وقف حدا الباب كيتسناهم اخرجو لي دخل او هوا اعقد حجبانو ملي شاف دينا كتجر ليليان باش تبقا معاها او زاد عقدهم ملي سمعها اشنو قالت
دينا : (كتبكي) حرام عليك والله بقاي معايا واش منيتك بغيتي تخليني معا قتال اليليان الله اسهل عليك لما خرجيني من هنا راه رجليا كيرجفو مقديتش نوقف عليهم
ليليان: (جرات ايديها منها او هزات فيها صبعها كتحذير ) آآخر مرة ادينا آخر مرة نسمع من فمك هاد الكلمة هاداك لي قلتي عليه قتال راه عمي سمعتي عرفتي كون مكانش فداك الوقت كون راكي ميت فشي قنت ولا مقطع طراف (حطات ايديها على حنك دينا بالحنانة ) نتي وليتي فحال ختي منبغيش نخسرك بقاي هنا عمي باغي غير اهدر معاك فهاد الموضوع او غادي اوصلك حتا لداركم هاني برا كنتسناك
دازت من حدا سيف لي تبسم ليها بلطف او خرجات او تقدم سد الباب
جر كرسي قلبو او جلس مقابل معاها هيا لي عينيها في الارض حتا سمعاتو نطق لي هزات عينيها العسليين معا عينيه الكحلين كسواد الليل او شعرو هابط على عينيه بقات ساتها فيه هوا لي كيشوف فيها من رجليها لراسها لي تكلم
سيف : (ببرودة ) عاودي لي من الاول اشنو وقع
دينا : (هبطات راسها لارض كتفرك في صبيعاتها خلعها صوتو) نزلت من التاكسي في تجاه الجاميعة او لقيتو تابعني كيعيط عليا او ملي موقفتش ليه جرني بجهد اسرفقني قاليا مالكي متكبرة على والو (هزات عينيها فيه ) حم او دفلت عليه ملي بغيت نهرب شدني من شعري او بقا جارني حتا لجردة انا كنغوت مكان حتا شي حد (مسحات دموع بكمامها) او بغا افسخ ليا حوايجي حتا فقدت الأمل انه انقدني شي حد أو جيتي نتا
هزات فيه عينيها عوتاني او نطقات ، حم شكرا لك اخويا حتاش عاونتيني
قرب ليها بطولتو حتا خلعها او نطق بصوت حاد :الا سولك شي حد واش شفتي شي حاجة اشنو جوابك ؟
دينا (قربات تموت بالخلعة بسبب قربو ليها او صوتو الحرش بلعات ريقها او نطقات ) م مشفت والو
سيف : (بعد منها ) ايمكن ليك تخرجي
خرجات او سدات الباب او تكات عليه حاطة ايديها على قلبها لي كيضرب بلخلة ،ياريي سلامة اش هاد الزين كامل فيه
هبطات لتحت لقاتهم مجموعين على ليليان لي قالت ليهم راه تعرض ليها شفار او عتقها سيف او ملي سخفات جابها معاه حتاش ليليان كتعرفها
سمية تقدمات عندها بهدوء ( على سلامتك ابنتي)
دينا :( بتاسمات )الله اسلمك اخالتي
أنت تقرأ
قلــب يعشـق فـي صــمت ✨🔞
Romanceالقصة تدور حول شخص يعيش مشاعر عميقة تجاه شخص آخر، لكن هذه المشاعر ليست متبادلة. يعيش هذا الشخص في حالة من التوتر والقلق، حيث يحاول إخفاء مشاعره وهو يتأمل الشخص الذي يعجبه من بعيد. يتخيل لحظات تجمعهما، لكنه يدرك أن الواقع مختلف تمامًا. مع مرور الوقت،...
