لايهم من يبدأ فلأخير هو من ينتصر*
-الفصل الثاني -:
�أنثى سبب هيجاني�
#الحلقة81
وهذا لي صرا خرجت الممرضة ودخل عندها غير مـعتز وميلي
تبسمت ميلي في وجهها بحنان قربت ليها طابعة قبلة على جبينها وماسحة على شعرها بحنان
ميلي : صفا
رحمة بهدوء : الحمد الله على كل حال
ميلي : وله الحمد
قربت ليها مطلعتلها سرير للفوق خلاها تتقعد وتريح في جلستها
ميلي : هانا جبنالك لعشا او تهلا فيك مـعتز لحم ولكبدة ياختي شكون كيما نتي ��
رحمة : قولي والله طل على قلبي لحم نموت عليه
شافت في مـعتز غامزاتو
ميلي : لحم ماركي في لكارني اخي
ضحك وفي نفس الوقت عاقد حواجبو فيها تاع متمرڨيهاش
هو الاخر فتح لقفة لي حطو فيها كلش جبدلها سوب وميلي قربت طابل لي حاطينها فوق سرير قربتها ليها وحطو كلش فوقها لاسوب مع طبسي في كبدة خروف ولحم
ميلي لي صونالها تليفون خرجت تريبوندي
في حين مـعتز رفد لمغرف يوكل فيها
رفدت يدها بصعوبة من لحرج
رحمة : احم مكلاه دوك ناكل وحدي صحيت
مـعتز : نو راكي مريضة تفششي شوية العيد ماشي كل يوم يا لالة
رحمة : حشممممت احم بيزار نتا توكلني
مـعتز لي ضحك ضحكة بلكاد بانت في ملامحو من كلامها
مـعتز : نو متحشميش وانا حاب نوكلك تسالني
رحمة : حاشا دير لي حبيت
مـعتز : يعيطك صحة دوك هيا كولي قبل ما تبرد ولا هوما يجيبولك مكلتهم سامطة
تبسمت على كلامو وفتحت فمها مستقبلة اول مغرف
وكمل موكلها حتى كملت بعدها عطاها كبدة لي كلات منها شوية ولحم كملاتو ضحك كي شافها صح كملاتو
مـعتز : ملا صح تحبي لحم
رحمة : علاه قالولك كنتي نكذب نموت عليه
مـعتز : تبسم ناطق مع نفسو : لعقوبة تموتي على عفسة خلاف
عطاها وراها نعناع شرباتو ريحت شوية بعدها شربت دوا تاعها كلو
بقى معاها يخزر فيها ويدقق في ملامحها حقا جميلة في كل حلاتها
بياضها جاه غير طبيعي وفريد شعرها الاسود كي عتمة ليل وظلمة لبيت بلا ضو وبلا نور
حسها كأنوو هي مزيج بين نور وظلام
وجهها نور وشعرها ظلام لي اذا غرق فيه لواحد جامي يسلك منو وحاس روحو حيكون من لغارقين وخايف بزاف من لغرقة تاعو
أنت تقرأ
♨️بــنــت الــكــبــران♨️
Romance_____ 🎥🎥 القصة بعنوان: " بــنـت الــكـبــران" قالت: "لم أكن اعرف بقيمة الوطن حتى تزوجت مدافع عنه" قال: " ومن الوهلة الاولى أسميتها عفيفة طاهرة" القصة تتضمن كل من #عنف..مشاهد بوليسية...منظمات ..مافيا...قتل...غيرة..تملك..عشق.. .. مراحش نحكي عليه...
