شروق غير معتاد

بارت 1

في فجر يوم جديد تحديداً الساعة 4:30 الفجر :
رن منبة شاكس وكان منزعج من صوتة و بتذمر قام غصب عشان يسكرة .
شاكس بتذمر : اوفففف وجع وجع الله يقطعك يا اليهودي الي حاط لنا اختبار يوم السبت الصبح من الساعة 9 الله لا يوفقك .
قام شاكس من فراشة بكل صعوبة بعد نوم 4 ساعات بس عشان يقوم يراجع حق اختبار الجامعة راجع المادة الي علية و غير ملابسة و طلع و طول مسافة الطريق وهو يراجع لان ما كان متطمن ولا يحس انة ما راجع عدل وصل الجامعة و قدم اختبارة و رجع البيت .
في البيت :
ام شاكس : ها بشر شلون الاختبار ؟
شاكس : خرا كل عادة جامعتنا تعرف تحط اسئلة نفس الناس هاي حتا لو يروحون المريخ ما حصلو مثلها .
ام شاكس : الله يعين المهم يلا انزل غدا .
شاكس : مو مشتهي شي ابي انام ما نمت الا اربع ساعات امس .
راح شاكس ياخذ شور طويل و الماي يصب فوقة وهو يفكر بعمق بل اختبار الي ما قدم فية عدل و فكرة ورا فكرة صار يفكر بعمق في كل تفاصيل حياتة الاخيرة من اول يوم دش في الاكتئاب لين اللحضة الحالية وهو يفكر بدت دموعة تنزل و انهار و عصب على نفسة شلون ضيع كل هاذي السنوات على ولا شي وكانت كل فكرة و كل لحضة من لحضات حياتة الي ضاعت تزيدة قهر و عصبية لين ما زادت عصبيتة بس ما كان في شي قدامة يكسرة او يضربة و تذكر وعدة حق نفسة ان لما يعصب ما يطلع طاقتة في اي شي يطلعها في الوقت المناسب و المكان المناسب الي هو الجم فخلص شور بسرعة وطلع وهو صايدتة غصة ومو طايق حد اتصل على الكوج مالتة :
شاكس : الو كوج بتجين النادي اليوم ؟
الكوج : اي بس اليوم ما عندنا تمرين
شاكس: ادري بس ابي اتمرن بروحي اليوم
الكوج: تمام اصلاً كل سبت اروح ارتب امور النادي ومحد وموجود
شاكس بدل ملابسة و لف يدة بشريط البوكسنق و لبس داعم المعصم في رجولة و جهز شنطة النادي و طلع من البيت وهو يحاول يمسك اعصابة و وصل النادي لقى الباب مفتوح بس الكوج مو موجودة ، حط شنطتة على الارض و غرف سكوب من البري ورك اوت و حطة في علبة و خضها مع شوي ماي و شربة و راح وقف قدام كيس الملاكمة وبدا يسدد ضربات بأقوى ما عندة عشان يطلع الطاقة المكبوتة .
الكوج وهي تصفق : برافو
لف شاكس : كوج انتي من متا هني ؟
الكوج : توني جاية بس قلت حق الحارس يفتح لك النادي قبلي بس وين بدلة الكراتية ما اشوفك لابسها ؟
شاكس: ما راح اتدرب كراتية اليوم
الكوج وهي رايحة تجيب اخشاب : مشاءالله يعني انا مدربة موي تاي جاي تلعب موي تاي بدال الكراتية
شاكس وهو يطالها وهي تتحلطم لين ما جات وقفت قدامة بلوح خشب
الكوج : اضرب بأقوى ما عندك
شاكس : ليش ؟
الكوج: شفتك وانت تلعب وما كنت منتبة لوجودي و عجبتني قوة ضرباتك فيها بور ابي احدد مستوى قوة ضرباتك
شاكس ضرب اللوح بأقوى ما عندة وكسرة
الكوج : حلو
جابت الكوج واقيات و قالت حق شاكس يضرب بأقوى بور عندة عشان تحدد مستوى قوة ضربات رجلة
الكوج : حلو مشاءالله ضرباتك فيها بور يعني تقدر تسبب اصابات بليغة اذا استخدمتها بالتكنيك الصح
و بدت الكوج تعلم شاكس شلون يحدد مكان الضربة صح قبل ما يضربها و كل ضربة شنو ممكن تسبب من اصابات و تمسك معصم يدة و تحركة مع اتجاة الحركات عشان يفهم طريقة وهي تشرح لة الكوج : انتا وينك عنا من زمان عندك موهبة حلوة في الالعاب القتالية حتا قوتك تعتبر قوة ناس متمرسة مو مستوى مبتدئين ابداً
شاكس : كنت العب سابقاً تكواندو و شوي كيك بوكسنق و اصلاً كنت العب رياضة من يوم كنت صغير
الكوج : حرام انك ما تكمل ااكد لك انك تقدر تجيب الحزام الاسود في فترة حلوة بس لا تقطع و شد حيلك عندك الموهبة و القوة
مر الوقت و خلص شاكس تمرين ورجع البيت .
يتبع .......