في مبسمك يضيع كياني وثقلي وأصير كأني طير بين اياديك

" بارت ، 1 "

اقدر اقول ان خيالي و قلمي بدأو يتحدون ؟

اعتذر من أهل حايل جميع اللهجه ما اعرفها زين ..

ما اطول عليكم ، قراءة ممتعة ..
_______________
" في احد أحياء عروس الشمال { حائل } " ..
' الساعه 10 الصبح '
توه راجع من الدوام دخل بيتهم و توجه لغرفته واخذ دش وجلس يهوجس وش صار فيه السنين الاخيره تساؤلات كثيره براسه مالقا لها اجوبه مقنعه ، يقول بينه وبين نفسه : ليه جدي ماشفت منه الحنيه ؟ وش السبب اللي خلاه يقسى عليه كذا ؟ ليه صرت قاسي على المجرمين اللي امسكهم ؟ ليه مايسلم منه المجرم اللي يطيح تحت يدي ؟ هل السبب انهم معادين للدوله وطاحو تحت يد احد ضباطها ؟ لكن نفسه تقول لا مو هذا السبب ، السبب من بعد ذيك الليله اللي طلعت منها من المزرعه وخايف على اهلك وحلالك ابتسم ابتسامه جانبية لما تذكر شلون طرت عليه فكره يأمن اهله و خيوله وابعدهم عن جده ونواياه اللي يسويها ولا يسمع لاحد ووشلون جا فباله  ينحاش عن جده ولا قدر يشوفه ولا يسوي شي ..

« في الماضي وهو بعمر الـ 19 »
" يوم الخميس الساعه 1 الظهر "
صحى من النوم وتوضى وصلى الظهر وفتح جواله شاف رساله بقروب ال صقر ان فيه عشاء عائلي الليله بالمزرعه وسكر الجوال ونزل للصاله شاف قدامه امه وابوه واخته جالسين يتغدون ونطق : السلام عليكم
رد الكل : وعليكم السلام
كملت ام فهد : انطح فالك تعال تغدا ياولدي
تقدم وحب راسها ونطق : ماعاش اللي يردك يمه
وكمل حب راس ابوه وجلس يتغدا
بعد الغداء جابت غيم الشاي والقهوه والحلا والمكسرات وحطتهن على الطاوله ومدت الحلا لأمها وابوها وبعدها لعتيق ونطق : مدلعتنا اليوم غيومه
شافته واستحت ونطقت : تستاهلون ، شي قليل ذا
ابو فهد : عتيق وانا ابوك اليوم جدك مسوي عشاء حركاتك اللي تنحاش بطله اخر مره جلست مع عمامك قبل عشر ايام وانا وابوي واخواني وعيالهم كل خميس او جمعه نتجمع يا بالمزرعه او بالمجلس الكبير
عتيق : ابشر يبه وترا عندي علم ماله داعي تقول لي واساسا بروح بعد شوي لـ الكايد ( احد خيوله ) الباكستاني يقول ماله حس اليوم هقوتي انه مريض وبجلس اصلح القهوه دامن هناك
ابو طلال : ياويلك اذ انحشت وصرفتن الكايد
عتيق : شدعوه يابو فهد بحياتي قلت لك كلمه ولا سويته
ابو فهد : لابالله يابو خلف بحياتك ما سويته
سولف شوي معاهم واستاذن ومشى للمزرعه

بعد 40 دقيقه وصل للمزرعه وقف سيارته بالمواقف وتوجه لاسطبل خيوله اول ماشافوه صقر و الكايد توجهو له يركضون ويصهلون ، شافهم وابتسم لاحظ المهره مهي معهم والتفت على الاسطبل وشاف المهره نايمه وتطمن ، وصلو عنده ومسح على روسهم  ونطق : هقيتك مريض ي الكايد 
وسكت شوي ونادا الباكستاني يجيب اللجام وركب على ظهر الكايد وتمشى به بالمزرعه ورجع وحط لهم العلف وتطمن عليهم ورجع للمشب يصلح المعاميل

" بعد ثلاث ساعات ، الساعه 5 العصر "
وصلو ال صقر كلهم من اكبرهم ل اصغرهم و توجهو الرجال للجلسه بالحوش الرجال جهزها عتيق قبل وصولهم والحريم لقسم الحريم اللي يفتح بالجهه الخلفيه من مدخل المزرعه ونزلو عباياتهم و جابو دفايات الشاي والقهوه وكل وحده نزلت الصنف اللي جابته معها والرجال اخذو اللي جابوه لهم

" عند الرجال "
بعد ماجلسوا والسوالف اخذتهم ووش صار معاهم وكانوا واقفين فيصل وباسل يقهوون الموجودين
نطق ابو طلال : بسالك ياعتيق وينك مانشوفك الفتره الاخيره مختفي مالك حس ، وكمل بمزح : لايكون ماخذ لك مسيار ولا تبي تعلم ابوك علم بالصحيح
عتيق بمزح : اي ياعمي انا وابوي اخذنا خوات مسيار ولا علمنا احد لكنك فضحتنا الله يطول بعمرك
ضحكو الكل ووقف عتيق وقال للعيال : من يخاوي
نطقو الكل : وين تبي
عتيق : بروح لحبيباتي
ابو فهد : اسلم يابو خلف طلعت عاشق ولاهي وحده
عتيق : اي يبه من مايعشق خيوله
خالد : دامها للخيول انا معك
باقي العيال : وحنا معك
وقفو واستاذنو من عمامهم و راحو للخيول ، وصلو قريب للخيول وفزو من ...