مسك عبد العزيز دانه من يدها ومشوو وكل واحد راح لغرفته
عند علي وغزل
دخل علي وماكلمها ابدن راح لغرفه الملابس واخد ملابسه ودخل اخد شاور وطلع في ذي الاثناء كانت غزل تفكر كيف تراضيي
طلع علي وغزل راحت له وقالت:علي
سكتها قبل لاتكمل :وش بتكذبي ذي المرا
غزل ناضرته بصدمة:متوقع مني اني اكذب علييك
علي التفت لها :انتي سويتيها وقدك سافرتي وانا الهطف مصدقتس واعطيتس كل الثقة وخليتس تروحين وفي الاخير تصدمين رجال وتطلعين مسافره هاذي اخرها
غزل وهي خانقتها العبره:علي انا ماكنت ابي اروح البنات هم الي اصرو علي
علي انفعل عليهاا واول مرا يرفع صوته عليهاا :وانتي بزر عشان تسمعين كلامهم ماخفتي يصير لتس شي مافكرتي فيني وقتها وش كان بيصير فيني مافكرتي وقت صدمتي تنقلب السياره ويصير لتس ولهم شي هاا كل ذا ماحسبتي حسابه كل ذا وجايه تقولي اصرو علي ولو اصرو عليتس كان فيتس تقوليلي صح كان في عندس ميه طريقة تنثبري هنا وماتروحين محل
غزل مصدومة منه ومن كلامه له خافت منه ومنبرته لها اول مرا تسمعها ماتنكر ان كلامة صح بس ليش يعلي صوته عليها راح وتركها في تفكيرها ماصحت من تفكيرها الا منصفقت الباب
رجعت لسرير وصارت تبكي بحرقة لحد مانامت
عند دانه الي كانت خايفة من سكوت عبد العزيز شافته طلع من الحمام وصارت عيونها تلحقة وقال:في شي تبي تقوليلنه
دانه :اسفة ماكان ودي اكذب عليك
عبد العزيز ناضرها وهو كان زعلان منها لابعد حد وقال:وين اصرفها هاذي هاا قدم لعندها وجلس مجنبها وكانت اول مرا يجلس جنبها ومايمسك يدها وقال:دانه لو صار لتس شي ها لو تعبتي قولي لي دانه ذا الشي الي صار مارح اقدر انساه قام من جنبها وطلع من الغرفة وقتها دانه تمنت لو الجد ضربها زي البنات ولا زعل عبد العزيز
مر اسبوع كئيب على البنات الجد مايكمهم وغزل مايكلمها على ودانه الي عبد العزيز فك شوي ها بس للحين ممثل الثقل
كانو جالسين ياكلو وقال الجد قاضي:بكرا بنروح الديره
وكانت اول نرا البنات مايعترضون فيها اختلفت الردود بين ابشر وتمام
وقام كل حد يجهز نفسه
الصباح طلعو متجهين لديره وصلو ونزلو اعراضهم دخل الجد ووقف قدام البنات وقال:قومو معي
قامو من غير نقاش اخدهم لمخزن كان في الحوش وقال:ابي المخزن يلق
البنات مصدومات من طلبه
ورجع كمل من دون نقااش بروح وارجع
بدو البنات يشتغلو وكل وحده تتحلطم بس وقفت غزل وحست نفسها بتستفرغ كانت بتمشي الحمام بس ماقدرت كان في حوض صغير في الحوش وراحت استفرغت فيه طلعو البنات وصارو يسؤلها
دانه:وش تحسي فيه الحين
غزل :بطني وراسي
بشرى :بروح اجيب لتس ماء وبرجع
كانت غزل تمشي بس فجأة حست نفسها خفيفة اسودت عيونها
دانه:غزلل
راحو لها ركض وصارو يصحونها وانصدمو من الدم الي شافووه وخافو اكثر جتهم بشرى وقالت:وشفيها
غلا :ماندري ماندري روحي كلمي علي او اي احد
راحت بشرى تركض ونست تغطي شعرها دخلت المجلس استغربو من دخولها وقالت الجده غزال:بشرى وشفيك
بشرى وهي تاخد نفسها :غزل غزل ماندري وشفيها طاحت علينا وهي تنزف
فز علي يركض لها من غير مايسئلها وشفيها
وقف الجد وراح لها :وصار
بشرى:ماندري ياجدي كنا نشتغل وطلعت تستفرغ وبعدين طاحت علينا
راحو لها وكانت بشرى بتطلع معهم بس وقفتها يد نواف رفع يده يحط الشيله على راسها والتفت وقال: اتبهي لاعاد تدرعمين كذا المجلس في رجال
بشرى باباسامه :ابشر
بادلها الابتسامه وطلعو
عند علي الي صار يصحيها وقال:سلطان جهز السياره والتفت لغلا جيبي عبايتها راحت غلا ورجعت معها العبايه حاولو يلبسوها شالها وراح لي المستشفى
اخدوها منه وكان معة الجد والجده وامه وابوه وعلي وسلطان والمدني
طلعت الدكتوره وقال:ها دكتوره طمنيني وشفيعا غزل
الدكتوره:مافيها شي بس هي ما انتبهت على نفسها واتعبت نفسها وشالت شي تقيل عليها وهدا اثر على صحتها وصحة الجنين المهم تحنى وقفنا النزيف وهي بخير الحين
علي:جنين !
التفتو بصدمة وقالت ام علي:دكتوره بس هي مو حامل
الدكتوره :شكلكم ماتدرو بس الحين دريتو لازم اديرو بالكم عليها
علي :طيب اقدر اشوفها
دكتوره:بس تصحى بعد ساعتين
راحت الدكتوره والتفت علي عليهم :خلاص انتو روحو وانا ببقى معها كان بيتكلم علي بس سكته جده وقال:هو جوزها يبقا معها يلا انتو
رواحو والتفت علي ماكان يدري يفرح ولا يبكي كان مبسووط كثيير مايعرف وش يسوي
دخل لها وشافها نايمة مسك يدها وباسها فرح كثير ودموعه غلبته راح الوقت وهو يتاملها فاتت الساعتين صحت غزل التفت جنبها لقت علي ماسك يدها وغافي كانت عطشانه عدلت نفسها وصحى على حركتها
علي:صحيتي
شافته وكانت خايفة تحكي معه ويرجع يصرخ عليها:اي
علي عرف ليش كانت ماسكة نفسها منه
علي شد على يدها وابتسم:حبيبي انا اسف ماكان قصدي اصرخ عليك بس من خوفي عليتس
غزل نزلت دمعتها :وانا اسفة
ضمها له وابعدها وشافها:ليش ماقلتي
غزل عرفت ان عرف:كنت زعلان وخفت اقولك وماتفرح او ماتعطيني وجه
علي:متوقعة مني كذا والحين وش استفدنا انتي تعبتي حالتس وكنتي راح تجهضي
غزل ابتسمت :متدري كن افكر كذا
علي رجعها لحضنه:لاتفكري شم ريحتها وقال:يالله مشتاق لريحتس تدرين وش كنت اسوي كنت
غزل:وش
على:كل ماتنامين اروح اخد تشيرت لتس واحطه جنبي وانام
كملو سوالف وهم الاثنين مبسوطين
في الديره
وصل الجد والي معة وبشروهم والكل فرح بعد شوي وصل الجد قايد ودخلو بدت السوالف بينهم دانه الي كانت داخل وخرجت جلست جنب البنات والتفت لعبد العزيز ورجعت ناضرت دلال وشافتها تطالعة
التفت لبشرى
بشرى:وش فيتس
دانه: شوفيها كيف تطالعة
بشرى:وش تنتضري قومي اقعدي جنبه
قامت دانه وهي متردده وقامت جلست جنبه ومسكت يده بس عشان تقهر دلال التفت عبد العزيز لها وابتسم وهمس في اذنها :اشتقتلتس
ناضرته وهي ودخا تبكي ابتسمت وهمست بنفس همسه:وانا كمان اشتقتلك
ابتسم ورجعو يكملو سوالف ونضرات دلال لها بتموتها
راح اليوم والكل مبسووط وفرحان ومرت الايام فيهم والشهو ووصلو لفتره الامتحانات النهائيه
ايه الي وصلت ل اواخر حملها والدنيا ثقيله فيها ماتبي شي الا انها تولد
ودانه الي دخلت شهرها الخامس وانتها الوحام
غزل الي دخلت الشهر الثالث والوحام قارفها
عند البنات املتمين في الغرفة وكانو يدرسو وكانت معم دلال لان بيتهم احترق فا اجو واستقرو نع عائله الجد قاضي
جتهم الخادمة لولو:بنات بابا يقول تعالو تحت عمتكم جت
راحو البنات يشوفون من جاء وفرحو لماشافو عمتهم منال كلهم راحو يسلمو الا بشرى واميره ودانه جلسو اخر وحدات
سلمو وجلسو يسولفو
منال:ماقلتو لي ان محمد اخوي عنده بنات كنت احسب مشعل بس
الجد قاضي:الا عنده اميره وبشرى
شافتهم وضحكت :ياحلوكمم ومين الحلوالثانيه تقصد دانه
ابسمت لها دانه وقال الجد :هاذي حرمة عبد العزيز وفي ذي الاثناء دخل علد العزيز وعلي الي يتهاوشون واخد ماسك شعر الثاني وقدامهم محمد
محمد:حيا الله عمه منال راح وباس راسها
منال:بخير دامك بخير وش سمعت بتصير اب قريب
ابتسم محمد وشاف ايه:ان شاء الله
التفتو لعلي وعبد العزيز الي للحين يتهاوشون
الجد:والله انكم بزران ابك وكل واحد حرمته حامل وللحين يتهاوشون
عبد العزيز جلس حنب اخته وقال :مشاء الله هذول بنات الحجاز
منال ضحكت وهي تطللع ميهاف الي ما استغرب البنات وصارت
تسولف معم عكس مهاف اليركانت بعمر ال16 جالسه جنبها
نادتهم الخادمة للعشاء وقامو ياكلو لحد ماقال الجد :دامتس جيتي
يابنتي ليش ماتخطبي لنواف
نواف الي كان وده الارض تتشق وتبلعة
(نواف خاطب بنت عمة اسمها ميعاد بس مايبغاها ابوه اجبره ان ياخدها وكان نواف مقرر انه يسوي معاها مشكله ويتركها ويرجع يخطب بشرى
منال:نواف ماقال لكم ان خاطب بنت عمة
انشدت انضار البنات كلها لي بشرى الي كانت تاكل كان ماصار حولها شي او قالو شي استغربو البنات من برودها بس سكتو وكملو اكل وباركو لي نواف معاد بشرى خلصت بشرى اكل وقامت ابتسمت وطالعت عمتها وقالت :الف مبروك ياعمة وان شاء الله تشوفين عياله
والتفت لنواف وقالت:الف مبرووك يانواف ربي يتمم لك فرحتك على الخير
انصدم من برودها والبنات نفس الشي راحت بشرى
ووقفو البنات والتفت الجد وقال:وين
غزل :اا شبعنا وخلاص مانبي
ايه:وبنطلع نضبط جلسه لنا عشان البنات يجونا بعد يخلصون اكل
راحو قبل يسمعو رد الجد وهن بالهن مشغول على يشرى
