قزح 107

part46.47.48

#قزح_107...بارت٤٦

بقلمي: زهراء السلامي

رجعولنه واهس النشر بتفاعلكم شبابزز 😔💕

ڪلهن دگن بالعظم ولاوحده اجت بالريش 💔🫀

❥__ ❥

-حسين: اكو واحد يخابر هيج وقت!!

-حرملة اني جاي للنجف

-بهالوقت؟ شعندك بالأربعة الفجر خويه عوف المگبرة بهالوكت وعلي مو زين عليك

-حسين مرتي غايبه عن الوعي ما جاي تصحى

كعدت على حيلي مستغرب، يحجي ويلهث ومتوتر هذا شسوه بالبت..

-ليش شبيهه؟

-جاي جاي ساعه واني يمك

سده بوجهي وذبيت الموبايل ورحت جوه، دكيت باب غرفة امي سمحتلي ادخل ابتسمت واني اسمع صوت تجويدهه لقرآن الفجر منتطرة الصلاة..
-ام حسين: صدق الله العلي العظيم، هاا حسونتي

-حسين: تقبل الله يوم حسبالي نايمة بعد وكت على الصلاة

-لا يمة ما جايني نوم تحلمت بأبوك وفزيت الف رحمة على روحه

-الله يرحمه، يمة قوس ومريته جايين بعد شوي

-يا خيه شعدهم من الصباحيات

-حسين: تذكرين من كتلج مريته صايره تفقد الوعي وتفز تهلوس وترجع يغمي عليهه؟

-ام حسين: عمت عيني ولك هاي صار خمس ايام من كتلي بعدهه هيج

-اي يمة هاي صارلهم اسبوع متزوجين والبت يكول ما جاي تصحى ما تحس على روحهه وماتحجي شي لا اكل ولا شرب عايشه على المغذيات تصحى شوي تكمل حاجتهه وترجع..

-يا يبنيتي سودة بوجهي ما تستاهل چا اهلهه وين؟

-موجودين بس ما گللهم على الصار اخذهه للمستشفى ويركض بيهه هنا وهناك يريدلهه چارة متسودن على وضعهه

-حقه چا منو يتحمل هالوضع هلكت البت عمت عينك يقويس

-حسين: يمة صراحة اني گتله شاك السالفه بيهه عمل

-قصدك ساحريهم؟

-اي وكلت لقوس بهذا الشي بس المشكله همه ماعدهم شي اسمه سحر وما يؤمنون بي
-شلون سالفة هاي وليدي

-اني شكيت لان تذكرت اخيتي ابتهال شصار بيهه من سحرتهه العارة حماتهه

-اي اي وعلي صح خرب عقلك خوش تفكر يبعد امك

-يوم طالع عليج

-دتعال انطيني حبة.. افيشش هالريحة وليدي النظيف المرتب اغديلك فدوه ولك يوم يمته تتزوج اشتعلت لشتك

-عوفي الزواج يمة سولفيلي اذا يجون انتِ حاچي واقنعي خطيه هاي طفلة لا تروح تدمر

-اي لازم زين سوه من يجيبهه هنا ناخذهه لخالتك ام عباس السحارة