس وخصوصا لشرطيه وفوق كذا مدعيه عامه عقابه اقل
بس انتو اخفيتوها ، لا اشوفكم طالعين برا السعوديه خلكم بالرياض الين اشوف فعلتكم ذي وين بتوصلنا
رغد : وش بتسوي بننسجن ؟
ادم : كل الاحتمالات واردة ، مع كذا بحاول انكم ماتنسجنون
مسك رعد يد توق يسحبها معه للمكتب حقه ، دخل وسكر الباب يخليها تستند عليه
رعد : الحين ذاك اليوم نمنا مع بعض زي العشاق ولك يومين ماتسمعيني صوتك
نزلت نقابها تحط طرحتها على كتفها
تتكتف : رعد بدون ماتلف وتدور ، وش الي تعرفه ولا تهديد ؟
حط رعد يده على الباب يحاصرها يقرب وجهه من وجهها : اعرف اشياء قليلة بس وانتي بتقولين لي كل قصتك معهم او قصتكم انتي وصديقاتك
توق بهدوء : انت تعرفها ماله داعي اتكلم واتعب نفسي
تنهد من عنادها الي بدا يظهر ينزل يحاوط خصرها يحملها له
توق : رعد نزلني
جلس رعد على الكنبه وهي بحضنه
رجع ظهرة على ورا يحط راسها على صدرة يعبث بشعرها : قوليلي سولفي عرفيني عن نفسك وماضيك ابي اعرف كل شي منك مو من احد غيرك
رفعت راسها تناظر نظراته عليها
زمت ثغرها ثواني ترجع راسها على صدرة ويده على خصرها تبدا تسرد عليه ماضيها
وهو يسمعها بكل شي تقوله