" حائل "
ابتسم ابتسامه جانبية لما تذكر شلون طرت عليه فكره يأمن اهله و خيوله وابعدهم عن جده ونواياه اللي يسويها ولا يسمع لاحد ووشلون جا فباله ينحاش عن جده ولا قدر يشوفه ولا يسوي شي ، وقف ولبس ثوبه ونزل لأهله تحت يتغدا معهم
ونطق : السلام عليكم
الجميع : وعليكم السلام
سحب الكرسي وجلس معهم وشاركهم الاكل
خلصو اكل وجابت غيم الشاي والقهوه والحلا وسناكات خفيه هي مسويتها كـ العاده
عتيق : يبه يمه بطلع للبر ثلاث ايام هالويكند وراجع
ابو طلال : زين يابو خلف بس من معك
عتيق : مع اخوياي مافي غيرهم اللي بالدوام
ام طلال : الله يحفظكم يمه
تقدم وحب راسها : ويحفظك لنا يالغاليه
غيم بمزح : احسن فكه طفشنا من وجودك حولنا
عتيق : اجل افكر امدده ثلاث سنين
غيم : ياليت
خلف و فريده عارفين انهم يمزحون وماقالو شي
وقف وتوجه لأمه وابوه وحب روسهم وناظر لغيم وابتسم ومشى وخلاها وتوجه يطلع
بعد الابتسامة خافت انه على باله انها صادقه وركضت وراه ووقفت عند المدخل تشوفه : عتيق
التفت لها من سمع صوته : هلا
عضت شفتها بقهر بالعاده يقول لها سمي ياعيون اخوها لكن هالمره قال هلا لحالها ، ركضت له وارتمت بحضنه وحاوطته من ظهره ونزلت دموعها
شافها ارتمت بحضنه وحاوط ظهرها بيساره ويمسح شعرها بيمينه وابسم من حركتها ولا تركته يروح كذا ، رفع فكها لوجهه وتلاقت عيونهم وشافها دمعت مسح دموعها ب اصبعه ونطق : ليه الدموع ياعيون اخوها
نظقت برجفه : خـ خفت تروح وانت زعلان علي
عتيق : تتوقعين ازعل منك ؟
دفنت وجهها بصدره : عتيق والله امزح واول مره احسك زعلان تكفى لاتروح كذا بدون ماتودعني
شد على ظهرها وحب راسها ونطق : انتبهي لنفسك ياعيون اخوك واستودعتك ربي ياحبيبة اخوها ماله داعي الصياح كله ثلاث ايام وراجع
غيم : وش يصبرن ثلاث ايام على فراق حبيب اخته
عتيق : اكنسل واجلس عندك ولا تزعلين
غيم : عتيق مو من جدك روح انبسط
عتيق : اكيد ؟
غيم : اكيد ياعيوني وحبيبي
استاذن منها وطلع لسياره وتوجه للبر ..
" الجوف "
مسكت راسها بتعب وتشكل قدامها الموقف من جديد قطع تفكيرها اشعار من جوالها ، تقدمت تاخذ الجوال وتشوف رساله من روان : بنت صاحيه ؟
فتحت الرساله وردت عليها : يب ياعيوني شبغيتي
روان : ماجاني النوم وارسلت لك طفشت لحالي
انسام : جيتي بوقتك كنت برسل لك اصلا
روان : تمام ياروحي تعالي عندي بجهز الجلسه بغرفتي
انسام : تمام ياعيوني ربع ساعه واكون عندك
" نفود حائل "
وصلو لمكانهم المعتاد لكن هالمره ناوين يخيمون هناك عتيق وخالد وصلوا بالشاص ومعه بيت الشعر ومعداته كامله من فرش ومساند ومراكي وخيمه ناوين يخلونها للطبخ وعزبة الشاي الخاصه به ، ماجد وطارق معهم عزبة الشاي والقهوه وعزبه الطبخ و قدور وغاز وكل ما يلزم للطبخ وخروف يبونه مدة جلستهم ، فراس معه السلطات والفواكه وعصيرات وثلاجه وجاب دبة زياده و عدة الشوي كامله و شوي زغاليل حصلهن عند واحد يبيعهن بنفس المحطه
جميعهم اخذو سناكات من السوبرماركت وكم دبه ماء تكفيهم مدة جلستهم بالبر
عتيق : يالله الهمه قومن تعاونوا ما نذلوا
خالد : وانت صادق مامعنا وقت الحين تغيب الشمس
تعاونوا بيد وحده وانجزوا رفع بيت الشعر والخيمه
فراس : انا وعتيق وطارق نفرش الفرش بالبيت وانتم ياماجد وخالد نزلو حوسة المطبخ بالخيمه
خالد : نعتبره امر ياحضرة اللواء ؟
فراس : الامر داخل أسوار المركز ياحضرة العميد اما برا طلب من اخو لاخوه
خالد دق تحيه لفراس : على امرك حضرة اللواء
عتيق : اقول انت وياه ورا ماتسكتون وتنجزون نبي نوصل الكهرب قبل مغيب الشمس
فراس وخالد مع بعض : على امرك يا الساطي
- الساطي لقب عتيق بالمركز امام المجرمين ، واللي سماه باللقب المحقق طارق لانه من يدخل عند المجرم دقيقتين ويعترف بكل شي -
انجزوا كل اللي عليهم ووصلو الكهرباء لبيت الشعر والخيمة وصلحوا الشاي والقهوه وجلسوا وسولفوا وضحكوا ولا جابوا طاري المركز ناوين ينعزلون عن جو المركز هالثلاث ايام لحالهم
مر الوقت و دخل وقت صلاة العشاء وصلو وخلصو صلاه بعدها جلسوا وكملو سوالف وضحك ، ومن بين سوالفهم نطق عتيق : خالد وش رايك تقوم تذبح الخروف وتصلح العشاء
فراس : لا لا الخروف خلوه عايش اليوم بكرا نذبحه بالمحطه لقيت رجل يبيع زغاليل وجبت كم كيس معي نويتهن عشانا الليله وانا اللي بصلح العشاء
الجيمع : حي عينك ياللواء ماقصرت
وكمل عتيق : والخروف وش يعيش عليه
طارق : على الربيع ماشاء الله على مد النظر
عتيق : على شوركم وهداية الله
صلح فراس العشاء وتعشو وعتيق جدد المعاميل وكانت جلستهم على ماتحب مابين ضحك وسوالف ولعب بلوت وتحديات ووناسه
أنت تقرأ
في مبسمك يضيع كياني وثقلي وأصير كأني طير بين اياديك
Acción.. لا استبيح النقل او الاقتباس .. .. التنزيل كل خميس .. الانستا : 1w_x88
