بسم الله الرحمن الرحيم
البارت : السادس والعشرون
بقلمي: حب موروث
لا تنسون التصويت والتعليقات حتى نستمر.
ــــــــــــــــــــــــــــــــــــــــــــــــــــــــــــــــــــــــــــ
هشام : ريماس بابا شبيج جاي تسمعيني ؟
ريماس : رفعت راسي شفت كاعد كدامي ويحجي واني ممنتبهه اله .
مياده : يمه ريماس احجي شكو منو اتصل ؟؟
ريماس : وكفت وقدمت الها المبايل ورحت لغرفتي اريد اسد الباب وبابا دفعه ودخل .
هشام : ريماس بنيتي احجيلي شنو سمعتي منو اتصل ؟
ريماس : هزيت راسي لا .
هشام : شنو يعني مفتهمت ؟
ريماس : طلگني مكدر على حسام خسرت كلشي بابا
اني حجيت هيج وبابا مادري شلون طلع من الغرفه الباب نضرب حيل وراه اني مكدرت اسوي شي حسيت روحي تعبانه ماعرف شنو اريد كمت شلت أغراضي كلها فرغت الغرفه ورتبتها التفتت على الباب شفت عمتي تبجي درت عيوني منها واخذت الجنط وطلعت ماعرف وين رايحه بقيت امشي وامشي اجرت تكسي وصعدت .
ــ عيني وين رايحه .
ريماس : لشارع ...
ــ صار يابا .
ريماس : وصلت المكان ماعرف ليش بس روحي رادت تجي هنا انطيت الكروه اله ونزلت حسيت وجع بطني مو طبيعي مشيت ليم بابهم وكعدت بالكاع مكدرت اوكف رفعت ايدي ودكيت الباب دقايق وسمعت صوتهم وفتحوا الباب .
اياد : انتِ ؟؟ ريماس هاي أنتِ !!
ريماس : هزيت راسي يي هو جان مصدوم معرف شيكول ركض جوا .
نغم : وينهااا .. ريماس ؟؟ شعندج هناااا بعدين ليش كاعده بالكاع .
ريماس : حجيت بتعب ماكدررر اكوم مابيه رفعت حاجبها متعجبه اجتي هي واياد كوموني .
نغم : هاي شنوو ريماس جاي تنزفين ولجج شبيججج ؟
ريماس : باوعت على نفسي لكيت رجلي نازل عليها دم كمت ارجف من الخوف وبجيت .
نغم : يااا شجاججج ايادد روح صيح ام محمد بسرعععه .
ريماس : دخلتني جوا واني على نفس حالتي ماعرف شنو جاي يصير ودتني للحمام ذبيت الملابس وغسلت جسمي واني ارجف كملت ومدت الي الخاولي والملابس والأشياء الاحتاجها طلعت وكعدت على التخم وهي كعدت كبالي .
نغم : اكدر اعرف شكووو هسه ؟؟؟
ريماس : حجيت واني اشهگ تعبانه وماعندي احدد كلت اجي يمج .
